ଗାଜା ଉପରେ ଇସ୍ରାଏଲ ସେନାର ଆକ୍ରମଣ ଭିତରେ ଚୀନର ବଡ ଆକ୍ସନ । ଚୀନ ମାନଚିତ୍ରରୁ ହଟିଲା ଇସ୍ରାଏଲର ନାମ
କନକ ବ୍ୟୁରୋ : ଗାଜା ପଟ୍ଟୀ ଉପରେ ଇସ୍ରାଏଲର ଆକ୍ରମଣ ଭିତରେ ଚୀନରୁ ଆସିଛି ବଡ ଖବର । ଚୀନ ତରଫରୁ ଅନଲାଇନ୍ ନକ୍ସାରୁ ଇସ୍ରାଏଲ ଦେଶର ନାମ ହଟାଇଦିଆଯାଇଛି । ଅନ୍ତର୍ଜାତୀୟ ଗଣମାଧ୍ୟମର ରିପୋର୍ଟ ମୁତାବକ ଚୀନ କମ୍ପାନୀ ବାଇଜୁ ଓ ଅଲୀବାବାର ଅନଲାଇନ୍ ନକ୍ସାରୁ ଇସ୍ରାଏଲର ନାମ ହଟାଇ ଦିଆଯାଇଛି । ବାଇଜୁ ନକସାରେ ଇସ୍ରାଏଲ ଓ ପାଲେଷ୍ଟାଇନର କେବଳ ସୀମାକୁ ସୂଚିତ କରାଯାଇଛି । ହେଲେ ନକ୍ସରେ ଏହି ଦୁଇଦେଶର ନାମ ଉଲ୍ଲେଖ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ରିପୋର୍ଟ ମୁତାବକ ଚୀନ ଭାଷାରେ ଲେଖାଥିବା ଏହି ନକସାରେ ଲକ୍ଜମବର୍ଗ ଭଳି ଛୋଟ ଦେଶର ନାମ ରହିଛି । ହେଲେ ଇସ୍ରାଏଲ ଭଳି ଦେଶର ନାମ ନାହିଁ । ଏହାକୁ ନେଇ ଏବେ ଅନେକ ପ୍ରଶ୍ନ ଉଠିଛି । ହେଲେ ବାଇଜୁ କି ଅଲୀବାବା ତରଫରୁ ଏହି ପ୍ରସଙ୍ଗରେ କୌଣସି ପ୍ରତିକ୍ରିୟା ପ୍ରକାଶ ପାଇନାହିଁ । ସେପଟେ ଇସ୍ରାଏଏଲ ଓ ହମାମ ମଧ୍ୟରେ ଲାଗିଥିବା ଲଢେଇକୁ ନେଇ ଚୀନ ସରକାର ଯେଉଁ ବୟାନ ଜାରି କରିଥିଲେ ସେଥିରେ ହମାସକୁ ନିନ୍ଦା କରାଯାଇନଥିଲା । ହେଲେ ଚୀନ ସରକାର ତାଙ୍କ ବୟାନରେ ପାଲେଷ୍ଟାଇନକୁ ସମର୍ଥନ କରିଥିଲେ । ଏହାକୁ ନେଇ ଅନେକ ଦେଶ ଚୀନକୁ ସମାଲୋଚନା କରିଥିଲେ । ଏହାପରେ ଚୀନର ବିଦେଶମନ୍ତ୍ରୀ ବାଙ୍ଗ ୟୀ ତରଫରୁ ଇସ୍ରାଏଲ ସମକକ୍ଷ ଏଲୀ କୋହେନେ ସହ ହୋଇଥିବା ଆଲୋଚନାରେ ମାନିଥିଲେ କି ଇସ୍ରାଏଲକୁ ନିଜ ସୁରକ୍ଷା ପାଇଁ ଲଢିବାରେ ସମ୍ପୂର୍ଣ୍ଣ ଅଧିକାର ରହିଛି । ଏହାସହ ଚୀନ ଯୁଦ୍ଧ ବିରତି ପାଇଁ ଦାବି କରିଥିଲା ।
ଅନ୍ୟପଟେ ଚୀନର ଏହି ଦୁଇ କମ୍ପାନୀର ପଦକ୍ଷେପକୁ ନେଇ ଚୀନର ଲୋକ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । ତେବେ ଅକ୍ଟୋବର ୭ ପରେ ଆରମ୍ଭ ହୋଇଥିବା ଯୁଦ୍ଧ ଭିତରେ ଇସ୍ରାଏଲର ନାମ ଚୀନ ମାନଚିତ୍ରରୁ ହଜିଯାଇଛି ନା ହଟାଇ ଦଆଯାଇଛି ତାହା ସ୍ପଷ୍ଟ ହୋଇନାହିଁ ।