ଦୁର୍ନୀତି ବିରୋଧରେ ଲଢେଇ ପାଇଁ ମନ୍ତ୍ର ଫୁଙ୍କିଲେ ମୁଖ୍ୟମନ୍ତ୍ରୀ । କହିଲେ ଦୁର୍ନୀତି ବିକାଶର ବଡ ଶତ୍ରୁ । ଯିଏ ଦୁର୍ନୀତି କରିବ ମାଫ୍ ନାହିଁ…
କନକ ବ୍ୟୁରୋ: ଦୁର୍ନୀତି ବିରୋଧରେ ଲଢେଇ ପାଇଁ ମୁଖ୍ୟମନ୍ତ୍ରୀଙ୍କ ବଡ ପଦକ୍ଷେପ । ବିଜେଡି ରାଜ୍ୟ ପରିଷଦ ବୈଠକରେ ମୁଖ୍ୟମନ୍ତ୍ରୀଙ୍କ ଉଦବୋଧନ । ଦୁର୍ନୀତି ବିରୋଧରେ ଲଢେଇ ପାଇଁ ଆହ୍ୱାନ ଦେଲେ ମୁଖ୍ୟମନ୍ତ୍ରୀ । ଦୁର୍ନୀତି ବିକାଶର ବଡ ଶତ୍ରୁ । ଦୁର୍ନୀତି ଲଢେଇରେ ଆମ ସରକାର ବିଶ୍ୱାସ କରେ । ଆରମ୍ଭରୁ ଆମ ସରକାର ଦୁର୍ନୀତି ବିରୋଧରେ ଲଢେଇ କରିଆସିଛି । ଦୁର୍ନୀତିର ଚେର ଉପାଡି ଫିଙ୍ଗି ଦେବାକୁ କଡା ଆଭିମୁଖ୍ୟ ନିଆଯାଉଛି । ଆଗକୁ ଏହି ଲଢେଇ ଜୋରଦାର କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୁର୍ନୀତିରେ ଯିଏ ବି ହେଉନା କାହିଁକି, ସେ ତୃଣମୂଳସ୍ତରର କର୍ମଚାରୀ ହୁଅନ୍ତୁ ବା ଉଚ୍ଚ ପଦସ୍ତ ବଡ ବାବୁ, ଯଦି ସମ୍ପୃକ୍ତି ଥିବ ତେବେ ଦୃଢ କାର୍ଯାନୁଷ୍ଠାନ ଗ୍ରହଣ କରାଯିବ । ଦୁର୍ନୀତି ରୋକିବାକୁ ନିଆଯିବ କଡା ଆଭିମୁଖ୍ୟ । ଦୁର୍ନୀତି ବିରୋଧରେ ଆମର ସାଲିସବିହୀନ ଲଢେଇ ପାଇଁ ସାରା ଭାରତରେ ସୁନାମ ଆଣିଦେଇଛି । ତେବେ ବର୍ଷେ ମଧ୍ୟରେ ୯୧ ଜଣଙ୍କ ଚାକିରି ବନ୍ଦ କରିଛୁ । ଦୁର୍ନୀତିଖୋର ଲୋକଙ୍କ ପେନସନ ବନ୍ଦ କରିଛୁ । ଯିଏ ବି ହେଉନା କାହିଁକି ଦୁର୍ନୀତି କଲେ ମାଫ୍ ନାହିଁ ବୋଲି ସିଧା ସିଧା ଚେତାଇ ଦେଇଛନ୍ତି ମୁଖ୍ୟମନ୍ତ୍ରୀ ।
ଅନ୍ୟପଟେ ବଡ ପ୍ରସଙ୍ଗଟିଏ ଉଠାଇଛନ୍ତି ମୁଖ୍ୟମନ୍ତ୍ରୀ । ଏଣିକି ଜନତା ଜାଣି ପାରିବେ ନେତା-ଅଫିସରଙ୍କ ସମ୍ପତ୍ତି ତାଲିକା । ସବୁ ସରକାରୀ ବାବୁଙ୍କ ସମ୍ପତ୍ତି ତାଲିକା ସାର୍ବଜନୀନ କରାଯିବ । ବର୍ଷ ଶେଷକୁ ସେମାନେ ସମ୍ପତ୍ତି ତାଲିକା ଦେବେ । ତୃଣମୂଳ ସ୍ତରରୁ ଉଚ୍ଚ ପଦସ୍ତ ଯାଏଁ ସମସ୍ତଙ୍କ ସମ୍ପତ୍ତି ତାଲିକା ଲୋକାୟୁକ୍ତଙ୍କ ପାଖକୁ ପଠାଯିବ । ବିଜେଡିର ସମସ୍ତ ନେତା ସମ୍ପତ୍ତି ତାଲିକା ଦେବେ ବୋଲି ମୁଖ୍ୟମନ୍ତ୍ରୀ ବଡ ଘୋଷଣା କରି ଦୁର୍ନୀତି ବିରୋଧରେ ଲଢେଇ କରିବାକୁ ମନ୍ତ୍ର ଦେଇଛନ୍ତି ।