ଜଳବାୟୁ ପରିବର୍ତ୍ତନ ଉଜାଡିଦେଉଛି ଜୀବିକା । ଅନିଚ୍ଛା ସତ୍ୱେ ପେଟପାଟଣା ପାଇଁ ଭିଟାମାଟି ଛାଡୁଛନ୍ତି ଶ୍ରମିକ ।
କନକ ବ୍ୟୁରୋ: ଜଳବାୟୁ ପରିବର୍ତନ ବି ନିର୍ୱାଚନକୁ ପକାଇପାରେ ପ୍ରଭାବ । ଏହା ସାଧାରଣତ ନଜରକୁ ଆସୁନଥିଲେ ବି ପ୍ରତ୍ୟକ୍ଷରେ ଏହା ଭୋଟ ହାରକୁ କରେ ପ୍ରଭାବିତ । ବର୍ଷା କମ ଯୋଗୁଁ ଚାଷ ଉପରେ ସମ୍ପୂର୍ଣ ନିର୍ଭର ନକରି ରାଜ୍ୟର ବିଭିନ୍ନ ଜିଲ୍ଲା ତଥା ରାଜ୍ୟ ବାହାରକୁ ରୋଜଗାର ଆଶାରେ ଯାଉଛନ୍ତି ଓଡିଆ ଶ୍ରମିକ । ନିର୍ୱାଚନ ହେଲେ ହାତ ଗଣତି ଲୋକ ଭୋଟ ଦେବା ଓଡିଶା ଆସନ୍ତି, କିନ୍ତୁ ସେ ସଂଖ୍ୟା ସମୁଦ୍ରକୁ ଶଙ୍ଖେ…
Kanak News is now on WhatsApp
Join and get latest news updates delivered to you via WhatsApp
ଘରର ବୋଝକୁ ହାଲୁକା କରିବା ପାଇଁ ମୁଣ୍ଡରେ ଇଟା ବୋହୁଛନ୍ତି ଏହି ମହିଳାମାନେ । ଥରେ ବୋହିଲେ ମିଳୁଛି ୨ ଟଙ୍କା । ଏମିତି ଦୁଇ ଦୁଇ ଟଙ୍କା ସଂଚୟ କରି ପେଟ ପୋଷିବା ପାଇଁ ଟଙ୍କା ଯୋଗାଡ କରୁଛନ୍ତି ମହିଲାମାନେ । କିଏ ନବରଙ୍ଗପୁରରୁ ଆସିଛି ତ ଆଉ କାହା ଘର ମୟୁରଭଞ୍ଜରେ । ଭୁବନେଶ୍ୱରର ଏହି ଇଟା ଭାଟିରେ ସଭିଏଁ ଏକାଠି ହୋଇ ଲାଗିପଡିଛନ୍ତି କାମରେ । ଜଳବାୟୁ ପରିବର୍ତନ ଯୋଗୁଁ ଏମାନଙ୍କ ଚାଷ ଜମି ବ୍ୟାପକ କ୍ଷତିଗ୍ରସ୍ତ ହୋଇଛି । ଜମିକୁ ନା ମିଳୁଛି ପାଣି ନା ହେଉଛି ଭଲ ଧାନ । ସେଥିପାଇଁ ତ ଘର ଦ୍ୱାର ଛାଡି ଇଟା ଭାଟିକୁ ଚାଲିଆସିଛନ୍ତି ଏମାନେ । ଗାଁଠାରୁ ସହର ଯାଏଁ , ଚା ଖଟି ଠାରୁ ନେତାଙ୍କର କୋଠରୀ ଯାଏଁ ସବୁଠି ନିର୍ବାଚନର ମାହୋଲ ଥିବାବେଳେ ଏସବୁରୁ ଏମାନେ ବହୁ ଦୁରରେ । କେଉଁ ଦଳରୁ କିଏ ଟିକେଟ ପାଇଛି ସେତିିକି ଜାଣିବାକୁ ବି ଏମାନେ ଆଗ୍ରହୀ ନାହାନ୍ତି । ଯଦି କେଉଁ ବିଧାୟକଙ୍କ ସମର୍ଥକ ଗାଡି ପଠାଇଲେ ତେବେ ହୁଏତ ଏମାନେ ଭୋଟ ଦେବାକୁ ନିଜ ଗାଁକୁ ଯାନ୍ତି ନଚେତ ଏଇଠି ହିଁ ବିତିଯାଏ ନିର୍ବାଚନ ସମୟ । ରୋଜଗାର ଆଶାରେ ଓଡିଶାର ଶ୍ରମିକ ରାଜ୍ୟ ବାହାରକୁ ଯାଉଥିବାବେଳେ ବିହାରର ଅନେକ ଶ୍ରମିକ ଓଡିଶାରେ ଦାଦନ ଖଟିବାକୁ ଆସିଛନ୍ତି । ଠିକାଦାରଙ୍କ ଠାରୁ ଅଗ୍ରୀମ ଟଙ୍କା ନିଅନ୍ତି ଶ୍ରମିକମାନେ । ପିଲାଛୁଆଙ୍କୁ ସାଥିରେ ଧରି ଚାଲିଆସନ୍ତି ଓଡିଶା । କିଛି ଦିନ ଏଠି ଖଟନ୍ତି ତ ପୁଣି କିଛି ଅନ୍ୟ କେଉଁଠି ।
କୋଭିଡ ସମୟରେ ଲକ୍ଷାଧିକ ଶ୍ରମିକଙ୍କ ଘରବାହୁଡା ରାଜ୍ୟରେ ଦାଦନ ସମସ୍ୟାର ଚିତ୍ର ଧରାଇ ଦେଇଥିଲା । କରୋନା ବ୍ୟାପୁଥିବାବେଳେ ପାଖାପାଖି ୧୦ ଲକ୍ଷ ଓଡିଆ ଶ୍ରମିକ ଘରକୁ ଫେରିଥିଲେ । ବରଗଡ, ବଲାଙ୍ଗୀର , କଳାହାଣ୍ଡି, ନୂଆପଡା,ଗଞ୍ଜାମ, ଗଜପତି, କନ୍ଧମାଳ, କୋରାପୁଟ, ନବରଙ୍ଗପୁର ଏବଂ ରାୟଗଡାର ଶ୍ରମିକମାନେ ତେଲେଙ୍ଗାନା, ଆନ୍ଧ୍ରପ୍ରଦେଶ, କର୍ଣ୍ଣର୍ାଟକ, ତାମିଲନାଡୁ, ଗୁଜୁରାଟ ଓ କେରଳକୁ କାମ ସନ୍ଧାନରେ ଯାଉଛନ୍ତି । ତେବେ ଏହି ଶ୍ରମିକଙ୍କୁ ନେଇ କାମ କରୁଥିବା ସଂସ୍ଥାର ଠିକାଦାରମାନେ ନିର୍ବାଚନ ସମୟରେ ଟିକେ ସଜାଗ ହୋଇଯାନ୍ତି । ଶ୍ରମିକମାନେ ଯେଭଳି ଦିନକରେ ଫେରିବେ ସେହି ବ୍ୟବସ୍ଥା ବି କରନ୍ତି । ଘରଠାରୁ ଦୂରରେ ରହି କାମ କରୁଥିବା ଶ୍ରମିକମାନଙ୍କ ପାଇଁ ଭୋଟ ଦେବାକୁ ବିକଳ୍ପ ବ୍ୟବସ୍ତା କରିବାକୁ ଅନେକ ଦିନରୁ ଦାବି ହୋଇଆସୁଛି । କିନ୍ତୁ ଫଳ ଶୂନ ।