ସୀମାରେ ଚୀନ ସେନାର ହଲଚଲ ପରେ ସୀମାନ୍ତ ପୋଷ୍ଟରେ ସୈନ୍ୟ ବଳ ବଢାଇଲା ଭାରତ: ଡ୍ରାଗନର ଯୋଜନା ପଣ୍ଡ କରିବାକୁ ସୀମାର ବିଭିନ୍ନ ପୋଷ୍ଟଉପରେ ଭାରତ ରଖିଛି କଡା ନଜର
ଲାଇନ୍ ଅଫ୍ ଆକଚୁଆଲ କଂଟ୍ରୋଲ ବିବାଦ ସମାଧାନ ପାଇଁ ସାମରିକ ସ୍ତରୀୟ ଆଲୋଚନା ଜାରି
କନକ ବ୍ୟୁରୋ: ସୀମାରେ ଚୀନ ସେନାର ହଲଚଲ ପରେ ସୀମାନ୍ତ ପୋଷ୍ଟରେ ସୈନ୍ୟ ବଳ ବଢାଉଛି ଭାରତ । ଲାଇନ୍ ଅଫ୍ ଆକଚୁଆଲ କଂଟ୍ରୋଲର ୩ଟି ସ୍ଥାନରେ ଚୀନ ସେନା ଠୁଳ ହେବା ପରେ ଏହା ଉପରେ ନଜର ରଖିଛି ଭାରତ । ଭାରତ ମଧ୍ୟ ସମାନ ଢଙ୍ଗରେ ଚୀନର ସୀମାନ୍ତ ରାସ୍ତା ନିର୍ମାଣ କାମକୁ ଆଗେଇବା ସହ ବିବାଦୀୟ ସୀମାନ୍ତ ସ୍ଥାନ ଗୁଡିକ ଉପରେ ରଖିଛି କଡା ନଜର । ଚଳିତ ମାସର ଆରମ୍ଭରୁ ଚୀନ ସେନା ଲଦାଖର ସୀମାନ୍ତରେ ପ୍ରବେଶ କରିବା ପରେ ଏହାକୁ ନେଇ ଦେଖା ଦେଇଥିଲା ଅସନ୍ତୋଷ । ଦୁଇ ଦେଶର ପ୍ରତିରକ୍ଷା ସ୍ତରୀୟ ଆଲୋଚନା ପରେ ସ୍ଥିତିରେ କିଛି ସୁଧାର ଆସିଥିଲ।। ଚୀନ ଏହାର ସେନାକୁ ପ୍ରାୟ ଅଢେଇ କିଲୋମିଟର ଫେରାଇ ନେଇଥିଲା । ଏହା ପରେ ସୀମାରୁ ସୈନ୍ୟ ଅପସାରଣ କରିଥିଲା ଭାରତ ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତରେ ଚୀନ ସହିତ ଭାରତର ଲାଇନ୍ ଅଫ୍ ଆକଚୁଆଲ୍ କଂଟ୍ରୋଲ ବା ବାସ୍ତବ ନିୟନ୍ତ୍ରଣ ରେଖାର ଲଂବ ହେଉଛି ୩ ହଜାର ୪୮୮ କିଲୋମିଟର । ପଶ୍ଚିମରେ ଲଦାଖ, ମଝିରେ ଉତରାଖଣ୍ଡ – ହିମାଚଳ, ପୂର୍ବରେ ରହିଛି ସିକିମ୍, ଅରୁଣାଚଳ ଷ ଚୀନର ପିପୁଲ ଲିବରେସନ ଆର୍ମିକୁ କଡା ଜବାବ ଦେବାକୁ ଏହି ସୀମାନ୍ତ ଉପରେ ନଜର ରଖିଛି ଭାରତ । କୌଣସି ପ୍ରକାର ଅନୁପ୍ରବେଶକୁ ବିଫଳ କରିବାକୁ ସୀମାରେ କଡା ପହରା ଦେଉଛନ୍ତି ଭାରତୀୟ ସେନା । ସେପଟେ ଲଦାଖ ସୀମା ବିବାଦ ନେଇ ଭାରତ ଓ ଚୀନ ଡିଜି ସ୍ତରୀୟ ଆଲୋଚନା ବି ଚାଲିଛି । ଦୁଇ ଦେଶର ପ୍ରତିରକ୍ଷା ଅଧିକାରୀ ଏହି ଆଲୋଚନାରେ ଭାଗ ନେଇଛନ୍ତି । ଗାଲୱନ, ହଟ୍ ସ୍ପ୍ରିଙ୍ଗସ୍ ନେଇ ଆଲୋଚନାରେ ସମସ୍ୟା ଅଧିକ ନାହିଁ କିନ୍ତୁ ପ୍ୟାଙ୍ଗୋଙ୍ଗ୍ କୁ ନେଇ ଚୀନ୍ ଅଧିକ ବିବାଦ ଠିଆ କରୁଛି ।