କନକ ବ୍ୟୁରୋ : ସଜେଇ ହୋଇଛି ସମ୍ବଲପୁର ଜେଲ । ଯେଉଁ ଜେଲ୍ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା ପରେ ଚର୍ଚ୍ଚାକୁ ଆସିଥିଲା । ଏବେ ସେହି ଜେଲ ଆଜି ସୌନ୍ଦର୍ଯ୍ୟ ପାଇଁ ପୁଣି ଚର୍ଚ୍ଚାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସମ୍ବଲପୁର ମଣ୍ଡଳ କାରାଗାର, ଯଦିଓ ଭରପୁର କଏଦୀ ରୁହନ୍ତି କିନ୍ତୁ ବାହାରୁ ଦେଖିଲେ ବ୍ରିଟିଶ ଅମଳର ନିର୍ଯ୍ୟାତିତ କାରାଗାର ଭଳି ଦେଖାଯାଏ । ଏହି କାରାଗାରରେ ମାଓବାଦୀଙ୍କ ଠାରୁ ଆରମ୍ଭ କରି ଦୁର୍ଦ୍ଦାନ୍ତ ଅପରାଧୀମାନେ ଅଛନ୍ତି । କଏଦୀଙ୍କ ଅପରାଧିକ ମାନସିକତାରେ ସୁଧାର ଆଣିବା ପାଇଁ ଏବେ ସଜେଇ ହେଉଛି ଜେଲ । ଜେଲର ବାହର ପଟେ ସୁନ୍ଦର ବଗିଚା ସାଙ୍ଗକୁ ବିଭିନ୍ନ ହୀତବାଣୀ ଲେଖାଯାଇଛି ।
ଜେଲର ପରିବେଶ କଏଦୀଙ୍କ ମନ ପରିବର୍ତ୍ତନ କରିବା ସହ ସେମାନଙ୍କୁ ଭେଟିବା ପାଇଁ ଆସୁଥିବା ସମ୍ପର୍କୀୟଙ୍କ ମନରେ ଖୁସି ଦେଇଛି । ଜେଲ୍ କେବଳ ଅପରାଧୀ ମାନଙ୍କୁ ଦଣ୍ଡ ଦେବାର ସ୍ଥାନ ନୁହେଁ । ଅପରାଧ ଦୁନିଆରେ ପାଦ ଦେଇଥିବା ଅପରାଧୀଙ୍କୁ ପରିବର୍ତ୍ତନ କରି ମୁଖ୍ୟସ୍ରୋତରେ ସାମିଲ କରିବା ମଧ୍ୟ ଜେଲର ଉଦ୍ଦେଶ୍ୟ ।