ଚାଷୀଙ୍କ ପାଇଁ ଆକ୍ସନ ମୋଡରେ ମୋହନ ସରକାର । ଧାନମଣ୍ଡି ଜଗିବ ସିସିଟିଭି, ଗାଡ଼ିରେ ଲାଗିବ ଜିପିଏସ୍ । ଚଳିବନି ମିଲରଙ୍କ ମନମାନି ।
କନକ ବ୍ୟୁରୋ: ନୂଆ ସରକାରରେ ନୂଆ ବ୍ୟବସ୍ଥା । ଧାନ କିଣାରେ ସ୍ୱଚ୍ଛତା ଆଣିବାକୁ ବଡ଼ ପଦକ୍ଷେପ । ଧାନ କିଣାବିକାରେ ହେଉଥିବା ଦୁର୍ନୀତି ରୋକିବାକୁ ତତ୍ପର ହୋଇଛି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ । ଚାଷୀଙ୍କ ସ୍ୱାର୍ଥ ପାଇଁ ସବୁ ଧାନମଣ୍ଡିରେ ଲାଗିବ ସିସିଟିଭି । ମଣ୍ଡିରୁ ମିଲକୁ ଯାଉଥିବା ଗାଡ଼ିରେ ଲାଗିବ ଜିପିଏସ । ବୈଷୟିକ ଜ୍ଞାନ କୌଶଳ ବ୍ୟବହାର କରି ଦୁର୍ନୀତି ରୋକାଯିବ ବୋଲି କହିଛନ୍ତି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ଦୁଇ ମାସ ଭିତରେ ନୂଆ ବ୍ୟବସ୍ଥା ଆରମ୍ଭ କରାଯିବ । ଦୁର୍ନୀତି କଲେ ଘଟଣା ସ୍ଥଳରେ ନିଆଯିବ ଆକ୍ସନ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପ୍ରତି ବ୍ଲକରେ ହେବ ଶୀତଳ ଭଣ୍ଡାର
ଆଉ କ୍ଷତି ସହିବେନି ଚାଷୀ
ଚାଷୀଙ୍କ ପାଇଁ ନୂଆ ସରକାରଙ୍କ ପଦକ୍ଷେପ । ନିର୍ବାଚନ ପୂର୍ବରୁ ଏମଏସପି ବୃଦ୍ଧି ପାଇଁ ପ୍ରତିଶ୍ରୁତି । ଏବେ ପ୍ରତି ବ୍ଲକରେ ଶିତଳ ଭଣ୍ଡାର ଖୋଲିବାକୁ ପ୍ରସ୍ତୁତି । ଏହା ହେଲେ ଆଉ ନଷ୍ଟ ହେବନି ଚାଷୀଙ୍କ ଅମଳ । ଉପଯୁକ୍ତ ପାରିଶ୍ରମିକ ପାଇପାରିବେ ରାଜ୍ୟର ଚାଷୀ । ଶୀତଳ ଭଣ୍ଡାର ନେଇ କୃଷି ବିଭାଗ ସହ ଆଲୋଚନା ହୋଇଥିବା କହିଛନ୍ତି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ସେପଟେ ସରାକରଙ୍କ ନିଷ୍ପତିକୁ ସ୍ୱାଗତ କରିଛନ୍ତି ଚାଷୀ ।
ପୂର୍ବରୁ ଧାନ କିଣାରେ ସ୍ୱଚ୍ଛତା ରହୁ ନଥିବାରୁ ଚାଷୀଙ୍କ ମଧ୍ୟରେ ଦେଖା ଦେଉଥିଲା ଅସନ୍ତୋଷ । ଏବେ କିନ୍ତୁ ଆଉ ଚାଲିବନି ମିଲର୍ସଙ୍କ ମନମାନି । ଦୁର୍ନୀତି ହେଲେ ନିଆଯିବ କାର୍ଯ୍ୟାନୁଷ୍ଠାନ । ଏବେ ଦେଖିବାର କଥା ପ୍ରତିଶ୍ରୁତି କିପରି ପାଳନ କରୁଛନ୍ତି ମୋହନ ସରକାର ।