କରୋନାର ଡେଲଟା ଭୂତାଣୁ ବ୍ୟାପିବାରୁ ସିଲ ହେଲା ଚୀନ ଝାଙ୍ଗଜିଆଜି ସହର : ଲୋକଙ୍କୁ ଘରୁ ବାହାରିବା ଉପରେ କଟକଣା, ସହର ଛାଡ଼ି ପାରିବେନି ପର୍ଯ୍ୟଟକ
କନକ ବ୍ୟୁରୋ : ଚୀନରେ କରୋନାର ଡେଲଟା ଭୂତାଣୁ ସଂକ୍ରମଣ ପରେ କଠୋର ପଦକ୍ଷେପ ନେଇଛି ବେଜିଂ । ଉହାନରୁ କରୋନାର ଉତ୍ପତି ହେବାର ପ୍ରାୟ ଦେଢବର୍ଷ ପରେ ଗୋଟିଏ ସହରକୁ ସଂପୂର୍ଣ୍ଣ ସିଲ କରିଦିଆଯାଇଛି । ବୁଧବାର ଡଜନରୁ ଅଧିକ ନୂଆ କରୋନା ଆକ୍ରାନ୍ତ ଚିହ୍ନଟ ହେବାପରେ ଝାଙ୍ଗଜିଆଜି ସହରକୁ ସିଲ କରିଦିଆଯାଇଛି । ଲୋକଙ୍କୁ ଘରୁ ବାହାରିବାକୁ ବାରଣ କରାଯିବା ସହ ପର୍ଯ୍ୟଟକମାନଙ୍କୁ ମଧ୍ୟ ସହର ବାହାରକୁ ଯିବା ଉପରେ କଟକଣା ଲଗାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପରବର୍ତ୍ତୀ ନିର୍ଦ୍ଦେଶନାମା ଯାଏଁ ସହରରୁ କେହି ବାହାରି ପାରିବେ ନାହିଁ କିମ୍ବା ସହର ମଧ୍ୟକୁ ଆସିପାରିବେ ନାହିଁ ବୋଲି କୁହାଯାଇଛି । ଏହି ସହରରୁ ପ୍ରାୟ ୧୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ୩ ଜଣଙ୍କ ଠାରେ କୌଣସି ଲକ୍ଷଣ ଦେଖାଯାଉ ନାହିଁ । ହେଲେ ଏହିଠାରୁ ପ୍ରାୟ ୫ଟି ପ୍ରାନ୍ତକୁ କରୋନା ବ୍ୟପିଥିବା ନେଇ ସନ୍ଦେହ କରାଯାଉଛି । ତେଣୁ ନିୟନ୍ତ୍ରଣ ପାଇଁ ଜୋରଦାର ପ୍ରୟାସ ଆରମ୍ଭ ହୋଇଛି । ଲୋକଙ୍କ ନମୂନା ପରୀକ୍ଷାକୁ ବ୍ୟାପକ କରାଯିବା ସହ ସଂଗରୋଧ, ଚିକିତ୍ସା ଓ ଟିକାକରଣ ଉପରେ ଗୁରୁତ୍ୱ ଦେଉଛନ୍ତି ସ୍ଥାନୀୟ ପ୍ରାଶାସନ ।