ଅବକାରୀ ନୀତି ଦୁର୍ନୀତି ମାମଲା : ପ୍ରବର୍ତ୍ତନ ନିର୍ଦ୍ଦେଶାଳୟର ନୋଟିସ ପରେ ବି ହାଜର ହେଲେନାହିଁ କେଜ୍ରିୱାଲ
କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ଦୁର୍ନୀତି ମାମଲାରେ ଆମ୍ ଆଦମୀ ପାର୍ଟି ପାଇଁ ଅଡୁଆ ବଢିବାରେ ଲାଗିଛି । ସଂପୃକ୍ତ ମାମଲାରେ ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଓ ରାଜ୍ୟସଭା ସାଂସଦ ଗିରଫ ହେବା ପରେ ଏବେ ଇଡି ନଜରରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ । କିଛିଦିନ ତଳେ ସଂପୃକ୍ତ ମାମଲାର ଯାଂଚ ପାଇଁ ଇଡି ତରଫରୁ କେଜ୍ରିୱାଲଙ୍କୁ ନୋଟିସ କରାଯାଇଥିଲା । ତାଙ୍କୁ ନଭେମ୍ବର ୨ ତାରିଖ ଗୁରୁବାର ହାଜର ହେବାକୁ ନୋଟିସରେ ଆଦେଶ ଦିଆଯାଇଥିଲା । ହେଲେ ଆଜି କେଜ୍ରିୱାଲ ଇଡିରେ ହାଜର ହେବାକୁ ଥିବା ବେଳେ ସେ ହାଜର ହୋଇନାହାଁନ୍ତି । ଏନେଇ ପୂର୍ବରୁ ସେ ଇଡିକୁ ଏକ ଜବାବ ପତ୍ର ପଠାଇଥିଲେ । ସେଥିରେ ସେ ଲେଖିଥିଲେ କି ତାଙ୍କ ବିରୋଧରେ ବିଜେପି ଇଶାରାରେ ଇଡି ନୋଟିସ ପଠାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଅରବିନ୍ଦ କେଜ୍ରିୱାଲ ମଧ୍ୟପ୍ରଦେଶର ସିଂଗରୋଲିରେ ଏକ ନିର୍ବାଚନ ରାଲି କରୁଥିବାରୁ ଆଜି ସେ ଇଡି ନିକଟରେ ହାଜର ହୋଇପାରି ନାହାଁନ୍ତି । ଏହି କାର୍ଯ୍ୟକ୍ରମରେ ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ମଧ୍ୟ ଉପସ୍ଥିତ ରହିବେ । ଏହା ସହ କେଜ୍ରିୱାଲ ମଧ୍ୟ ଛତିଶଗଡରେ ନିର୍ବାଚନୀ ରାଲି କରିବେ । ଏହି କାରଣରୁ ଦୁଇଦିନିଆ ମଧ୍ୟପ୍ରଦେଶ ଓ ଛତିଶଗଡ ଗସ୍ତରେ ବାହାରି ଯାଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ।