୩୧୪ ଦିନ ହେବ ମହାକାଶରେ ରହୁଛନ୍ତି ଏହି ମହିଳା, ଦିନକୁ ୧୬ ଥର ଦେଖୁଛନ୍ତି ସୂର୍ଯ୍ୟୋଦୟ । ଜାଣନ୍ତୁ ମହାକାଶର କିଛି ଅଜଣା କଥା ।
ରେକର୍ଡ ଭାଙ୍ଗିଲେ ମହିଳା ମହାକାଶଚାରୀ କ୍ରିଷ୍ଟିନା କୋଚ । ପ୍ରଥମ ମହିଳା ଭାବେ ମହାକାଶରେ ସର୍ବାଧିକ ଦିନ ରହିବାର ରେକର୍ଡ ନିଜ ନାଁରେ କରିଛନ୍ତି କ୍ରିଷ୍ଟିନା । ଅର୍ନ୍ତଜାତୀୟ ସ୍ପେଶ ଷ୍ଟେସନରେ ୩୧୪ ଦିନ ବିତାଇ ସାରିଲେଣି କ୍ରିଷ୍ଟିନା । ଏହାପୂର୍ବରୁ ନାସାର ମହିଳା ମହାକାଶଚାରୀ ପେଗି ହ୍ୟୁଷ୍ଟନଙ୍କ ନାଁରେ ମହକାଶରେ ଅଧିକ ଦିନ ରହିବାର ରେକର୍ଡ ଥିଲା । ପେଗି ମହାକାଶରେ ୨୮୯ ଦିନ ପାଞ୍ଚ ଘଣ୍ଟା ଓ ୧ ମିନିଟ୍ ବିତାଇଥିଲେ । ଯାହାକୁ କ୍ରିଷ୍ଟ୍ରିନା ଭାଙ୍ଗିଛନ୍ତି । ଏହାଛଡା ଅନେକ ନୂଆ ନୂଆ ରେକର୍ଡ ହାସଲ କରିଛନ୍ତି ନାସାର ଏହି ମହାକାଶଚାରୀ ।
Kanak News is now on WhatsApp
Join and get latest news updates delivered to you via WhatsApp
କ୍ରିଷ୍ଟ୍ରିନା ଦୁନିଆର ପ୍ରଥମ ମହିଳା ଯିଏ ନିଜର ଅନ୍ୟ ସହଯୋଗୀ ଜେସିକା ମୀରଙ୍କ ସହ ଅକ୍ଟୋବର ୨୦୧୯ରେ ମହାକାଶରେ ସ୍ପେଶୱାର୍କ କରିଥିଲେ । ବିଶ୍ୱ ମହାକାଶ ଇତିହାସରେ ପ୍ରଥମ ଥର ପାଇଁ ଦୁଇ ମହିଳା କୌଣସି ପୁରୁଷ ସାଥୀଙ୍କ ବିନା ମହାକାଶରେ ସ୍ପେଶୱାର୍କ କରିଥିଲେ । କ୍ରିଷ୍ଟ୍ରିନାଙ୍କୁ ୧୪ ମାର୍ଚ୍ଚ ୨୦୧୯ରେ ସ୍ପେଶ ଷ୍ଟେସନକୁ ପଠାଯାଇଥିଲା । ପ୍ରଥମେ ୬ ମାସିକିଆ ମିଶନରେ କ୍ରିଷ୍ଟ୍ରିନାଙ୍କୁ ପଠା ଯାଇଥିଲେ ମଧ୍ୟ ପରେ ଏହାକୁ ବଢାଇ ଦିଆଯାଇଥିଲା । ଆସନ୍ତା ୬ ଫେବ୍ରୁଆରୀରେ କ୍ରିଷ୍ଟ୍ରିନା ପୃଥିବୀପୃଷ୍ଠକୁ ଫେରି ଆସିବେ ।
୩୧୪ ଦିନ ମହାକାଶରେ ବିତାଇଥିବା କ୍ରିଷ୍ଟ୍ରିନା ପ୍ରତ୍ୟେକ ଦିନ ୧୬ ଥର ସୂର୍ଯ୍ୟୋଦୟ ଦେଖିଥାଆନ୍ତି । କାରଣ ସ୍ପେଶ ଷ୍ଟେସନ ପୃଥିବୀର ଚାରି ପାଶ୍ୱର୍ରେ ଘୂରି ବୁଲୁଥିବାରୁ ଏଭଳି ଦେଖିବାକୁ ମିଳିଥାଏ । ତେଣୁ ଏବେ ପର୍ଯ୍ୟନ୍ତ କ୍ରିଷ୍ଟ୍ରିନା ୩୧୪ ଦିନର ରହଣି ମଧ୍ୟରେ ୫୦୨୪ ସୂର୍ଯ୍ୟୋଦୟ ଦେଖି ସାରିଛନ୍ତି ।
୪୦ ବର୍ଷିୟା କ୍ରିଷ୍ଟ୍ରିନାଙ୍କୁ ୨୦୧୩ରେ ନାସା ଚୟନ କରିଥିଲା । ୨୦୧୫ରେ ମହାକାଶଚାରୀ ଭାବେ ଟ୍ରେନିଂ ପୂରା କରିଥିଲେ କ୍ରିଷ୍ଟ୍ରିନା । ମିଶିଗନରେ ଜନ୍ମ ନେଇଥିବା କ୍ରିଷ୍ଟ୍ରିନା ଉତ୍ତର କ୍ୟାରୋଲିନା ଷ୍ଟେଟ ବିଶ୍ୱବିଦ୍ୟାଳୟରୁ ଇଲେକଟ୍ରିକାଲ ଇଞ୍ଜିନିୟରିଂରେ ପୋଷ୍ଟ ଗ୍ରାଜୁଏସନ ଶେଷ କରିଥିଲେ ।