ଚାଲୁ ଚାଇନା ବିଶ୍ୱାସ କରିବା ମନା! ସୀମାରେ ଉତ୍ତେଜନା ବଢୁଥିବାବେଳେ ଚୀନ ଆରମ୍ଭ କଲା ମାଇଣ୍ଡ ଗେମ୍ । ଚୀନ ସେନାର ଆକ୍ରମଣାତ୍ମକ ଫଟୋ ଟ୍ୱିଟ୍ କରି ଭୟ ସଂଚାର ପାଇଁ ଉଦ୍ୟମ, ଫଟୋ ଜାରି କଲା ଗ୍ଲୋବାଲ ଟାଇମ୍ସ । ସୀମାରେ ଶକ୍ତି ପ୍ରଦର୍ଶନ କରି ଲଢ଼ୁଆ ବିମାନ ଉଡାଇଲା ଭାରତ ।
କନକ ବ୍ୟୁରୋ: ପୂର୍ବ ଲଦାଖର ଚୀନ ସୀମାରେ ଭାରତ ଓ ଚୀନ ଏକପ୍ରକାର ମୁହାଁମୁହିଁ ଅବସ୍ଥାରେ ଥିବା ବେଳେ ଚୀନର ସରକାରୀ ଗଣମାଧ୍ୟମ ତଥା ସରକାରୀ ଦଳର ମୁଖପତ୍ର କୁହାଯାଉଥିବା ଗ୍ଲୋବାଲ ଟାଇମ୍ସ୍ ଏହି ଫଟୋ ଟ୍ୱିଟ୍ କରିଛି । ଏହି ଫଟୋରେ ଚୀନସେନାର ଗୁପ୍ତଚର ସଂପର୍କୀତ କାର୍ଯ୍ୟାବଳୀକୁ ଦର୍ଶାଇବା ପାଇଁ ଚେଷ୍ଟା କରାଯାଇଛି । ଟ୍ୱିଟ୍ରେ ସେମାନେ ଚାରୋଟି ଫଟୋ ରିଲିଜ୍ କରିଛନ୍ତି । ୨୦୧୭ରେ ଡୋକଲାମ ବିବାଦ ସମୟରେ ମଧ୍ୟ ଚୀନ ସୈନ୍ୟମାନଙ୍କ ଏଭଳି ରୂପ ଟ୍ୱିଟ୍ କରୁଥିଲା ଚୀନର ଗଣମାଧ୍ୟମ ।
Kanak News is now on WhatsApp
Join and get latest news updates delivered to you via WhatsApp
ବିଶେଷଜ୍ଞଙ୍କ କହିବା ଅନୁସାରେ ଯେଉଁ ଦେଶ ସହ ଚୀନ ଶତ୍ରୁତା କରେ ସେମାନଙ୍କୁ ମାଇଣ୍ଡ ଗେମ୍ ଅର୍ଥାତ ମାନସିକ ଖେଳ ଜରିଆରେ ଭୟଭୀତ କରିବାକୁ ଉଦ୍ୟମ କରେ । ଲଦାଖ୍ ବିବାଦ ସମୟରେ ଚୀନ ଠିକ୍ ସେହିଭଳି ରଣନୀତି ଆପଣେଇଛି । କ୍ରିକେଟ ଖେଳରେ ଅଷ୍ଟ୍ରେଲିଆ ଯେଉଁ ରଣନୀତି ପାଇଁ ସବୁଠାରୁ ବେଶୀ ଚର୍ଚିତ, ସେ ହେଉଛି- ମାଇଣ୍ଡ ଗେମ୍ । ଅର୍ଥାତ୍ ଶତ୍ରୁକୁ ମାନସିକ ଭାବେ ଦୁର୍ବଳ କରିବା । ଏହା ଦ୍ୱାରା ବିଜୟ ହାସଲ ସହଜ ହୁଏ ବୋଲି କୁହାଯାଏ । କିନ୍ତୁ ଚୀନ ବୋଧହୁଏ, ଭାରତୀୟ ସେନାର ମାନସିକ ଶକ୍ତିକୁ ଠିକ୍ ଭାବେ ଆକଳନ କରି ନାହିଁ ।
ଭାରତୀୟ ସେନାର ଅଧିକାରୀମାନଙ୍କ କହିବା ଅନୁସାରେ, ଚୀନ ପରିସଂଖ୍ୟାନରେ ଓ ଏପ୍ରକାରର ଛାୟା ପ୍ରଦର୍ଶନରେ ବେଶ୍ ଧୂରନ୍ଧର । କିନ୍ତୁ ଭାରତୀୟ ସେନା ଯୁଦ୍ଧ ଲଢି ଲଢି ଲୁହା ପାଲଟିଯାଇଛନ୍ତି । ଏକଥା ଚୀନ ମନେ ରଖିବା ଦରକାର ।