ଚାଇନାର ଡ୍ରୋନ ,ପାକିସ୍ତାନ ପ୍ଲାନ ବଳରେ ବଳୀୟାନ ତାଲିବାନ: ଅଭେଦ୍ୟ ଗଡରେ ଉଡାଇଲା ବିଜୟ ଧ୍ୱଜା!
କନକ ବ୍ୟୁରୋ: ଯେଉଁ ଗଡ ଆଯି ଯାଏଁ ଅଭେଦ୍ୟ ହୋଇ ରହିଥିଲା ତାକୁ ଭେଦିଲା କେମିତି ତାଲିବାନ୍? ଏହି ପ୍ରଶ୍ନ ସାଧାରଣ ଲାଗୁଥିଲେ ବି ଏହା ପଛର ଭେଦ କିନ୍ତୁ ଚର୍ଚ୍ଚାରେ । କାହା କାହା ସହ ଲଢିବେ ପଂଜଶିର ଗଡର ସେର୍ ଅହମଦ୍ ମାସୁଦ୍ । ଚୀନର ଡ୍ରୋନ୍ ଓ ପାକିସ୍ତାନର ପ୍ଲାନ୍ । ପଂଜଶିରରେ ପାକିସ୍ତାନର ଡବଲ ରୋଲ । ପଂଜଶିରକୁ ହରାଇବାକୁ ତାଲିବାନ୍ ସହ ହାତ ମିଶାଇଛନ୍ତି ପାକିସ୍ତାନ ଓ ଚିନ୍ । ଅନ୍ୟପଟେ ତାଲିବାନ୍ ଉପରେ ଭାରି ପଡୁଥିଲା ସାଲେହ, ମାସୁଦଙ୍କ ଯୋଡି । ପାକିସ୍ତାନ ନଆସେ କି ତାଲିବାନ୍ ନ ଜିତେ । ଯେଉଁ ତାଲିବାନ୍ ଆଫଗାନିସ୍ତାନର ୩ ଲକ୍ଷ ସେନାକୁ ହରାଇଦେଲା ତାକୁ ପଂଜଶିରର କିଛି ମାତ୍ର ସେନା ଧୂଳି ଚଟାଇଥିଲେ । ବାରମ୍ବାର ଚେଷ୍ଟା କରି ମଧ୍ୟ ହାର ମାନିଥିଲା ତାଲିବାନ୍ । ତାଲିବାନ୍ ଜାଣିଥିଲା ପଂଜଶିର ଗଡକୁ ଆକ୍ରମଣ କରିବା ଅର୍ଥ ମୃତ୍ୟୁକୁ ବରଣ କରିବା । ସେିଥି ପାଇଁ ତ ଆପୋଷ ଆଲୋଚନା କରିବାକୁ ନିଜ ଆଡୁ ଦେଇଥିଲା ପ୍ରସ୍ତାବ । ହେଲେ ଲୁଚିଲୁଚି ନିଜ କୁଚକ୍ରକୁ ସଫଳ କରିବାକୁ ଲାଗିପଡିଥିଲା । ଆଉ ଉପାୟ ନପାଇ ପାକିସ୍ତାନ ଆଗରେ ସାହାଯ୍ୟ ଭିକ୍ଷା କଲା ।
ପାକିସ୍ତାନ ବି କିଛି କମ ବେଇମାନ ନୁହେଁ । ପାକିସ୍ତାନ ଆରମ୍ଭ କରିଥିଲା ଯୁଦ୍ଧ ରଣନୀତି । ଆଇଏସଆଇର ମୁଖ୍ୟ ଫୈଜ ହମିଦଙ୍କୁ ଆଫଗାନିସ୍ତାନ ପଠାଇଲା ।ଆଉ ମଙ୍ଗ ସମ୍ଭଳିଲା ପାକିସ୍ତାନି ସେନା । ଏହାପରେ ଚାଇନା ଦେଇଥିବା ଡ୍ରୋନ ସାହାଯ୍ୟରେ ପଂଜଶିର ଉପରେ କରିଥିଲା ବୋମା ଓ ମିଶାଇଲ ବର୍ଷଣ । ଅମରୁଲ୍ଲ୍ା ସାଲେଙ୍କ ଘର ଉପରେ ମଧ୍ୟ ଆକ୍ରମଣ ହେଲା ହେଲେ ଅଳ୍ପକେ ବଂଚିଲେ ସାଲେହ । ଏହି ଆକ୍ରମଣରେ ଅହମଦ ମାସୁଦଙ୍କ ସହଯୋଗୀ ଫହିମ ଦସ୍ତି ସହ ରିଜିଷ୍ଟାନ୍ସ ଫୋର୍ସର ୭ଜଣଙ୍କ ମୃତ୍ୟୁ ହେଲା । ଏଥିପାଇଁ ପାକିସ୍ତାନ ପୂର୍ବ ଦିନରୁ ସାଟେଲାଇଟ୍ ବେସ୍ ଆକ୍ଟିଭେଟ କରିଥିଲା । ଭାରତ ସୀମାକୁ ଲାଗିଥିବା କ୍ୱେଟା ଟାରୁ ଆରମ୍ଭ ହୋଇଥିଲା ଏହି ଅଭିଯାନ ।
Kanak News is now on WhatsApp
Join and get latest news updates delivered to you via WhatsApp
ସବୁଠୁ ବଡ କଥା ହେଉଛି ଯେଉଁ ଡ୍ରୋନ୍ ଆକ୍ରମଣ କରି ପଂଜଶିର ଦଖଲର ବାହାବା ନେଉଛି ତାଲିବାନ ସେସବୁ ଚିନ୍ ପାକିସ୍ତାନକୁ ଦେଇଥିବା ବିଶେଷ ସୂତ୍ରରୁ ଜଣାପଡିଥିବା ଗଣମାଧ୍ୟମରେ ପ୍ରକାଶ ପାଇଛି । ଉଐ-୪ ଡ୍ରୋନ୍ ଓ ଗଛ-୯ ଡ୍ରୋନ୍ ରୁ ପଂଜଶିର ଉପରେ ପାକିସ୍ତାନ୍ ଆକ୍ରମଣ କରିଛି । ଖାଲି ଏତିକି ନୁହେଁ ଗଛ-୯ ଡ୍ରୋନ୍ ଆମେରିକାର ଜ୍ଞାନକୌଶଳରେ ନିର୍ମିତ । ହେଲେ ଏହାର ଅବିକଳ କପି କରିଛି ଚାଇନା । କପି କରିବାରେ ମାହିର ଚାଇନାର ଏହିସବୁ ଡ୍ରୋନକୁ ପାକିସ୍ତାନ ଢାଲ କରି ପଂଜଶିର ଉପରେ ଆକମ୍ରଣ କରିଛି । ଗୋଟିଏ ଦେଶର ସ୍ୱାଧୀନତାକୁ ଅପହରଣ କରିନେବାରେ ତାଲିବାନ ଆତଙ୍କବାଦୀଙ୍କୁ ପାକିସ୍ତାନ ଓ ଚିନ ସାହାଯ୍ୟ କରିବାର ସ୍ପଷ୍ଟ ପ୍ରମାଣ ରହିଥିଲେ ବି ବିଶ୍ୱ ସମୁଦାୟ ନୀରବ । ଏଠି ପ୍ରଶ୍ନ ଉଠୁଛି ଆଫଗାନିସ୍ତାନ କାହାର ତାଲିବାନର, ପାକିସ୍ତାନର ନା ଚିନର?