କନକ ବ୍ୟୁରୋ: ଦେଶର ଅତି ସୁରକ୍ଷିତ କୁହାଯାଉଥିବା ଦିଲ୍ଲୀର ତିହାର ଜେଲରେ ପୁଣି ହିଂସା । ଦୁଇ ଗୋଷ୍ଠୀ ମଧ୍ୟରେ ହିଂସା ଘଟି ୧୫ଜଣ କଏଦୀ ଗୁରୁତର ଆହତ ହୋଇଛନ୍ତି । କଏଦୀଙ୍କ ମଧ୍ୟରେ ବଚସାକୁ ନେଇ ହିଂସା କାଣ୍ଡ ଘଟିଥିବା ଜଣାପଡିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ତିହାର ପ୍ରଶାସନର ସୂଚନା ମୁତାବକ, କିଛି କଏଦୀଙ୍କୁ ପ୍ରାଥମିକ ଚିିକିତ୍ସା ପରେ ସେମାନଙ୍କୁ ପୁଣିଥରେ ଜେଲରେ ବନ୍ଦ କରାଯାଇଥିବାବେଳେ ଅନ୍ୟ କିଛି କଏଦୀଙ୍କ ଚିକିତ୍ସା ଏବେବି ଚାଲିଛି । ପୁରା ଘଟଣାକ୍ରମର ଯାଞ୍ଚ ଆରମ୍ଭ କରିଛି ତିହାର ଜେଲ ପ୍ରଶାସନ । ତିହାର ଜେଲ ସବୁଠୁ ସୁରକ୍ଷିତ କୁହାଯାଉଥିଲେ ବି ଏଠାରେ ହିଂସା ଘଟିବାରେ ଏହା ପ୍ରଥମ ଘଟଣା ନୁହେଁ । ଏହା ପୂର୍ବରୁ ମଧ୍ୟ ଏଠାରେ ହିଂସା ଘଟିଛି ।
ଫେବୃଆରୀ ମାସରେ ମଧ୍ୟ କଏଦୀଙ୍କ ଦୁଇ ଗୋଷ୍ଠୀ ମଧ୍ୟରେ ହିଂସାକାଣ୍ଡ ଘଟିଥିଲା । ଏଥିରେ ୪ ଜଣ କଏଦୀ ଗୁରୁତର ହୋଇଥିବାବେଳେ ସହାୟକ ଜେଲ ଅଧିକ୍ଷକ ଓ ୱାର୍ଡେନ୍ ଆହତ ହୋଇଥିଲେ । ପରିସ୍ଥିତି ନିୟନ୍ତ୍ରଣ କରିବାକୁ ଯାଇ ସହାୟକ ଜେଲ ଅଧୀକ୍ଷକ ମଧ୍ୟ ଆହତ ହୋଇଥିଲେ ।