ପୁରୀ ବଡଦାଣ୍ଡ ଓ ସହରକୁ ସ୍ୱଚ୍ଛ ରଖିବା ପାଇଁ ପ୍ରଶାସନର ନିଆରା ଉଦ୍ୟମ : ପ୍ରତି ଶନିବାର ସକାଳ ସାଢେ ୬ରୁ ସାଢେ ୮ ବଡଦାଣ୍ଡ ସେବା
ସଫେଇ ପାଇଁ ସେଚ୍ଛାକୃତ ଭାବେ ଆଗେଇ ଆସିଲେ ସହରବାସୀ ଓ ପର୍ଯ୍ୟଟକ
କନକ ବ୍ୟୁରୋ : ଆଜିଠୁ ଆରମ୍ଭ ହୋଇଛି ପୁରୀରେ ବଡଦାଣ୍ଡ ସେବା । ପ୍ରତି ଶନିବାର ସକାଳ ସାଢେ ଛଅରୁ ସାଢେ ୮ ଯାଏ ଦୁଇ ଘଂଟା ଧରି ବଡଦାଣ୍ଡ ସେବା କରାଯିବ । ପୁରୀ ସହର ଓ ବଡଦାଣ୍ଡକୁ ସ୍ୱଚ୍ଛ ରଖିବା ପାଇଁ ସ୍ୱେଚ୍ଛାକୃତ ଭାବେ ସଫେଇ କାର୍ଯ୍ୟକ୍ରମରେ ସାମିଲ ହେବା ପାଇଁ ପୁରୀବାସୀ ଓ ପର୍ଯ୍ୟଟକଙ୍କୁ ଆହ୍ୱାନ ଦେଇଛି ପୁରୀ ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀମନ୍ଦିର କାର୍ଯ୍ୟାଳୟରୁ ମରିଚିକୋଟ ଛକ, ଡାକ୍ତରଖାନା ଛକ, ଗୁଣ୍ଡିଚାମନ୍ଦିର ଯାଏ ୫ଟି ସ୍ଥାନରେ ଏହି ସେବା ଆରମ୍ଭ କରାଯାଇଛି । ଏଥିରେ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ସହ ବକ୍ତୃତା ପ୍ରତିଯୋଗିତା, ରଙ୍ଗୋଲି, କୁଇଜ୍, ଚିତ୍ରାଙ୍କନ ଭଳି ବିଭିନ୍ନ କାର୍ଯ୍ୟକ୍ରମ ରହିଛି, ଏହା ସାଙ୍ଗକୁ କୃତି ପ୍ରତିଯୋଗୀକୁ ଗୁଣ୍ଡିଚାମନ୍ଦିର ନିକଟରେ ପୁରସ୍କୃତ ମଧ୍ୟ କରାଯିବ । ଏଥିପାଇଁ ଅନଲାଇନ ପଞ୍ଜିକରଣ ଆରମ୍ଭ ହୋଇଛି । ପ୍ରାୟ ଦେଢ ହଜାର ବ୍ୟକ୍ତି ଏଥିରେ ସାମିଲ ହେଇଥିଲେ । ବଡଦାଣ୍ଡ ସେବା ସହ ପ୍ରତି ଶନିବାର ପ୍ଲାଷ୍ଟିକ୍ ସଂଗ୍ରହ ଅଭିଯାନ ମଧ୍ୟ ଆରମ୍ଭ କରିଛି ପୁରୀ ପ୍ରଶାସନ ।