କନକ ବ୍ୟୁରୋ : ବାବା ରାମଦେବଙ୍କ ବିରୋଧରେ ହେଉ ଦେଶଦ୍ରୋହ ମୋକଦ୍ଦମା । ଇଣ୍ଡିଏନ ମେଡିକାଲ ଏସୋସିଏସନ ବା ଆଇଏମଏ ପ୍ରଧାନମନ୍ତ୍ରୀଙ୍କୁ ଚିଠି ଲେଖି ଏହି ଦାବି ଜଣାଇଛନ୍ତି । ଯୋଗଗୁରୁ ବାବା ରାମଦେବଙ୍କ ବିରୁଦ୍ଧରେ ଦେଶଦ୍ରୋହର ମୋକଦ୍ଦମା କରାଯାଉ ବୋଲିି ଚିଠିରେ ଉଲ୍ଲେଖ ରହିଛି । ଦେଶରେ ଏଲୋପାଥିି ଡାକ୍ତରଙ୍କ ବିରୋଧରେ ବିବାଦୀୟ ମନ୍ତବ୍ୟ ଦେଇଥିଲେ ରାମଦେବ ବାବା ।
Kanak News is now on WhatsApp
Join and get latest news updates delivered to you via WhatsApp
ରାମଦେବ ବାବା ନିଜର ଗୋଟିଏ ବାର୍ତ୍ତାରେ କହିଥିଲେ ଯେ ଅନେକ ଡାକ୍ତର ଦେଶରେ ଭ୍ୟାକ୍ସିନ ନେବା ପରେ ମଧ୍ୟ ମୃତ୍ୟୁବରଣ କରିଛନ୍ତି ଓ ସେ ଏଲୋପାଥି ଚିକିତ୍ସା ବିଷୟରେ ମଧ୍ୟ ପ୍ରଶ୍ନବାଚୀ ସୃଷ୍ଟି କରିଥିଲେ । ସରକାରଙ୍କ କରୋନା ଚିକିତ୍ସାର ପ୍ରୋଟୋକଲକୁ ଉଲ୍ଲଙ୍ଘନ କରିଥିବା ଅଭିଯୋଗରେ ବାବା ରାମଦେବଙ୍କ ବିରୋଧରେ ମାମଲା ରୁଜୁ କରାଯାଉ ବୋଲି ଆଇଏମଏ ନିଜ ପତ୍ରରେ ଲେଖିଛନ୍ତି ।
ମେଡିକାଲ ଏସୋସିଏସନ ପକ୍ଷରୁ ବାବା ରାମଦେବଙ୍କ ବିରୋଧରେ ମାନହାନି ମୋକଦ୍ଦମା ରୁଜୁ କରାଯିବା ସହ ୧୫ ଦିନରେ କ୍ଷମା ମାଗନ୍ତୁ ବାବା ବୋଲି ନୋଟିସରେ ଉଲ୍ଲେଖ କରାଯାଇଛି । ତା ସହ ୧୦୦୦ କୋଟିିର କ୍ଷତିପୂରଣ ମଧ୍ୟ ପତଞ୍ଜଳୀ କମ୍ପାନୀ ତରଫରୁ ଦିଆଯାଉ ବୋଲି ଏସୋସିଏସନ ତରଫରୁ କୁହାଯାଇଛି । କରୋନା ସମୟରେ ବାବାଙ୍କ ଅନେକ ବୟାନ ଚର୍ଚ୍ଚାର ପରିସରକୁ ଆସିଥିଲା । ବାବା ରାମଦେବଙ୍କ କମ୍ପାନୀ ତରଫରୁ ତିଆରି ହୋଇଥିବା କରୋନିଲ ଔଷଧର ଶୁଭାରମ୍ଭ ଦିନ ଦେଶର ସ୍ୱାସ୍ଥ୍ୟମନ୍ତ୍ରୀ ଡ. ହର୍ଷବର୍ଦ୍ଧନ ଯୋଗ ଦେବାକୁ ନେଇ ମଧ୍ୟ ଚର୍ଚ୍ଚା ସାମନାକୁ ଆସିଥିଲା ।