ହସ୍ପିଟାଲରେ ସିଡିଏମଓ ଏଡିଏମଓଙ୍କୁ ଘେରିଲେ ଚତୃର୍ଥ ଶ୍ରେଣୀର କର୍ମଚାରୀ । ବିନା ନୋଟିସରେ ଛଟେଇ ପ୍ରତିବାଦରେ ଧାରଣା
ଆଲୋଚନା ପାଇଁ ଆସିଥିବା ବେଳେ ରଖିଲେ ଅଟକ
କନକ ବ୍ୟୁରୋ: ଛଟେଇ ପ୍ରତିବାଦରେ ଭାରପ୍ରାପ୍ତ ସିଡିଏମଓଙ୍କୁ ଘେରିଲେ ଚତୃର୍ଥ ଶ୍ରେଣୀ କର୍ମଚାରୀ । କେନ୍ଦୁଝର ଜିଲ୍ଳା ମୁଖ୍ୟ ଚିକିତ୍ସାଳୟରେ କାର୍ଯ୍ୟରତ ୨୧ ଜଣ ଚତୃର୍ଥ ଶ୍ରେଣୀ କର୍ମଚାରୀଙ୍କୁ ବିନା ନୋଟିସରେ ଛଟେଇ ପ୍ରତିବାଦରେ ଏନଏଚଏମ ଅଫିସ ସମ୍ମୁଖରେ ଆନ୍ଦୋଳନକାରୀମାନେ ଧାରଣାରେ ବସିଛନ୍ତି । ଆଲୋଚନା ପାଇଁ ଆସିଥିବା ଏଡିଏମଓ ଓ ସିଡିଏମଟଙ୍କୁ ଅନଶନକାରୀ ଅଟକ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୨୦୦୭ ମସିହାରୁ କାର୍ଯ୍ୟରତ ଥିବା ବେଳେ ଖାଲିଥିବା ୩୭ଟି ପୋଷ୍ଟରେ ଅନ୍ୟ କର୍ମଚାରୀଙ୍କୁ ନିୟୋଜିତ କରାଯାଇଥିବା ଅଭିଯୋଗ ହୋଇଛି ।ଫେବୁଆରୀ ମାସରେ ଏହି କର୍ମଚରୀମାନେ ୭ ଦିନ ଧାରଣାରେ ବସିଥିଲେ । ରୋଗୀ ସେବା ବ୍ୟାହତ ହେବାରୁ ଏମାନଙ୍କୁ ଥଇଥାନ କରିବା ପାଇଁ ପ୍ରତିଶ୍ରୁତି ଦେବା ପରେ ଧାରଣା ହଟିଥିଲା । ତେବେ ଏବେ ହଠାତ ଏମାନଙ୍କୁ ଛଟେଇ ଓ ତାଙ୍କ ଜାଗାରେ ଅନ୍ୟ ମାନଙ୍କୁ ନିୟୋଜିତ କରିବା ଘଟଣା ପ୍ରତିବାଦରେ କର୍ମଚାରୀମାନେ ଧାରଣା ଦେଇଛନ୍ତି ।