ପୁରୀ ଓ ଖୋର୍ଦ୍ଧା ପରିସ୍ଥିତି ନେଇ ସମୀକ୍ଷା କଲେ ମୁଖ୍ୟମନ୍ତ୍ରୀ । ଖୋର୍ଦ୍ଧାରେ ଆଜିଠାରୁ ରିଲିଫ୍ ବଣ୍ଟନ କରିବାକୁ ନିର୍ଦ୍ଦେଶ ।
କନକ ବ୍ୟୁରୋ: ‘ଫୋନି’ରେ ପ୍ରଭାବିତ ହୋଇଥିବା ପୁରୀ ଓ ଖୋର୍ଦ୍ଧା ପରିସ୍ଥିତିର ସମୀକ୍ଷା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବାତ୍ୟା ପରବର୍ତ୍ତୀ ରିଲିଫ୍ ଓ ପୁନଃରୁଦ୍ଧାର କାର୍ଯ୍ୟ ସମ୍ପର୍କରେ ସଚିବାଳୟରେ ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ । ଏହି ଜିଲ୍ଲା ମାନଙ୍କରେ ବିଜୁଳୀ ଓ ଜଳଯୋଗାଣ ପରିସ୍ଥିତି ଏବଂ ରିଲିଫ୍ ଯୋଗାଣ ସଂପର୍କରେ ବିସ୍ତୃତ ଆଲୋଚନା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ବୈଠକରେ ନିଷ୍ପତି ହୋଇଛି ଯେ, ଖୋର୍ଦ୍ଧା ଜିଲ୍ଲାର ଅନ୍ୟାନ୍ୟ ସ୍ଥାନେରେ ଆଜିଠାରୁ ରିଲିଫ୍ ବଣ୍ଟନ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । କାରଣ ଗତକାଲି ଭୁବନେଶ୍ୱରରେ ରିଲିଫ୍ ଓ ସହାୟତା ବଣ୍ଟନ କାର୍ଯ୍ୟ ଆରମ୍ଭ ହୋଇଛି । ତେଣୁ ଖୋର୍ଦ୍ଧା ଜିଲ୍ଲାରେ ବାତ୍ୟା ‘ଫୋନି’ରେ ପ୍ରଭାବିତ ହୋଇଥିବା ଲୋକମାନଙ୍କୁ ଆଜିଠାରୁ ରିଲିଫ୍ ବଣ୍ଟନ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।
ଅନ୍ୟପଟେ ଉଭୟ ପୁରୀ ଓ ଖୋର୍ଦ୍ଧା ଜିଲ୍ଲାରେ ପାନୀୟ ଜଳ ଯୋଗାଣ ପ୍ରାୟତଃ ସ୍ୱାଭାବିକ ହୋଇଛି । ପୁରୀ ଜିଲ୍ଲାର ୯୦ ପ୍ରତିଶତ ଗାଁକୁ ପଞ୍ଚାୟତରୁ ସଡ଼କ ଯୋଗାଯୋଗ ବ୍ୟବସ୍ଥା ହୋଇଯାଇଛି । ବିଜୁଳୀ ଓ ଟେଲି ଯୋଗଯୋଗା ପରି ଗୁରୁତ୍ୱପୂର୍ଣ୍ଣ ଭିତ୍ତିଭୂମି ବ୍ୟବସ୍ଥାକୁ ତ୍ୱରାନ୍ୱିତ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଟେଲି ଯୋଗାଯୋଗରେ ବ୍ୟାପକ ଅସୁବିଧା ହେଉଥିବାରୁ ପୁରୀ ସହରରେ ମୋବାଇଲ ଟାୱାର ଅନ ହ୍ୱିଲ୍ ଜରିଆରେ ଟେଲି ଯୋଗାଯୋଗ ବ୍ୟବସ୍ଥା କାର୍ଯ୍ୟକାରୀ କରିବାକୁ ପଦକ୍ଷେପ ନିଆଯାଇଛି ।