କେନ୍ଦୁଝର ପାଟଣା ସମାବେଶରୁ ପ୍ରଶ୍ନ ପଚାରି କେନ୍ଦ୍ରକୁ ଟାର୍ଗେଟ କଲେ ନବୀନ । କହିଲେ, ୫ ବର୍ଷ ଭିତରେ କଣ କରିଛନ୍ତି କେନ୍ଦ୍ର ସରକାର
ହାଇକମାଣ୍ଡଙ୍କ ପାଖରେ ମୁହଁ ଖୋଲୁନାହାନ୍ତି କେନ୍ଦ୍ର ମନ୍ତ୍ରୀ; ବର୍ଷକ ଭିତରେ କାର୍ଯ୍ୟକ୍ଷମ ହେବ କେନ୍ଦୁଝର ମେଡିକାଲ କଲେଜ
କନକ ବ୍ୟୁରୋ: ତୃତୀୟ ଏବଂ ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ଆଜି ପୁଣି ପ୍ରଚାର ମୈଦାନରେ ଓହ୍ଲାଇଛନ୍ତି ମୁଖ୍ୟମନ୍ତ୍ରୀ । ଭୋଟରଙ୍କୁ ଆକୃଷ୍ଟ କରିବା ପାଇଁ ରାଜ୍ୟର ପ୍ରମୁଖ ରାଜନୈତିକ ଦଳର ତୁଙ୍ଗ ନେତା ମାନେ ପ୍ରଚାର ମୈଦାନକୁ ଓହ୍ଲାଇଥିବା ବେଳେ ବିଜେଡିର ମଙ୍ଗ ଧରିଛନ୍ତି ଖୋଦ୍ ଦଳର ମୁଖିଆ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ମର୍ମରେ ଆଜି ମୟୂରଭଂଜ ଏବଂ କେନ୍ଦୁଝରରେ ପ୍ରଚାର ଆରମ୍ଭ କରିବା ସହ ଦଳୀୟ ପ୍ରାର୍ଥୀଙ୍କ ଭୋଟ୍ ମାଗିଛନ୍ତି ନବୀନ ପଟ୍ଟନାୟକ । ପ୍ରଥମେ ମୟୁରଭଂଜର ଠାକୁରମୁଣ୍ଡାଠାରେ ଦଳ ପକ୍ଷରୁ ଆୟୋଜିତ ଜନସଭାରେ ଯୋଗ ଦେବା ପରେ କେନ୍ଦୁଝରର ପାଟଣାରେ ଆୟୋଜିତ ଦଳୀୟ ସଭାରେ ସାମିଲ ହୋଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ମୟୁରଭଂଜରେ ନବୀନ ନରମ ଭାବ ଦେଖାଇଥିବା ବେଳେ କେନ୍ଦୁଝରରେ କିନ୍ତୁ ନବୀନଙ୍କ ଭାଷଣରେ ଦେଖିବାକୁ ମିଳିଥିଲା ଆକ୍ରମଣାତ୍ମ ଭାବ । କାହିଁକି ନା ପାଟଣାର ଜନସଭାର ଆରମ୍ଭରୁ ହିଁ କେନ୍ଦ୍ର ଉପରେ ବର୍ଷିବା ଆରମ୍ଭ କରିଦେଇଥିଲେ ନବୀନ । ସଭା ମଂଚରୁ କେନ୍ଦ୍ରକୁ କଡା ଭାଷାରେ ସମାଲୋଚନା କରିଛନ୍ତି ବିଜେଡି ସୁପ୍ରିମୋ । କେନ୍ଦ୍ର ସରକାରଙ୍କୁ କଡା ଭାଷାରେ ସମାଲୋଚନା କରି ନବୀନ କହିଛନ୍ତି, ହାଇକମାଣ୍ଡଙ୍କ ପାଖରେ କେନ୍ଦ୍ର ମନ୍ତ୍ରୀ ମୁହଁ ଖୋଲୁନାହାନ୍ତି । କେବଳ ନିର୍ବାଚନ ସମୟରେ ଭୋଟ ପାଇଁ ଓଡିଶା ଆସୁଛନ୍ତି ।
ଆପଣମାନେ ତାଙ୍କୁ କେନ୍ଦୁଝର ଜିଲ୍ଲାର ଜାତୀୟ ରାଜପଥ ବାବଦରେ ପଚାରନ୍ତୁ । ୫ ବର୍ଷ ଭିତରେ କେନ୍ଦ୍ର ସରକାର କଣ କରିଛନ୍ତି ରେଳବାଇରେ କେନ୍ଦ୍ୁଝର ଜିଲ୍ଲା କେତେ ରାଜସ୍ୱ ଦେଉଛ ମାତ୍ର ବଦଳରେ ପାଉଛି କଣ?ବୋଲି ସେ ପ୍ରଶ୍ନ କରିଛନ୍ତି ନବୀନ। ତେବେ ବିଜେଡି ସରକାରର ହାଇକମାଣ୍ଡ ରାଜ୍ୟବାସୀ ବୋଲି କହିଛନ୍ତି ମୁଖ୍ୟମନ୍ତ୍ରୀ । ବର୍ଷକ ଭିତରେ କେନ୍ଦୁଝର ମେଡିକାଲ କଲେଜ କାର୍ଯ୍ୟକ୍ଷମ ହେବ ଏବଂ କେନ୍ଦୁଝରର ସବୁ ଘରକୁ ପାଇପ ପାଣି ଯୋଗାଇ ଦିଆଯିବ ବୋଲି ଭୋଟରଙ୍କ ମନ ଜିଣିବାକୁ ଗୋଟି ଚାଳନା କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଏଥି ସହିତ ହିଁ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିଛନ୍ତି ନବୀନ ।