ମୁଖ୍ୟମନ୍ତ୍ରୀଙ୍କ ଘୋଷଣା ! ବାତ୍ୟା ପ୍ରଭାବିତ ପ୍ରତି ମୃତକଙ୍କ ପରିବାରକୁ ମିଳିବ ୧୦ ଲକ୍ଷ ଟଙ୍କାର ସହାୟତା ରାଶି, ଥଇଥାନ ପାଇଁ ସ୍ୱତନ୍ତ୍ର ବ୍ୟବସ୍ଥା ।
କନକ ବ୍ୟୁରୋ: ବନ୍ୟା ପ୍ରଭାବିତ ଅଞ୍ଚଳରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଥମେ ଗଜପତି ଜିଲ୍ଲାର ଗଙ୍ଗାବାଡ଼ ପଞ୍ଚାୟତର ବାରଘର ଅଞ୍ଚଳବାସିଙ୍କ ସହ ଆଲୋଚନା କରିଛନ୍ତି ମୁଖ୍ୟମନ୍ତ୍ରୀ । ଗଜପତିରେ ବନ୍ୟା ପ୍ରଭାବତିଙ୍କ ସହ ଆଲୋଚନା ପରେ ମୁଖ୍ୟମନ୍ତ୍ରୀଙ୍କ ଘୋଷଣା । ବାତ୍ୟା ସହାୟତା ରାଶି ୧୦ ଲକ୍ଷ ଟଙ୍କାକୁ ବୃଦ୍ଧି କରିବାକୁ ମୁଖ୍ୟମନ୍ତ୍ରୀଙ୍କ ଘୋଷଣା । ପ୍ରତି ମୃତକଙ୍କ ପରିବାରକୁ ମିଳିବ ୧୦ଲକ୍ଷ ଟଙ୍କାର ସହାୟତା । ଗଜପତି ରାୟଗଡ଼ାରେ ପାହାଡ଼ ଉପରେ ଥିବା ୭୬ ପରିବାର ଚୁିହ୍ନଟ ହୋଇଛନ୍ତି । ସେମାନଙ୍କୁ ପାହାଡ଼ ପାଶ୍ୱର୍ବର୍ତ୍ତୀ ଅଞ୍ଚଳରେ ଥଇଥାନ କରାଯିବ । ଏନେଇ ୪ ଡିସିମିଲ ଜାଗାରେ ସେମାନଙ୍କୁ ବିଜୁ ପକ୍କା ଘର ଯୋଗାଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେମାନଙ୍କୁ ଥଇଥାନ କରାଯିବା ଯାଏ ରିଲିଫ୍ କାର୍ଯ୍ୟ ଚାଲୁ ରହିବ ବୋଲି ମୁଖ୍ୟମନ୍ତ୍ରୀଙ୍କ ନିଷ୍ପତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ତିତଲି ପ୍ରଭାବରେ ମୃତ୍ୟୁ ସଂଖ୍ୟା ୫୨କୁ ପହଁଚିଥିବା କହିଛନ୍ତି ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀ । ସରକାରଙ୍କ ପ୍ରାଥମିକ ରିପୋର୍ଟ ଅନୁସାରେ ୨ ହଜାର ୨୦୦ କୋଟି ଟଙ୍କା କ୍ଷୟକ୍ଷତି ହୋଇଥିବା ଜଣା ପଡ଼ିଛି । ସେହିଭଳି ରାସ୍ତାଘାଟ କ୍ଷତିର ପରିମାଣ ୫ଶହ କୋଟି ଆକଳନ ହୋଇଥିବା କହିଛନ୍ତି ମୁଖ୍ୟ ଶାସନ ସଚିବ ।
ସେପଟେ ଗତକାଲି ତିତଲି କ୍ଷୟକ୍ଷତିକୁ ନେଇ କ୍ଷତିଗ୍ରସ୍ତଙ୍କ ପାଇଁ ପ୍ରଥମ ପର୍ଯ୍ୟାୟ ରିଲିଫ୍ ଘୋଷଣା କରିଥିଲେ ରାଜ୍ୟ ସରକାର । ପ୍ରଥମ ପର୍ଯ୍ୟାୟରେ ୧୦୨ କୋଟିର ସହାୟତା ଘୋଷଣା କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହ ବନ୍ୟାରେ ସବୁଠୁ ଅଧିକ ପ୍ରଭାବିତ ଗଂଜାମ ଜିଲ୍ଲାର ଭଂଜନଗର ଗସ୍ତ କରି କ୍ଷୟକ୍ଷତି ଏବଂ ରିଲିଫ୍ ବିଷୟରେ ସମୀକ୍ଷା କରୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।