ମାଛ ପାଇଁ ମିଳୁନି ବରଫ, ବାଲୁଗାଁରୁ ଆସିଲା ଅଭାବନୀୟ ଚିତ୍ର । ବିଜୁଳି ନଥିବାରୁ ବନ୍ଦ ହୋଇଯାଇଛି ବରଫ କଳ, ଚଢା ଦରରେ ବିକ୍ରି ହେଉଛି ବାଲେଶ୍ୱର ଓ ଭଦ୍ରକରୁ ଆସିଥିବା ବରଫ
ଫୋନି ପ୍ରଭାବରେ ଚିଲିକାରେ ଘୋର ବିପର୍ଯ୍ୟୟ ଘଟିିଛି
କନକ ବ୍ୟୁରୋ : ଫୋନି ପ୍ରଭାବରେ ଚିଲିକାରେ ଘୋର ବିପର୍ଯ୍ୟୟ ଘଟିିଛି । ଖାର ପାଣିରେ ସମୁଦ୍ରର ଲୁଣିପାଣି ମିଶିଯିବା ଫଳରେ ମାଛ, ଚିଙ୍ଗୁଡି, କଙ୍କଡା ମରିଯାଉଛନ୍ତି । ବାଲୁଗାଁ ଚିଲିକା କୂଳରେ ମାଛ ବ୍ୟବସାୟର ମୁଖ୍ୟ କେନ୍ଦ୍ର । ବାତ୍ୟା ପରେ ଏଠାରେ ପ୍ରବଳ ମାତ୍ରାରେ ମାଛ ବିକ୍ରି ହେଉଛି । ଖୁବ କମ ଦରରେ ଭଲ ଭଲ ମାଛ ମିଳୁଛି । ଏହାର ମୁଖ୍ୟ କାରଣ ହେଉଛି ବରଫର ଅଭାବ । ସ୍ଥାନୀୟ ଅଂଚଳରେ ଥିବା ବରଫକଳ ଗୁଡିକ ବିଦ୍ୟୁତ ଯୋଗାଣାରୁ ବନ୍ଦ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ପରିପ୍ରେକ୍ଷୀରେ ବାଲେଶ୍ୱର, ଭଦ୍ରକ ଆସୁଥିବା ବରଫ କେନ ପ୍ରତି ହଜାରେ ଟଙ୍କାରୁ ଅଧିକ ଟଙ୍କାରେ ବିକ୍ରୀ ହେଉଛି । କିନ୍ତୁ ପ୍ରକୃତ ଦାମ ହେଉଛି ୨ ଶହ ଟଙ୍କା । ବରଫ ନଥିବାରୁ ମାଛଗୁଡିକୁ ସଂରକ୍ଷିତ କରାଯାଇ ରଖାଯାଇ ପାରୁନାହିଁ । ଫଳରେ ଅନ୍ୟତ୍ର ଏହାକୁ ରପ୍ତାନି କରାଯାଉନାହିଁ । ଏଭଳି ହେଲେ ଆଗକୁ ମାଛ ବ୍ୟବସାୟ ବନ୍ଦ ହୋଇଯିବ ବୋଲି କହିଛନ୍ତି ବ୍ୟବସାୟ ।