ସାଂଘାତିକ ରୂପନେଲା ସିଟି ହସ୍ପିଟାଲ ଦାବି । ରାସ୍ତା ମଝିରେ ପୁଲିସ-ଜନତା ମୁହାଁମୁହିଁ । ହସ୍ପିଟାଲ ଦାବିରେ ଠେଲାପେଲା, ପଥରମାଡ଼ । ମୁଖ୍ୟ ଡାକ୍ତରଖାନା ଆଗରେ ହଜାର ହଜାର ଲୋକଙ୍କ ଧାରଣା
କନକ ବ୍ୟୁରୋ: ବରଗଡ଼ ସହରରୁ ଦିନସାରା ଯେଉଁ ପ୍ରତିବାଦର ଚିତ୍ର ସାମ୍ନାକୁ ଆସିଥିଲା ତାହା ପ୍ରମାଣ କରୁଛି, ସିଟି ହସ୍ପିଟାଲ ଦାବିରେ ହେଉଥିବା ଆନ୍ଦୋଳନ ଏବେ କେଉଁ ସ୍ଥରରେ ପହଂଚିଛି । ପୁଲିସ୍ ଜନତା ଉପରେ ପଥର ମାଡ଼ କରୁଛି, ଜନତା ପୁଲିସ୍ ଉପରେ ପଥର ମାଡ଼ କରୁଛନ୍ତି । ଆଉ ଏହି ଖଣ୍ଡ ଯୁଦ୍ଧର ଶୁତ୍ରପାତ ହୋଇଥିଲା, ଜିଲ୍ଲା ମୁଖ୍ୟ ହସ୍ପିଟାଲ ସାମ୍ନାରୁ, ଯେତେବେଳେ ବରଗଡ଼ ସହରରେ ସିଟି ହସ୍ପିଟାଲ ଦାବିରେ ସ୍ଥାନୀୟ ବାସିନ୍ଦା ଆନ୍ଦୋଳନ କରୁଥିଲେ । ଆଉ ସ୍ଥିତି ନିୟନ୍ତ୍ରଣ କରିବାକୁ ପହଂଚିଥିଲା ପୁଲିସ୍ । ଠିକ୍ ଏତିକି ବେଳେ ଠେଲାପେଲାରୁ ଆରମ୍ଭ ହୋଇଥିଲା ଏହି ଖଣ୍ଡ ଯୁଦ୍ଧ ।
Kanak News is now on WhatsApp
Join and get latest news updates delivered to you via WhatsApp
ବରଗଡ଼ ଜିଲ୍ଲା ମୁଖ୍ୟ ଡାକ୍ତରଖାନାକୁ ଭଟଲି ବ୍ଲକ୍ ଟୁକୁର୍ଲ୍ଲାକୁ ସ୍ଥାନାନ୍ତର ନେଇ ନିଷ୍ପତି ହେବା ପରେ ଏହାକୁ ନେଇ ବରଗଡ଼ରେ ଜାରି ରହିଛି ଅସନ୍ତୋଷ । ଆଉ ଜିଲ୍ଲା ମୁଖ୍ୟ ଡାକ୍ତରଖାନା ବଦଳରେ ସହର ଭିତରେ ଏକ ସିଟି ହସ୍ପିଟାଲ ଦାବିରେ ୪ ଦିନ ହେଲା ଲୋକେ ପ୍ରତିବାଦ କରୁଥିଲେ । ଯେଉଁଠି ରାସ୍ତା ରୋକ୍ ତ ଆଉ କେଉଁଠି ଟାୟର ଜାଳି ପ୍ରତିବାଦ କରୁଥିଲେ । ଆଉ ଆଜି ହଜାର ହଜାର ଲୋକ ଡାକ୍ତରଖାନା ସାମ୍ନାରେ ପ୍ରତିବାଦ କରିବା ବେଳେ ସାମ୍ନାକୁ ଆସିଥିଲା ଏଭଳି ଏକ ଅଭାବନୀୟ ଚିତ୍ର । ଏମିତି କି ଏହି ମୁହାମୁହିଁ ବେଳେ ବିଧାୟକଙ୍କୁ ହଟହଟା ହେବାକୁ ପଡ଼ିଥିଲା ।
ପ୍ରଶ୍ନ ହେଉଛି-
-ଜିଲ୍ଲା ହସ୍ପିଟାଲ ସ୍ଥାନାନ୍ତର ହୋଇଯିବା ପରେ ସହରବାସୀ ଚିକିତ୍ସା ସେବା ପାଇବେ କେମିତି?
-ନିୟମିତ ଚିକିତ୍ସା ପାଇଁ ବରଗଡ଼ ସହରବାସୀ ପ୍ରତିଦିନ ୧୪ କିଲୋମିଟର ଟୁକୁର୍ଲ୍ଲା ଯିବେ କାହିଁକି?
-ପ୍ରାୟ ଦେଢ଼ ଲକ୍ଷ ସହରବାସୀଙ୍କ ଚିକିତ୍ସା ପାଇଁ ବିକଳ୍ପ ହସ୍ପିଟାଲ ହେବାରେ ଅସୁବିଧା କ’ଣ?