ଚାଇନା ରଚିଥିଲା ଷଡ଼ଯନ୍ତ୍ର ! ଜୁନ ୧୫ରେ ଘଟିଥିବା ସଂଘର୍ଷ ପାଇଁ କରିଥିଲା ବଡ଼ ପ୍ରସ୍ତୁତି । ଭାରତୀୟ ସେନା ସହ ହାତାହାତି ଲଢ଼େଇ ପାଇଁ ମାର୍ସଲ ଆଟିଷ୍ଟ ପଠାଇଥିଲା ବେଜିଂ, ସୀମାରେ ଖେଳିଥିଲା ରକ୍ତର ହୋଲି । ଧିରେ ଧିରେ ଖୋଲୁଛି ଚାଲୁ ଚାଇନାର ଗୁମର…
କନକ ବ୍ୟୁରୋ: ଖୋଲୁଛି ଚୀନ ଷଡ଼ଯନ୍ତ୍ରର ଗୁମର । ରକ୍ତାକ୍ତ ସଂଘର୍ଷ ପାଇଁ କରିଥିଲା ବଡ଼ ପ୍ରସ୍ତୁତି । ବିଶ୍ୱର ସର୍ବ-ପୁରାତନ ନ୍ୟୁଜ ଏଜେନ୍ସି ଏଏଫପି ଏପରି ଏକ ଖବର ପ୍ରକାଶ କରିଛି, ଯାହାକୁ ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଭାରତୀୟ ସେନା ସହ ଲଢ଼ିବା ପାଇଁ ମାର୍ଶାଲ ଆଟିଷ୍ଟ ବା ସାମରିକ କଳା କୌଶଳରେ ନିପୁଣ ଯୋଦ୍ଧାମାନଙ୍କୁ ପଠାଇଥିଲା ଚୀନ । କିପରି ହାତାହାତି ଲଢ଼େଇରେ ରକ୍ତର ହୋଲି ଖେଳିହେବ, ବେଶ ଚାଲକିରେ ଷଡ଼ଯନ୍ତ୍ର ରଚିଥିଲା ବେଜିଂ ।
Kanak News is now on WhatsApp
Join and get latest news updates delivered to you via WhatsApp
ଜୁନ ୧୫ ତାରିଖ ସଂଧ୍ୟାରେ ଲଦାଖ ସୀମାରେ ହୋଇଥିବା ଏହି ଲଢ଼େଇରେ ସହିଦ ହୋଇଥିଲେ କମାଣ୍ଡିଂ ଅଫିସର କର୍ଣ୍ଣେଲ ସନ୍ତୋଷ ବାବୁଙ୍କ ସମେତ ୨୦ ଭାରତୀୟ ସେନା । ସଂଘର୍ଷରେ ଚୀନର ଅନେକ ସେନା ମୃତାହତ ହୋଇଥିଲେ ବି ଏପର୍ଯ୍ୟନ୍ତ ତଥ୍ୟ ଲୁଚାଇ ରଖିଛି ବେଜିଂ । ରକ୍ତର ହୋଲି ଖେଳିବା ପାଇଁ ଚୀନ କିପରି ପ୍ରସ୍ତୁତି କରିଥିଲା, ତାର ଗୁମର ଖୋଲିଛି ଏଏଫପି । ସରକାରୀ ସାମରିକ ଖବରକାଗଜ ଚୀନ ନାସନାଲ ଡିଫେନ୍ସ ନ୍ୟୁଜ୍ ର ଏକ ରିପୋର୍ଟକୁ ଉଲ୍ଲେଖ କରି ସତ ଖୋଲିଛି ଫ୍ରାନ୍ସର ଏହି ପ୍ରତିଷ୍ଠିତ ନ୍ୟୁଜ୍ ଏଜେନ୍ସି ।
କଂଟା ଗୁନ୍ଥା ହୋଇଥିବା ଲୁହା ଛଡ଼ ଓ ପଥର ଫିଙ୍ଗି ଭାରତୀୟ ସେନା ଉପରେ ଆକ୍ରମଣ କରିଥିଲା ଚୀନ । ହାତାହାତି ଲଢ଼େଇରେ ଭାରତୀୟ ସେନାର ସମକକ୍ଷ ହୋଇ ନଥିବାରୁ ସେମାନଙ୍କୁ କାବୁ କରିବାକୁ ଯୋଜନା କରିଥିଲା ଚୀନ । ଲଦାଖ ସୀମାରେ ରକ୍ତାକ୍ତ ସଂଘର୍ଷ ପାଇଁ ସ୍ୱତନ୍ତ୍ର ତାଲିମ ପ୍ରାପ୍ତ ପର୍ବତ ଆରୋହଣକାରୀ ଏବଂ ମାର୍ଶାଲ ଆଟ୍ ବା ସାମରିକ କଳାରେ ନିପୁଣ ଯୋଦ୍ଧାଙ୍କୁ ପଠାଇଥିଲା ବେଜିଂ ।
ଚୀନ ନ୍ୟାସନାଲ ଡିଫେନ୍ସ ନ୍ୟୁଜ୍ ଅନୁସାରେ ଏଭରେଷ୍ଟ ଅଲିମ୍ପିକ ଟର୍ଚ୍ଚ ରିଲେ ଟିମର ପୂର୍ବତନ ସଦସ୍ୟ ଏବଂ ମାର୍ଶାଲ ଆଟ୍ କ୍ଲବର ଫାଇଟର ମାନେ ଏବେ ତିବ୍ଦତର ରାଜଧାନୀ ଲାସାରେ ପଇଁତରା ମାରୁଛନ୍ତି । ତିବ୍ଦତର ରାଜଧାନୀରେ ଶତାଧିକ ନୂଆ ସୈନ୍ୟଦଳ ପ୍ରସ୍ତୁତ ହୋଇ ରହିଛନ୍ତି । ତିବ୍ଦତ ସୀମା, ଲଦାଖ ସୀମାରେ ଚୀନ ସ୍ୱତନ୍ତ୍ର ତାଲିମପ୍ରାପ୍ତ ସୈନ୍ୟ ମୁତୟନ କରିଛି । ଭାରତ ମଧ୍ୟ ସୀମା ଉପରେ ତୀକ୍ଷ୍ଣ ନଜର ରଖିଛି । ପିପୁଲ ଲିବେରେସନ୍ ଆର୍ମିର ପ୍ରତ୍ୟେକ ମୁଭମେଂଟ ଉପରେ ନଜର ରଖାଯାଇଛି ।