କନକ ବ୍ୟୁରୋ : ଚୀନ ବିଦେଶମନ୍ତ୍ରୀ ୟାଙ୍ଗ ୟୀ ମାର୍ଚ୍ଚ ୨୪ ତାରିଖରେ ଦିଲ୍ଲୀ ପହଂଚିଛନ୍ତି । ଏହି କ୍ରମରେ ମାର୍ଚ୍ଚ ୨୫ ତାରିଖ ଦିନ ୟାଙ୍ଗ ଭାରତୀୟ ସୁରକ୍ଷା ପରିଷଦର ପରାମର୍ଶଦାତା ଅଜିତ ଡୋଭାଲଙ୍କ ସହ ଆଲୋଚନା କରିଥିଲେ । ଏହାପରେ ବିଦେଶମନ୍ତ୍ରୀ ଏସ୍ ଜୟଶଂକରଙ୍କ ସହ ମଧ୍ୟ ୩ ଘଂଟା ଧରି ଆଲୋଚନା କରିଛନ୍ତି । ଏକ ଜାତୀୟ ଗଣମାଧ୍ୟମର ରିପୋର୍ଟ ମୁତାବକ ଏହି ଭେଟ ପରେ ୟାଙ୍ଗ ୟୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବାକୁ ଇଚ୍ଚା ପ୍ରକାଶ କରିଥିବା ବେଳେ ସାଉଥ ବ୍ଲକ ତରଫରୁ ବିନମ୍ରତାର ସହ ଏହାକୁ ଖାରଜ କରିଦେଇଛନ୍ତି ।

Advertisment

ଜାତୀୟ ଗଣମାଧ୍ୟମର ସୂଚନା ମୁତାବକ ଭାରତ ପକ୍ଷରୁ ଚୀନ ବିଦେଶମନ୍ତ୍ରୀଙ୍କୁ କୁହାଯାଇଥିଲା କି ମାର୍ଚ୍ଚ ୨୫ ତାରିଖରେ ଯୋଗୀଙ୍କ ଶପଥ ଗ୍ରହଣ ପାଇଁ ପ୍ରଧାନମନ୍ତ୍ରୀ ବ୍ୟସ୍ତ ରହୁଥିବାରୁ ତାଙ୍କ ସହ ଭେଟ ହୋଇପାରିବ ନାହିଁ । ସେପଟେ ବିନା ଘୋଷଣାରେ ଗୋଟିଏ ବର୍ଷପରେ ଚୀନ ବିଦେଶ ମନ୍ତ୍ରୀ ଭାରତ ଆସିଥିବାରୁ ଉଭୟ ଦେଶ ମଧ୍ୟରେ ଲାଗି ରହିଥିବା ବିବାଦର କିଛିଟା ସମାଧାନ ହେବ ବୋଲି ଦେଶବାସୀ ଆଶା କରିଛନ୍ତି ।

ସେପଟେ ଚୀନ ବିଦେଶମନ୍ତ୍ରୀଙ୍କ ସହ ଆଲୋଚନା ପରେ ଭାରତୀୟ ଜାତୀୟ ସୁରକ୍ଷା ପରିଷଦର ପରାମର୍ଶଦାତା ଅଜିତ ଡୋଭାଲ କହିଛନ୍ତି କି, ଚୀନ ବିଦେଶମନ୍ତ୍ରୀ ଭାରତ ଆସିବା ନେଇ ପୂର୍ବରୁ କୌଣସି ଘୋଷଣା କରାଯାଇ ନଥିଲା । ସେପଟେ ବିଦେଶମନ୍ତ୍ରୀ ଏସ ଜୟଶଂକର କହିଛନ୍ତି କି, ଏହି ଭେଟ ପରେ ବି ଭାରତ ଓ ଚୀନ ମଧ୍ୟରେ ଥିବା ବିବାଦ ସମାଧାନ ହେବାର କିଛି ବି ସମ୍ଭାବନା ନାହିଁ । ସୀମାର ବିପରିତ ଦିଗରେ ଏବେ ବି ଚୀନ ପକ୍ଷରୁ ମାତ୍ରାଧିକ ସେନା ନିୟୋଜିତ କରାଯାଇଥିବା କଥା ଜୟଶଂକର କହିଛନ୍ତି । ସେ କହିଛନ୍ତି କି ଏକ ସ୍ଥିର ସଂପର୍କ ପାଇଁ ପ୍ରଥମେ ସୀମାରେ ଶାନ୍ତି ପ୍ରତିଷ୍ଠା ହେବା ନିହାତି ଜରୁରୀ ।