ଏଲଜେପି (ଆର)ର ସଂସଦୀୟ ଦଳ ନେତା ହେଲେ ଚିରାଗ ପାସୱାନ । ଏନଡିଏ ସରକାରରେ ମିଳିପାରେ ଗୁରୁତ୍ୱପୂର୍ଣ୍ଣ ଦାୟିତ୍ୱ ।
କନକ ବ୍ୟୁରୋ : ଆସନ୍ତା ୯ ତାରିଖରେ ପ୍ରଧାନମନ୍ତ୍ରୀ ଭାବେ ଶପଥ ନେବେ ନରେନ୍ଦ୍ର ମୋଦୀ । ଏଥିପାଇଁ ଆଜି ଏନଡିଏର ବୈଠକ ଡକାଯାଇଛି । ଏନଡିଏ ବୈଠକରେ ମନ୍ତ୍ରୀମଣ୍ଡଳର ରୂପରେଖ କଣ ରହିବ ଏବଂ କାହାକୁ କେଉଁ ବିଭାଗ ମିଳିବ ସେନେଇ ଆଲୋଚନା ହୋଇପାରେ । ତେବେ ଏହି ଏନଡିଏ ବୈଠକ ପୂର୍ବରୁ ଲୋକ ଜନଶକ୍ତି ପାର୍ଟି (ରାମବିଳାସ) ସଂସଦୀୟ ଦଳ ବୈଠକ ବସିଛି । ଯେଉଁଥିରେ ଚିରାଗ ପାସୱାନଙ୍କ ସଂସଦୀୟ ନେତା ବାଛିଛନ୍ତି ଦଳୀୟ ସାଂସଦ ।
Kanak News is now on WhatsApp
Join and get latest news updates delivered to you via WhatsApp
ଚଳିତ ନିର୍ବାଚନରେ ଚିରାଗ ପାସୱାନଙ୍କ ଦଳ ଏଲଜେପି (ଆର) ୫ଟି ସିଟରେ ନିର୍ବାଚନ ଲଢିଥିବା ବେଳେ ୫ଟି ଆସନରେ ବିଜୟୀ ହୋଇଛି । ତେଣୁ ଏନଡିଏ ସରକାରରେ ଚିରାଗ ପାସୱାନଙ୍କ ଦବଦବା ଯଥେଷ୍ଟ ଅଧିକ ରହିବ । ମୋଦୀଙ୍କ କ୍ୟାବିନେଟରେ ଚିରାଗଙ୍କୁ ଗୁରୁତ୍ୱପୂର୍ଣ୍ଣ ବିଭାଗ ମିଳିପାରେ । ଏପରିକି ଚିରାଗ ପାସୱାନଙ୍କ ଦଳ ଏନଡିଏ ସରକାରରେ ୨ଟି ମନ୍ତ୍ରୀପଦ ଦାବି କରୁଥିବା ଚର୍ଚ୍ଚା ହେଉଛି ।
लोक जनशक्ति पार्टी (रामविलास) के सभी नवनिर्वाचित माननीय सांसदों के द्वारा पार्टी के राष्ट्रीय अध्यक्ष आदरणीय श्री @iChiragPaswan जी को संसदीय दल का नेता चुना गया।@ANI @PTI_News pic.twitter.com/sZGq8EVx1m
— Lok Janshakti Party (@LJP4India) June 7, 2024
କେବଳ ଏଲଜେପି (ଆର) ନୁହେଁ ବରଂ ନୀତିଶ କୁମାର ଓ ଚନ୍ଦ୍ରବାବୁ ନାଇଡୁ ମଧ୍ୟ ନିଜର ଦଳୀୟ ସାଂସଦଙ୍କ ସହ ବୈଠକ କରିଛନ୍ତି । ଏହି ବୈଠକ ପରେ ନିଜ ସାଂସଦଙ୍କ ସହ ଏନଡିଏ ବୈଠକରେ ଯୋଗଦେବେ ଉଭୟ ଦଳର ନେତା ।