ଚାଷ ଜମିକୁ ଜଳ ସେଚନ ଉପରେ ଜୋର ଦେଲେ ନବୀନ । କହିଲେ ଆମେ ଖର୍ଚ୍ଚ କରିଛୁ ୨୦ ହଜାର କୋଟି, କେନ୍ଦ୍ର ଦେଇଛି ଅଢେଇ ଶହ କୋଟି
କନକ ବ୍ୟୁରୋ: ନିର୍ବାଚନ ପ୍ରଚାର ମୈଦାନରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଓଡିଶାବାସୀଙ୍କ ହୃଦୟ ଜିତିବାକୁ ନବୀନଙ୍କ ଜୋରଦାର କସରତ । ଆଉ ଏହି ପ୍ରରିପେକ୍ଷୀରେ ଘନ ଘନ ନିର୍ବାଚନୀ ରାଲି କରି ଭୋଟରଙ୍କୁ ଆକର୍ଷିତ କରିବାକୁ ଗୋଟି ଚାଲଳା କରୁଛନ୍ତି ବିଜେଡି ସୁପ୍ରିମ । ଆଜି ନବରଙ୍ଗପୁର ଗସ୍ତରେ ଅଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଥମେ ନବରଙ୍ଗପୁରର ରାଇଘରରେ ବିଶାଳ ଜନସଭାକୁ ସମ୍ବୋଧନ କରିବା ପରେ ନବରଙ୍ଗପୁର ଷ୍ଟାଡିୟମରେ ଉଦବୋଧନ ଦେଇଛନ୍ତି ନବୀନ । ତେବେ ବିଜେଡି ସୁପ୍ରିମୋଙ୍କ ଫୋକସରେ ରହିଛି ଚାଷୀ କୂଳ । ବିଜେଡି ନିଜ ଇସ୍ତାହାର ପତ୍ରରେ ଚାଷୀ କଲ୍ୟାଣକୁ ଏକ ନମ୍ବରରେ ରଖିଥିବା କହିଛନ୍ତି ଦଳପତି ।
Kanak News is now on WhatsApp
Join and get latest news updates delivered to you via WhatsApp
କାଳିଆ ଯୋଜନାରେ ଏପର୍ଯ୍ୟନ୍ତ ୪୦ ଲକ୍ଷ ଚାଷୀ ଫାଇଦା ପାଇଥିବା ବେଳେ ଆହୁରି ୨୫ ଲକ୍ଷ ଚାଷୀଙ୍କ ତାଲିକା ପ୍ରସ୍ତୁତ ହୋଇଛି । ସବୁ ଚାଷୀ କାଳିଆ ଯୋଜନାର ଫାଇଦା ପାଇବେ । ଗୋଟିଏ ବି ଚାଷୀ ଏହି ଯୋଜନାରୁ ବାଦ ପଡିବେ ନାହିଁ ବୋଲି କହିଛନ୍ତି ନବୀନ । ଏହାଛଡା ସରକାରକୁ ଆସିବାର ପ୍ରଥମ ଦିନରେ ହିଁ ବାକି ଥିବା ୨୫ ଲକ୍ଷ ଚାଷୀ କାଳିଆ ଯୋଜନାର ୨ଟି କିସ୍ତିର ୧୦ ହଜାର ଟଙ୍କା ଏକାଥରକେ ପାଇବେ । ଏଭଳି କହି କୃଷକଙ୍କ ମନ ଜିଣିବା ପାଇଁ ପ୍ରୟାସ କରିଛନ୍ତି ନବୀନ ।
ଏହାଛଡା ବିରୋଧୀଙ୍କୁ ଟାର୍ଗେଟ କରିବାକୁ ଯାଇ ନବୀନ କହିଛନ୍ତି, କେନ୍ଦ୍ର ବଡ ବଡ ନେତମାନେ ୫ ବର୍ଷରେ ଥରେ କେହି ଆସିଲେ ନାହିଁ ଏବେ କେବଳ ଭୋଟ ଆସୁଛନ୍ତି ବୋଲି କହିଛନ୍ତି ନବୀନ । ଫାଇଲିନ, ହୁଡହୁଡ, ତିତିଲି ବେଳେ କେହି ଆସିଲେ ନାହିଁ କିନ୍ତୁ ଭୋଟବେଳକୁ ଚାଲି ଆସୁଛନ୍ତି କେନ୍ଦ୍ର ସରକାରଙ୍କୁ ତେରଛା ବାଣ ମାରିଛନ୍ତି ନବୀନ । ଏହାପରେ ରାଜ୍ୟରେ ଜଳସେଚନ ଲାଗି କେନ୍ଦ୍ର ୨୫୦କୋଟି ହୋଇଥିବା ବେଳେ ରାଜ୍ୟ ସରକାର ୨୦,୦୦୦ କୋଟି ଖର୍ଚ୍ଚ କରିବା ସହିତ ୪୦ଲକ୍ଷ ଚାଷୀଙ୍କୁ କାଳିଆ ଯୋଜନାରେ ଟଙ୍କା ଦିଆଯାଇଛି ବୋଲି ନବୀନ କହିଥିଲେ। କେନ୍ଦ୍ରକୁ ଟାର୍ଗେଟ କରି ଦୁଇଗୁଣା ଏମ୍ଏସ୍ପି ଗଲା କୁଆଡେ , କେବିକେ ଯୋଜନା କାହିଁକି ବନ୍ଦ କରାଗଲା, ଏସିଏସଟି ପିଲାଙ୍କ ସ୍କର୍ଲାରସିପ କାହିଁକି ବନ୍ଦ କରାଗଲା ଏବଂ ମହାନଦୀ ପାଣି କାହିଁକି ବନ୍ଦ କରାଗଲା ବୋଲି ପ୍ରଶ୍ନ କରିଛନ୍ତି ନବୀନ।
ନିର୍ବାଚନ ବେଳେ ସମସ୍ତେ ବଡ ବଡ କଥା କହିବେ କିନ୍ତୁ ନିର୍ବାଚନ ସରିବା ପରେ କାହାର ଦେଖା ମିଳିବ ନାହିଁ ଟାର୍ଗେଟ କରିଛନ୍ତି ନବୀନ । କିନ୍ତୁ ବିଜେଡି ସରକାର ଜନ୍ମରୁ ମୃତ୍ୟୁ ପର୍ଯ୍ୟନ୍ତ ଲୋକଙ୍କ ସହ ରହିଛି । ଏହାସହ ତାଙ୍କୁ ପୁଣିଥରେ ଆର୍ଶୀବାଦ କରିବା ସହ ଶଙ୍ଖ ଚିହ୍ନରେ ଭୋଟ ଦେବାକୁ ଭୋଟରକୁ ନିବେଦନ କରିଛନ୍ତି ।