କନକ ବ୍ୟୁରୋ: ଚୀନରେ ବାଜିଲା ବଲିଉଡ ଧୂନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୁଇ ଦିନିଆ ଚୀନ ଗସ୍ତ ସମୟରେ ତାଙ୍କ ଆତିଥ୍ୟ ପାଇଁ ପରିବେଷଣ ହୋଇଥିଲା ଭାରତୀୟ ସଂଗୀତର ଧୂନ । ଚୀନର ଉହାନରେ ଯେତେବେଳେ ରାଷ୍ଟ୍ରପତି ସି-ଜିନପିଙ୍ଗଙ୍କୁ ସାକ୍ଷାତ କରିଥିଲେ ମୋଦି ଏହି ସମୟରେ ପରିବେଷଣ ହୋଇଥିଲା ମ୍ୟୁଜିକ କନସର୍ଟ । ଆଉ ଗୀତର ଧୂନ ଥିଲା ବଲିଉଡର ପପୁଲାର ଫିଲ୍ମ ୱାଦା ରାହା ଚଳଚ୍ଚିତ୍ରର ଟାଇଟଲ ସଙ୍ଗ । ଚୀନ ମାଟିରେ ହିନ୍ଦୀ ଗୀତର ଧୂନ ବାଜିବା ଦୁଇ ଦେଶ ମଧ୍ୟରେ ବଢୁଥିବା ବନ୍ଧୁତାର ପ୍ରମାଣ ଥିଲା ।
Kanak News is now on WhatsApp
Join and get latest news updates delivered to you via WhatsApp
ଏସିଆର ଦୁଇ ମହାଶକ୍ତିଙ୍କ ମହାମିଳନକୁ ଆହୁରୀ ସ୍ମରଣୀୟ କରିଦେଲା, ଯେତେବେଳେ ଉହାନରେ ହିନ୍ଦୀ ଫିଲ୍ମର ଏହି ଧୁନଟି ବାଜି ଥିଲା । ଅବସର ଥିଲା, ମ୍ୟୁଜିକ୍ କନର୍ସଟ୍ । ଉପସ୍ଥିତିର ଭାରତର ପ୍ରଧାନମନ୍ତ୍ରୀ ଏବଂ ଚୀନର ରାଷ୍ଟ୍ରପତି । ୟେ ୱାଦା ରାହା ଫିଲ୍ମର ଟାଇଟିଲ୍ ଟ୍ରାକ୍ । ଆର୍.ଡି ବର୍ମନଙ୍କ ମ୍ୟୁଜିକ୍ ଏବଂ ଆଶା ଭୋସଲେଙ୍କ ସ୍ୱର ପୁଣି ଥରେ ଜୀବନ୍ତ ହୋଇଯାଇଥିଲା ଚୀନ ମାଟିରେ । ତାହା ପୁଣି ଠିକ୍ ସେତିକିବେଳେ, ଯେତେବେଳେ ଭାରତ ଓ ଚୀନର ସଂପର୍କ କଡ ଲେଉଠାଉଛି ବୋଲି ଚର୍ଚ୍ଚା ହେଉଛି ।
ବନ୍ଧୁତ୍ୱ ଓ ସଂପର୍କର ପ୍ରତିଶ୍ରୁତି ଦେଉଥିବା ଏହି ଗୀତରେ ରିଷି କପୁର ଏବଂ ପୁନମ୍ ଧିଲୋନ୍ ଅଭିୟନ କରିଥିବା ବେଳେ ମୋଦି ଓ ଜିଙ୍ଗପିନ୍ ଲେଖୁଥିଲେ ଦୁଇ ଦେଶ ନୂଆ ଇତିହାସ । ବଡ କଥା ହେଲା- ଚୀନ ରାଷ୍ଟ୍ରପତି, ଏହି ଧୂନ ପରେ ମୋଦିଙ୍କୁ କହିଥିଲେ ଯେ, ସେ କୁଆଡେ ଅନେକ ବଲିଉଡ ଫିଲ୍ମ ବି ଦେଖିଛନ୍ତି । ଆଶା କରିବା ମଧୂର ଗୀତର ଧୂନରୁ ଆରମ୍ଭ ହୋଇଥିବା ସଂପର୍କର ନୂଆ ପରିଭାଷା ଆଗକୁ ଆହୁରୀ ମଜବୁତ ହେବ ।