ସୁଟ କହିବ ଆପଣ କେତେ ସୁସ୍ଥ ? ଚାଇନା ବୈଜ୍ଞାନିକଙ୍କ ସଫଳତା
ପ୍ରତିଦିନ ବୈଜ୍ଞାନିକମାନେ କିଛି ନା କଛି ଗବେଶଣା କରୁଛନ୍ତି । ମେଡିକାଲରୁ ଆରମ୍ଭ କରି ଇଞ୍ଜିନିୟରିଙ୍ଗ ପର୍ଯ୍ୟନ୍ତ ସବୁ କ୍ଷେତ୍ରରେ ସଫଳତା ବି ପାଉଛନ୍ତି । ନିକଟରେ ଚୀନ ବୈଜ୍ଞାନିକମାନେ ଏପରି ଏକ ଉକ୍ସଭାବନ କରିଛନ୍ତି ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହେବେ । ଚାଇନା ବୈଜ୍ଞାନିକମାନେ ସେନସର ଲଗାଯାଇଥିବା ଏକ ସୁଟ ତିଆରି କରିଥିବା ଦାବି କରିଛନ୍ତି । ଯିଏ ଆପଣଙ୍କ ଶରୀରର ତାପମାତ୍ରା, ପିଏଚ ଲେଭଲ, ବ୍ଲଡପ୍ରେସର ବିଷୟରେ ସୂଚନା ଦେବା ସହ ସ୍ୱାସ୍ଥ୍ୟ ସମ୍ପର୍କରେ ଅନେକ ସୂଚନା ଦେବ ।
Kanak News is now on WhatsApp
Join and get latest news updates delivered to you via WhatsApp
ଚାଇନା ଏକାଡେମୀ ଅଫ ସାଇନସେସର ବୈଜ୍ଞାନିକ ୱାଙ୍ଗ ଜଙ୍ଗଲିନ ମତରେ ଟ୍ରାନସମିଶନ ଜରିଆରେ ଏହି ଇଣ୍ଡିକେଟରକୁ ମୋବାଇଲ ଫୋନ,କମ୍ପ୍ୟୁଟର କିମ୍ବା ଅନେକ ଦୂରରେ ଥିବା ଡାକ୍ତରଙ୍କ ପାଖକୁ ପଠାଯାଇପାରିବ । ଏହା ଦ୍ୱାରା ଯେକୌଣସି ବ୍ୟକ୍ତିଙ୍କର ଯେ କୌଣସି ସମୟରେ ସ୍ୱାସ୍ଥ୍ୟ ପରୀକ୍ଷା କରାଯିବ । ଏହି ସୁଟକୁ ବେଜିଂର ଇଂଟରନାସନାଲ କନଫରନେସ ଅନ ନାନୋଟେକ୍ନୋଲୋଜି ଆଣ୍ଡ ନାନୋସିଷ୍ଟମ ପ୍ରଦର୍ଶିତ କରାଯାଇଥିଲା ।