ମସୁଦ୍ ଅଜହର ବିଶ୍ୱ ଆତଙ୍କବାଦୀ ଘୋଷଣା ହେବା ପରେ ଭାରତ ସାମ୍ନାରେ ମୁଣ୍ଡ ନୁଆଁଇବାକୁ ବାଧ୍ୟ ହେବ ପାକିସ୍ତାନ ! ଆଜି ମତ ବଦଳାଇପାରେ ଚୀନ୍ ।
ମସୁଦ୍ ଅଜହର ବିଶ୍ୱ ଆତଙ୍କବାଦୀ ଘୋଷିତ ହେବା ମାମଲାରେ ଆଜି ଅର୍ଥାତ୍ ମେ ୧ ରେ ଚୀନ୍ ନିଜ ମତ ବଦଳାଇପାରେ । ଚୀନ୍ ବାରମ୍ବାର ମସୁଦ୍ ଉପରେ ବିଶ୍ୱ ଆତଙ୍କବାଦୀ ଘୋଷଣା କରିବାରେ ନିଜ ଭିଟୋ ଶକ୍ତିକୁ ବ୍ୟବହାର କରି ପ୍ରତିଥର ମସୁଦ୍ କୁ ବଚାଂଇ ଆସୁଥିଲା । ମାର୍ଚ୍ଚ ମାସରେ ଚୀନ୍ ପୁଣିଥରେ ଏଭଳି କରିଥିଲା । ୧୪ ଫେବୃୟାରୀ ପୁଲୱାମା ଆକ୍ରମଣ ପରେ ଭାରତ ସମେତ ଅନେକ ସଂଯୁକ୍ତ ରାଷ୍ଟ୍ର ଆମେରିକା,ଫ୍ରାନ୍ସ ଏବଂ ୟୁକେ ଭଳି ଦେଶରେ ମସୁଦ୍ କୁ ବିଶ୍ୱ ଆତଙ୍କୀ ରୁପେ ଘୋଷଣା କରିବା ପାଇଁ ପ୍ରେସର୍ ପକାଯାଉଛି । କିନ୍ତୁ ଚୀନ୍ ବାରମ୍ବାର ଭିଟୋ ପାୱାର ବ୍ୟବହାର କରି ଏହି ପ୍ରୟାସରେ ସାମ୍ନାକୁ ଚାଲି ଆସୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହା ପ୍ରଥମେ ଜାଣିବା ଆବଶ୍ୟକ ଯେ ଜଣେ ବିଶ୍ୱ ଆତଙ୍କବାଦୀ ଘୋଷିତ ହେବା ପରେ ତା’ ଉପରେ କିଭଳି କାର୍ଯ୍ୟାନୁଷ୍ଠାନ ନିଆଯାଏ । ସଂଯୁକ୍ତ ରାଷ୍ଟ୍ର ନିୟମାନୁସାରେ ଏହି ମାମଲାରେ ଦୁନିଆର ସବୁ ଦେଶ ଉକ୍ତ ବ୍ୟକ୍ତିଙ୍କ ସହ ସମ୍ବନ୍ଧିତ ସମୂହ ତଥା ସଂସ୍ଥାଙ୍କ ମଧ୍ୟ ଧନ, ସଂପତ୍ତି ତଥା ଆର୍ଥିକ ସଂସାଧନକୁ ଅକ୍ତିଆର କରିନିଏ । ଉକ୍ତ ବ୍ୟକ୍ତିର ଅନ୍ୟ କୌଣସି ସ୍ଥାନକୁ ଯିବା ଆସିବା କରିବାରେ ପ୍ରତିବନ୍ଧ ଲାଗିଥାଏ । କେବଳ ଏତିକି ନୁହେଁ ଯଦି ମସୁଦ୍ ଉପରେ ବିଶ୍ୱ ଆତଙ୍କବାଦୀର ଟ୍ୟାଗ୍ ଲାଗିଯାଏ ତେବେ ପାକିସ୍ତାନରେ ମଧ୍ୟ ସେ ସ୍ୱତନ୍ତ୍ର ରୁପରେ ବିଚରଣ କରିପାରିବ ନାହିଁ । କାରଣ ସରକାରଙ୍କ ଉଦେ୍ଧଶ୍ୟ ମସୁଦ୍ କୁ ଗିରଫ କରିବାରେ ରହିବ । ଯଦି ଜଣେ ବିଶ୍ୱ ଆତଙ୍କୀ ପାକ୍ ରେ ସ୍ୱତନ୍ତ୍ର ଭାବେ ବିଚରଣ କରିବ ତେବେ ପାକିସ୍ତାନର ବିଶ୍ୱ ଶାଖାରେ ଏହାର ନକାରାତ୍ମକ ପ୍ରଭାବ ପଡିବ । ଏଭଳି ସ୍ଥିତିରେ ପାକ୍ କୁ ମସୁଦକୁ ଗିରଫ କରିବାକୁ ହିଁ ପଡିବ ।
ୟୁଏନ୍ ର ପ୍ରତିବନ୍ଧ ସୂଚୀରେ ସାମିଲ୍ ହେବା ପରେ ମସୁଦ୍ କୌଣସି ଦେଶ କିମ୍ବା ସଂଗଠନ ପାଇଁ ଅସ୍ତ୍ରଶସ୍ତ୍ର କିଣିବାରେ ମଧ୍ୟ ପ୍ରତିବନ୍ଧିତ ହୋଇଯିବ । ବିଶ୍ୱ ଆତଙ୍କୀ ଘୋଷଣା ହେବା ପରେ କୌଣସି ଦେଶର ପତାକା ଲାଗିଥିବା ବାୟୁଯାନ ତଥା ଜଳପୋତର ବ୍ୟବହାର ମସୁଦ୍ କରିପାରିବ ନାହିଁ ।