ଏଲଏସି ବିବାଦ ଭିତରେ ଚୀନର ବଡ ଦାବି । ହଟସ୍ପ୍ରିଙ୍ଗ ଅଞ୍ଚଳରୁ ସେନା ହଟାଇଥିବା ଡ୍ରାଗନ ସେନାର ସୂଚନା ।
କନକ ବ୍ୟୁରୋ : ଦୀର୍ଘ ଦିନ ହେବ ଏଲଏସିରେ ଲାଗି ରହିଛି ଭାରତ ଓ ଚୀନ ମଧ୍ୟରେ ବିବାଦ । ଚୀନ ସେନା ପିଏଲଏ ଏଲଏସି ନିକଟରେ ଥିବା ହଟସ୍ପ୍ରିଙ୍ଗ ଅଞ୍ଚଳ ଖାଲି କରିଥିବା ଦାବି କରିଛି । ଚୀନର ବୈଦେଶିକ ମନ୍ତ୍ରୀ କହିଛନ୍ତି ଯେ ଭାରତ ମିଳିତ ଭାବେ କାମ କରୁଛି ଓ ପୂର୍ବ ଲଦାଖକୁ ନେଇ ଖୁବ ଶିଘ୍ର ସମାଧାନ ମିଳିବ । ଏଥିସହ ଡ୍ରାଗନ ଦାବି କରିଛି ଗଲୱାନ, ପ୍ୟାଙ୍ଗୋଙ୍ଗ ହ୍ରଦ ଓ ହଟସ୍କ୍ରିଙ୍ଗରେ ଅସନ୍ତୋଷ ଦେଖାଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ବିବାଦକୁ ନେଇ ଉଭୟ ଦେଶ ମଧ୍ୟରେ ଅନେକ ଥର ବୈଠକ ବସୁଥିଲେ ବି କୌଣସି ନିର୍ଷ୍କସ ବାହାରିନି । ଶେଷ ଥର ପାଇଁ ମାର୍ଚ୍ଚ ୧୧ରେ ଭାରତ ଓ ଚୀନ ମଧ୍ୟରେ ବୈଠକ ବସିଥିଲା । ଚୀନର ଏହି ଦାବି ଭିତରେ ଆଉ ଏକ ବଡ ଖବର ମଧ୍ୟ ସାମ୍ନାକୁ ଆସିଛି । ଚଳିତମାସ ଶେଷ ସପ୍ତାହରେ ଚୀନର ବୈଦେଶିକ ମନ୍ତ୍ରୀ ୱାଙ୍ଗ ୟି ଭାରତ ଗସ୍ତରେ ଆସିପାରନ୍ତି ।