ବରଗଡ ପାଇଁ ଡବଲ ଧମାକା ! ଦୁଇ ମାସରେ ଦୁଇଟି ଘୋଷଣା କଲେ ମୁଖ୍ୟମନ୍ତ୍ରୀ । କ୍ୟାନସର ହସ୍ପିଟାଲ ପରେ ଏବେ ହେବ ଅର୍ବାନ ସିଏଚସି
କନକ ବ୍ୟୁରୋ: ବରଗଡ ପାଇଁ ବଡ ଘୋଷଣା କଲେ ମୁଖ୍ୟମନ୍ତ୍ରୀ । ବରଗଡ ଜିଲ୍ଲାର ସ୍ୱାସ୍ଥ୍ୟ ସେବାର ବିକାଶ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଘୋଷଣା । ପୁରୁଣା ମୁଖ୍ୟ ଚିକିତ୍ସାଳୟରେ ୩୦ ଶଯ୍ୟା ବିଶିଷ୍ଟ ଅର୍ବାନ ସିଏଚସି ହେବ । ଏହି ସିଏଚସିରେ ଲୋକଙ୍କୁ ଜରୁରୀକାଳୀନ ଚିକିତ୍ସା ସହ ଓପିଡି ସେବା ମଧ୍ୟ ଯୋଗାଇ ଦିଆଯିବ । ତେବେ ରୋଗୀଙ୍କ ଯାତାୟାତର ସୁବିଧା ପାଇଁ ପୁରୁଣା ଓ ନୂଆ ଡାକ୍ତରଖାନା ମଧ୍ୟରେ ମାଗଣା ବସ ଏବଂ ଆମ୍ବୁଲାନ୍ସ ଚଳାଚଳ କରିବ । ଯାହା ଫଳରେ ରୋଗୀମାନେ ସୁବିଧାରେ ଯିବା ଆସିବା କରି ପାରିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ବରଗଡବାସୀଙ୍କୁ ଉନ୍ନତ ସ୍ୱାସ୍ଥ୍ୟସେବା ଯୋଗାଇବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୋଟିଏ ପରେ ଗୋଟିଏ ବଡ ଘୋଷଣା କରୁଛନ୍ତି । କିଛି ଦିନ ପୂର୍ବରୁ ବରଗଡରେ କ୍ୟାନସର ହସ୍ପିଟାଲ ପାଇଁ ବଡ ଘୋଷଣା କରିଥିଲେ ନବୀନ । ଓଡିଶାର ଭାତହାଣ୍ଡି କୁହାଯାଉଥିବା ବରଗଡ କ୍ୟାନସରକୁ ନେଇ ମଧ୍ୟ ନମ୍ବର ୱାନରେ ରହିଛି । ଅଧିକ ଅମଳ ପାଇଁ ଧାନରେ ସାର, ବିଷ ଯୋଗୁଁ ସମସ୍ତଙ୍କୁ କ୍ୟାନସର ହେଉଥିବା ଅଭିଯୋଗ ହେଉଥିଲା । ଏଥିପାଇଁ ଦୀର୍ଘଦିନ ହେବ ବରଗଡରେ ଏକ କ୍ୟାନସର ହସ୍ପିଟାଲ ହେଉ ବୋଲି ଦାବି ମଧ୍ୟ ହୋଇ ଆସୁଥିଲା । ଆଉ ନବୀନ ସମ୍ବଲପୁର ଗସ୍ତରେ ଯାଇ କିଛି ଦିନ ତଳେ କ୍ୟାନସର ହସ୍ପିଟାଲ ନେଇ ଘୋଷଣା କରିଥିଲେ ।