ବାଲେଶ୍ୱରରେ ‘ବିଜେପୁର’ ଫଣ୍ଡା । ବିଜେପୁର ଭଳି ବିକାଶର ନାରା ଦେଇ ବାଲେଶ୍ୱରରେ ସମାନ ଗୋଟି ଚଳାଇଲେ ନବୀନ । କହିଲେ ମୁଁ ନେବି ବାଲେଶ୍ୱରର ବିକାଶ ଦାୟିତ୍ୱ…
କନକ ବ୍ୟୁରୋ: ବିଜେପୁର ପରେ ବାଲେଶ୍ୱର ଦାୟିତ୍ୱ ନେବେ ନବୀନ । ବାଲେଶ୍ୱର ବିକାଶ ଦାୟିତ୍ୱ ନିଜେ ବୁଝିବେ, ଆଉ ବିକାଶ କାମକୁ ନିଜେ ତଦାରଖ କରିବେ ନବୀନ । ଡିଜିଟାଲ ପ୍ରଚାରରେ ଏଭଳି ବଡ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ବାଲେଶ୍ୱର ସଦର ଉପ ନିର୍ବାଚନ ପାଇଁ ଜୋରଦାର ରାଲି ଚାଲିଥିବା ବେଳେ ଡିଜିଟାଲ ପ୍ରଚାର ମାଧ୍ୟମରେ ମୈଦାନକୁ ଓହ୍ଲାଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଆଉ ପ୍ରଚାରରେ ବାଲେଶ୍ୱରର ବିକାଶ ଓ ବିକଶିତ ହୋଇଥିବା କାମକୁ ଫୋକସ ଦେଇଛନ୍ତି । ବାଲେଶ୍ୱର ହେଉଛି ଉତ୍ତର ଓଡିଶାର ସବୁଠୁ ସୁନ୍ଦର ସହର । ସାଧାରଣ ନିର୍ବାଚନ ଆଉ ୩ ବର୍ଷ ରହିଲା । ଏହି ୩ ବର୍ଷ ଭିତରେ ଅନେକ କାମ କରିବାର ଅଛି । ତେଣୁ ବାଲେଶ୍ୱରର ବିକାଶ ମୋ ଦାୟିତ୍ୱ ବୋଲି ନବୀନ କହି ବିକାଶର ଭାର ନିଜ କାନ୍ଧକୁ ନେଇଛନ୍ତି ନବୀନ ।
ତେବେ କଂଗ୍ରେସ ବିଧାୟକ ସୁବଳ ସାହୁଙ୍କ ଦେହାନ୍ତ ପରେ ୨୦୧୮ରେ ଯେତେବେଳେ ବିଜେପୁର ପାଇଁ ଉପ ନିର୍ବାଚନ ହୋଇଥିଲା । ସେତେବେଳେ ବିଜେପୁର ସବୁ ଭାର ନିଜେ ନେବେ ବୋଲି ବି ଘୋଷଣା କରିଥିଲେ ନବୀନ । ଆଉ ସୁବଳଙ୍କ ପତ୍ନୀ ରୀତା ସାହୁଙ୍କୁ ପ୍ରାର୍ଥୀ କରି ବିଜେପୁର ବାଜି ଜିତିଥିଲେ । ଆଉ ଏବେ ବାଲେଶ୍ୱର ପାଇଁ ସେହି ସମାନ ରଣନୀତି ଆପଣାଇଛନ୍ତି ବିଜେଡି ସୁପ୍ରିମୋ ।
ପ୍ରଚାରରେ ନବୀନ କହିଛନ୍ତି ବାଲେଶ୍ୱର ଆସିଲେ ମୁଁ ଫକୀର ମୋହନ ସେନାପତିଙ୍କୁ ମନେପକାଏ । ମୁଁ ତାଙ୍କୁ ବହୁତ ମାନେ । ତାଙ୍କ ରେବତୀ ଗଳ୍ପ ମୋତେ ସବୁଠାରୁ ଭଲ ଲାଗେ । କଲାମ ଯେତେବେଳେ ବିଜୁ ବାବୁଙ୍କୁ ଭେଟୁଥିଲେ ସେତେବେଳେ ବିଜୁ ବାବୁ କଲାମଙ୍କୁ କହୁଥିଲେ କି ଆପଣ ଚାନ୍ଦିପୁରରେ ଏମିତି କ୍ଷପଣାସ୍ତ୍ର ତିଆରି କରନ୍ତୁ ଯାହା ଚାଇନାକୁ ଚକମା ଦେବ । ତେବେ ପ୍ରଚାର ବେଳେ ବାଲେଶ୍ୱର ସହ ବିଜୁଙ୍କ ସମ୍ପର୍କ ଓ ବିକାଶର କଥା କହି ବିଜେଡି ପ୍ରାର୍ଥୀ ସ୍ୱରୂପ ଦାସଙ୍କ ପାଇଁ ଭୋଟ ମାଗିଛନ୍ତି ।