ଅସ୍ତରଙ୍ଗରେ ଚିନ୍ତା ବଢାଇଛନ୍ତି ହରିଣ : ରାତିରେ ବିଲରେ ପଶି ଫସଲ ନଷ୍ଟ କରୁଛନ୍ତି; ନିଆଁ ଜାଳି ରାତି ଅନିଦ୍ରା ହେଉଛନ୍ତି ଚାଷୀ
କନକ ବ୍ୟୁରୋ : ପୁରୀ ବନ୍ୟ ପ୍ରାଣୀ ବିଭାଗର ଅସ୍ତରଙ୍ଗ ବ୍ଳକର ୫ଟି ଗାଁରେ ଏବେ ଚିତ୍ରା ହରିଣଙ୍କ ଆତଙ୍କ । ରାତି ହେଲା ମାତ୍ରେ ପଲ ପଲ ଚିତ୍ରା ହରିଣ ଚାଷ ଜମିରେ ଥିବା ମାଣ୍ଡିଆ, ମୁଗ, ବିରି, ସୂର୍ଯ୍ୟମୁଖି ସହ କୋଳଥ ଚାଷକୁ ଖାଇ ଯାଉଛନ୍ତି । ଏହି ରବି ଫସଲକୁ ହରିଣଙ୍କ ପାଦ୍ରୁର୍ଭାବରୁ ରକ୍ଷା କରିବା ପାଇଁ ରାତି ହେଲାମାତ୍ରେ ଚାଷୀମାନେ ହରିଣ ଘଉଡେଇବାରେ ଲାଗୁପଡୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜମି ଉପରେ କିଏ ପଲ୍ଲା ମାରି, ନିଆଁ ଜାଳି କିମ୍ବା ହାତରେ ଠେଙ୍ଗା ବାଡି ଧରି, ଘଂଟ ବାଡେଇ ରାତି ତମାମ ହରିଣଙ୍କୁ ଘଉଡେଇବା ପାଇଁ ଉଦ୍ୟମ କରୁଛନ୍ତି । ହେଲେ ଫଳ କିଛି ମିଳୁନାହିଁ । ୫ ଖଣ୍ଡ ଗାଁର ବହୁ ଚାଷଜମିରେ ରବି ଫସଲକୁ ହରିଣ ସବୁ ଖାଇଯାଇଥିବା ବେଳେ ଆଉ ଶହ ଶହ ଚାଷୀ ୨ ବର୍ଷ ଧରି ଆଉ ରବି ଫସଲ ନକରି ଚାଷ ଜମିକୁ ପଡିଆ ପକାଉଛନ୍ତି ।