କନକ ବ୍ୟୁରୋ: କରୋନ କାଳରେ ଜୀବନ ଓ ଜୀବିକାକୁ ସବୁବେଳେ ଗୁରୁତ୍ୱ ଦେଇ ଆସିଛନ୍ତି ରାଜ୍ୟ ସରକାର । ଯେତେବେଳେ ଓମିକ୍ରନ ପାଇଁ ରାଜ୍ୟରେ ଭୟ ଓ ଆତଙ୍କ ଖେଳିଯାଇଛି । ଦୈନିକ ସଂକ୍ରମଣ ବଢୁଛି । ସେତେବେଳେ ରାଜ୍ୟର କରୋନା ସ୍ଥିତି ନେଇ ସମକ୍ଷା କରିଛନ୍ତି ମୁଖ୍ୟମନ୍ତ୍ରୀ । ଆଉ ସଂକ୍ରମଣ ରୋକିବାକୁ କୋଭିଡ୍ ନିୟମ ଅନୁପାଳନ କରିବାକୁ ଅନୁରୋଧ କରିବା ସହ ଜରୁରୀ ସ୍ଥିତିରେ କଟକଣା ଲଗାଇବାକୁ ନିର୍ଦ୍ଦେଶ ଦେଇଛନ୍ତି । ଜୀବୀକା ଉପରେ ଯେମିତି କିଛି ପ୍ରଭାବ ନପଡିବ ସେ ଦିଗକୁ ଦୃଷ୍ଟିରେ ରଖି କଟକଣା ଲଗାଇବାକୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ରାଜ୍ୟର କରୋନା ସ୍ଥିତି ନେଇ ମୁଖ୍ୟମନ୍ତ୍ରୀଙ୍କ ସମୀକ୍ଷା ପରେ ସବୁ ସରକାରୀ, ବେସରକାରୀ କୋଭିଡ ହସ୍ପିଟାଲ ପ୍ରସ୍ତୁତ ରଖିବାକୁ ନିର୍ଦ୍ଦେଶ ଦିଆଯାଇଛି । ୧୦ ଦିନ ଭିତରେ ହସ୍ପିଟାଲ ପ୍ରସ୍ତୁତ ରଖିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ୨ୟ ଲହରରେ ଯେମିତି ବ୍ୟବସ୍ଥା ହୋଇଥିଲା, ସେମିତି ଏବେ ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି । କୋଭିଡ ହସ୍ପିଟାଲରେ ବେଡ, ଆଇସିୟୁ ପ୍ରସ୍ତୁତ ରଖିବା ସହ ଯୁଦ୍ଧକାଳୀନ ଭିତ୍ତି ସମସ୍ତ ପ୍ରସ୍ତୁତି ସାରିବାକୁ ନିର୍ଦ୍ଦେଶ ଦେଇଛନ୍ତି । ୧୫ରୁ ୧୮ ବର୍ଷ ପିଲାଙ୍କ ଟୀକାକରଣ ଉପରେ ଗୁରୁତ୍ୱ ଦେବାକୁ ନିର୍ଦ୍ଦେଶ ଦେଇଥିବା ବେଳେ ଜନସାଧାରଣଙ୍କୁ ସତର୍କତା ରହିବା ସହ କରୋନା ନିୟମ ମାନିବାକୁ ମୁଖ୍ୟମନ୍ତ୍ରୀଙ୍କ ନିବେଦନ କରିଛନ୍ତି ।