କୋଭିଡ୍ କଟକଣା ନେଇ ୟୁକେକୁ ଭାରତର ପାଲଟା ଜବାବ । ୟୁକେରୁ ଭାରତ ଆସୁଥିବା ନାଗରିକଙ୍କୁ କ୍ୱାରେଣ୍ଟିନରେ ରହିବାକୁ ପଡିବ ୧୦ ଦିନ ।
କନକ ବ୍ୟୁରୋ: ବ୍ରିଟେନ ସରକାରକୁ ପାଲଟା ଜବାବ ଦେଲା ଭାରତ । ବ୍ରିଟେନ ସରକାର ଭାରତୀୟ ଯାତ୍ରୀଙ୍କ ପାଇଁ ଲାଗୁ କରିଥିବା କୋଭିଡ୍ ଗାଇଡଲାଇନକୁ ଦେଖି ଭାରତ ମଧ୍ୟ ବ୍ରିଟେନ ଯାତ୍ରୀଙ୍କ ପାଇଁ ସେହିପରି ନିୟମ ଲାଗୁ କରିଛି । ବ୍ରିଟେନ ଯାତ୍ରୀଙ୍କ ପାଇଁ ଏଣିକି ଭାରତ ଆସିଲେ ମାନିବାକୁ ପଡିବ କଟକଣା । ବ୍ରିଟେନରୁ ଭାରତ ଆସୁଥିବା ଯାତ୍ରୀ ଏଣିକି ୧୦ ଦିନ ସଙ୍ଗରୋଧରେ ରହିବା ବାଧ୍ୟତାମୂଳକ ବୋଲି ନିୟମ ଲାଗୁ କଲେ ଭାରତ ସରକାର ।
Kanak News is now on WhatsApp
Join and get latest news updates delivered to you via WhatsApp
ଯେସା କୁ ତେସା ପରି ଭାରତ ସରକାର ଶୁକ୍ରବାର ବ୍ରିଟେନ ପ୍ରତି ସମାନ କଟକଣା ଯୁକ୍ତ ନିୟମ ଜାରି କରିଛନ୍ତି । କିଛିଦିନ ତଳେ ବ୍ରିଟେନ ପକ୍ଷରୁ ଭାରତର ଟିକାକରଣକୁ ନେଇ ପ୍ରଶ୍ନ ଉଠାଯାଇଥିଲା । ତେବେ ପ୍ରଥମେ କୋଭିସିଲଡକୁ ଅନୁମତି ଦେଇନଥିଲେ ମଧ୍ୟ ଭାରତର କଡା ଆଭିମୂଖ୍ୟ ପରେ ବ୍ରିଟେନ ସରକାରଙ୍କ ପକ୍ଷରୁ କୋଭିସିଲଡକୁ ଅନୁମତି ମିଳିଥିଲା । କିନ୍ତୁ ପୂର୍ବପରି ଭାରତୀୟ ଯାତ୍ରୀଙ୍କ ପାଇଁ ୨ ଡୋଜ ଟିକା ନେଇସାରିଥିଲେ ମଧ୍ୟ ୧୦ ଦିନ ସଂଗରୋଧରେ ରହିବାକୁ ବାଧ୍ୟତାମୂଳକ କରିଥିଲା ବ୍ରିଟେନ୍ । ତେବେ ଭାରତ ଏବେ ସମାନ ନୀତି ବ୍ରିଟେନ ପାଇଁ ଆପଣାଇଛି । ବ୍ରିଟେନରୁ ଆସୁଥିବା ଯାତ୍ରୀଙ୍କ ପାଇଁ ଯାତ୍ରାର ୭୨ ଘଣ୍ଟା ପୂବରୁ ଆରଟିପିସିଆର ନେଗେଟିଭ ସାର୍ଟିଫିକେଟକୁ ବାଧ୍ୟତାମୂଳକ କରିଛନ୍ତି । ଖାଲି ସେତିକି ନୁହେଁ ଆସିବାର ଅଷ୍ଟମ ଦିନରେ ମଧ୍ୟ ପୁଣିଥରେ ଆରଟିପିସିଆର ଟେଷ୍ଟ କରିବାକୁ ପଡିବ । ତେବେ ଅକ୍ଟୋମ୍ବର ୪ ରୁ ନୂଆ ନିୟମ କାର୍ଯ୍ୟକାରୀ ହେବ ।