ଦଶ ମାସର ବ୍ୟବଧାନ ପରେ ରିଲିଜ ହେଉଛି ଓଡ଼ିଆ ଫିଲ୍ମ : ଅମ୍ଳାନଙ୍କ ଅଭିନୀତ ରୋମିଓ ରାଜା କଟକ ବୃନ୍ଦାବନ ହଲରେ ମଧ୍ୟାହ୍ନରେ ହେବ ପ୍ରିମିୟର
କରୋନା କାଳରେ ଫିଲ୍ମ ଦେଖିବାର ନିଆରା ଅନୁଭୂତି ପାଇବେ ଦର୍ଶକ
କନକ ବ୍ୟୁରୋ : ଦୀର୍ଘ ୧୦ମାସ ପରେ ହଲରେ ବସି ଓଡ଼ିଆ ଫିଲ୍ମ ଦେଖିବେ ଦର୍ଶକ । ଆଜି ମୁକ୍ତିଲାଭ କରୁଛି ଅଭିନେତା ଅମ୍ଳାନ ଓ ତମନ୍ନାଙ୍କ ଅଭିନୀତ ଫିଲ୍ମ ରୋମିଓ ରାଜା । ଏନବି ଏଟଟେଂନମେଂଟ ବ୍ୟାନରେ ତିଆରୀ ହୋଇଥିବା ଏହି ଫିଲ୍ମର ଆଜି ମଧ୍ୟାହ୍ନରେ କଟକ ବୃନ୍ଦାବନ ହଲରେ ପ୍ରିମିୟର ହେବ । ସେହିପରି ଅପରାହ୍ନ ୪ଟାରେ ଭୁବନେଶ୍ୱର ସିନେ ପଲିସରେ ବସି ଫିଲ୍ମର ମଜା ନେଇପାରିବେ ଦର୍ଶକ । ହେଲେ କରୋନା କାଳରେ ଫିଲ୍ମ ହଲରେ ବସି ଦେଖିବାର ଅନୁଭୂତି ଏଥର ଭିନ୍ନ ହେବାକୁ ଯାଉଛି । କରୋନା ସଂକ୍ରମଣକୁ ଏଡ଼ାଇବା ପାଇଁ କେତେକ କଟକଣା ଲଗାଯାଇଛି ।
Kanak News is now on WhatsApp
Join and get latest news updates delivered to you via WhatsApp
- ହଲରେ ପହଂଚିବା ପରେ ଦର୍ଶକଙ୍କ ହେବ ଥର୍ମାଲ ସ୍କ୍ରିନିଂ
- ଟିକେଟ୍ କିଣିବା ପାଇଁ କେବଳ ଡିଜିଟାଲ ଟ୍ରାଞ୍ଜାକ୍ସନ
- ଦର୍ଶକଙ୍କୁ ଦିଆଯିବ ନାହିଁ ପେପର ଟିକେଟ
- କେବଳ ମୋବାଇଲ ମେସେଜରେ ଆଲର୍ଟ ହେବ ସିଟ
- ଫିଲ୍ମ ଦେଖିବା ସମୟରେ ମାସ୍କ ପିନ୍ଧିବା ବାଧ୍ୟତାମୂଳକ
- ହଲର ବିଭିନ୍ନ ସ୍ଥାନରେ ରହିବ ହ୍ୟାଣ୍ଡ ସାନିଟାଇଜର
- ଗେଟିଏ ସିଟ୍ ବ୍ୟବଧାନରେ ବସିବେ ଦର୍ଶକ
- ହଲରେ ଏସିର ତାପମାତ୍ରା ୨୪ରୁ ୩୦ ଡିଗ୍ରୀ ରହିବ
- ହଲରେ ଭେଂଟିଲେଟର ବ୍ୟବସ୍ଥା ରଖିବା ବାଧ୍ୟତାମୂଳକ
- କାଉଂଟରରେ କେବଳ ପ୍ୟାକେଟ୍ ଖାଦ୍ୟ ମିଳିବ
- ଗୋଟିଏ ସୋ ଶେଷ ହେବା ପରେ ସାନିଟାଇଜ ହେବ ହଲ