କେନ୍ଦ୍ର ସରକାରଙ୍କ ବଡ ଘୋଷଣା । ଶତ ପ୍ରତିଶତ ଦର୍ଶକଙ୍କୁ ନେଇ ଖୋଲିବ ସିନେମା ହଲ୍ । ହଲ୍ ଭିତରେ ଖାଦ୍ୟ କିଣିପାରିବେ ଦର୍ଶକ
କନକ ବ୍ୟୁରୋ: ଏଣିକି ସିନେମା ହଲ୍ ହେବ ହାଉସଫୁଲ୍ । ୧୦୦ ପ୍ରତିଶତ ଦର୍ଶକଙ୍କୁ ନେଇ ଚାଲିବ ସୋ’ । ଫେବ୍ରୁଆରୀ ପହିଲାରୁ ସାରା ଦେଶରେ ଶତ ପ୍ରତିଶତ ଦର୍ଶକଙ୍କୁ ନେଇ ପ୍ରତ୍ୟେକ ସିନେମା ହଲ୍ ଖୋଲିପାରିବ ବୋଲି ଘୋଷଣା କରିଛନ୍ତି କେନ୍ଦ୍ରମନ୍ତ୍ରୀ ପ୍ରକାଶ ଜାଭେଦକର ।
କରୋନା ହେତୁ ସିନେମା ହଲରେ ସମସ୍ତ ପ୍ରକାର କୋଭିଡ୍ କଟକଣା ପାଳନ ହେବ । ଆଉ ପ୍ରତି ସୋ’ ଭିତରେ କିଛି ସମୟ ପାଇଁ ବ୍ରେକ୍ ରହିବ । ଲୋକମାନେ ସିନେମା ହଲ୍ ଭିତରେ ଥିବା ଷ୍ଟଲରୁ ଖାଇବା ନେଇ ହଲରେ ଖାଇପାରିବେ ବୋଲି କେନ୍ଦ୍ର ସରକାର ଘୋଷଣା କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ୫୦ ପ୍ରତିଶତ ଦର୍ଶକଙ୍କୁ ନେଇ ସିନେମା ହଲ୍ ଖୋଲୁଥିଲା । ଯେଉଁଥିରେ ଗୋଟିଏ ସିଟକୁ ଛାଡି ଦର୍ଶକମାନେ ସିନେମା ଦେଖୁଥିଲେ। ଏହା ଫଳରେ ହଲ୍ ମାଲିକାମାନେ ଅନେକ କ୍ଷତି ସହୁଥିଲେ । ଲୋକମାନେ ମଧ୍ୟ ଏଭଳି ନିୟମକୁ ମାନି ହଲ୍ ଯିବାକୁ ନାପସନ୍ଦ କରୁଥିଲେ । ଏବେ ଶତ ପ୍ରତିଶତ ଦର୍ଶକଙ୍କୁ ନେଇ ସିନେମା ହଲ୍ ଖୋଲିବା ଦର୍ଶକଙ୍କ ମନରେ ଉତ୍ସାହ ଫେରାଇ ଆଣିଛି ।
ତେବେ ଓଡିଶାରେ କିନ୍ତୁ ୫୦ ପ୍ରତିଶତ ଦର୍ଶକଙ୍କୁ ନେଇ ଏବେ ସିନେମା ହଲ୍ ଚାଲୁରହିବ । ଫେବୃଆରୀ ମାସର ଗାଇଡଲାଇନରେ ସରକାର ଶତ ପ୍ରତିଶତ ଦର୍ଶକଙ୍କୁ ନେଇ ସିନେମା ହଲ୍ ଖୋଲିବାକୁ ମନା କରିଦେଇଛନ୍ତି । ତେଣୁ ଓଡିଶାରେ ସେହି ପର୍ବଭଳି ଅଧା ଦର୍ଶକଙ୍କୁ ନେଇ ସିନେମା ହଲ ଚାଲୁରହିବ ।