ହରିୟାଣାରେ ଜୁନ୍ ୭ ଯାଏଁ ବଢିଲା ଲକଡାଉନ୍ । ମୁଖ୍ୟମନ୍ତ୍ରୀଙ୍କ ଘୋଷଣା, ଅଡ୍-ଇଭିନ୍ ଫର୍ମୁଲାରେ ଖୋଲିବ ଦୋକାନ ।
କନକ ବ୍ୟୁରୋ : କରୋନାର ଦ୍ୱିତୀୟ ଲହର ସଂକ୍ରମଣ ସାରା ଭାରତରେ କାୟା ମେଲାଇଥିବା ବେଳେ ସଂକ୍ରମଣର ଚେନ୍ ଭାଙ୍ଗିବାକୁ ବିଭିନ୍ନ ରାଜ୍ୟରେ କଟକଣା ଜାରି କରାଯାଇଛି । କେଉଁଠି ଲକଡାଉନ୍ ତ ଆଉ କେଉଁଠି ସଟଡାଉନ୍ ଭଳି ପ୍ରତିବନ୍ଧକର ରାସ୍ତା ଆପଣାଯାଇଛି । ଆଉ ଏହାରି ଭିତରେ ହରିୟାଣାରେ ପୁଣି ବଢିଛି ଲକଡାଉନ୍ ଅବଧି ।
Kanak News is now on WhatsApp
Join and get latest news updates delivered to you via WhatsApp
ଜୁନ୍ ୭ତାରିଖ ଯାଏଁ ହରିୟାଣାରେ ତାଲାବନ୍ଦ ବଳବତ୍ତର ରହିବ ବୋଲି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର । କିନ୍ତୁ ତାଲାବନ୍ଦ ସମୟରେ କଟକଣାକୁ ସାମାନ୍ୟ କୋହଳ କରାଯାଇଛି । ଲକଡାଉନ୍ ସମୟରେ ଅଡ୍-ଇଭିନ୍ ଫର୍ମୁଲାରେ ଦୋକାନ ଖୋଲିବାକୁ ନିଷ୍ପତ୍ତି ନେଇଛନ୍ତି ହରିୟାଣା ସରକାର । ଦୋକାନ ଗୁଡିକୁ ସକାଳ ୯ଟାରୁ ଦିନ ୩ଟା ଯାଏଁ ଖୋଲିବାକୁ ନିଷ୍ପତ୍ତି ହୋଇଛି । ଅଡ୍-ଇଭିନ୍ ଫର୍ମୁଲାକୁ ଅନୁସରଣ କରି ଦୋକାନ ଖୋଲିପାରିବେ ଦୋକାନୀ । ସେହିପରି ରାତି ୧୦ଟାରୁ ସକାଳ ୫ଟା ପର୍ଯ୍ୟନ୍ତ ରାତ୍ରୀକାଳୀନ କର୍ଫ୍ୟୁ ଜାରି ରହିବ । ଜୁନ୍ ୧୫ ତାରିଖ ଯାଏଁ, ରାଜ୍ୟରେ ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିବ ।