ଆଜି ବିଘ୍ନବିନାଶଙ୍କ ଆବାହନ : କୋଭିଡ କଟକଣା ଭିତରେ ହେଉଛି ସ୍ୱତନ୍ତ୍ର ପୂଜାର୍ଚ୍ଚନା
ସ୍କୁଲରେ ବିନା ଛାତ୍ରଛାତ୍ରୀଙ୍କ ହେଉଛି ଗଣେଷ ପୂଜା
କନକ ବ୍ୟୁରୋ : ଗତବର୍ଷ ଭଳି ଚଳିତ ବର୍ଷ ମଧ୍ୟ ବିଦ୍ୟାଳୟମାନଙ୍କରେ ପୂଜା ପାଳନ ଉପରେ କଟକଣା ରହିଛି । ବହୁ ବିଦ୍ୟାଳୟରେ କେବଳ ବିଧି ରକ୍ଷା କରି ପୂଜା ପାଳନ କରାଯାଉଛି । ଶିକ୍ଷକ ଶିକ୍ଷୟିତ୍ରୀମାନେ କେବଳ ଫଟୋ ପୂଜାରେ ବିଧି ରଖିବେ ବୋଲି ଜଣାପଡ଼ିଛି । କୌଣସି ଛାତ୍ରଛାତ୍ରୀ ଏଥିରେ ସାମିଲ୍ ହୋଇପାରିବେ ନାହିଁ । ତେଣୁ ଛାତ୍ରଛାତ୍ରୀମାନଙ୍କ ମନରେ ପ୍ରଚଣ୍ଡ ଦୁଃଖ ସୃଷ୍ଟି ହୋଇଛି । ତେବେ ପିଲାମାନେ ବି କିଛି କମ୍ ନୁହଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ବହୁ ପିଲା ନିଆରା ଢ଼ଙ୍ଗରେ ଗଣେଶଙ୍କୁ ପୂଜା କରିବାକୁ ଯାଉଛନ୍ତି। ବିଦ୍ୟାଳୟରେ ନହେଲେ ବି ସେମାନେ ଘରେ ପୂଜା କରିବେ । ତେଣୁ ବଜାରରୁ ସେମାନେ ବହୁ କୁନିକୁନି ଗଣେଶ ମୂର୍ତ୍ତି କିଣିଛନ୍ତି । କିଏ ମାଟି ମୂର୍ତ୍ତି କିଣିଛି ତ କିଏ ସହିତ ପ୍ଲାଷ୍ଟର ଅଫ୍ ପାରିସ୍ ମୂର୍ତ୍ତି କିଣିଛି । ବଡ଼ କଥା ହେଉଛି ପିଲାମାନେ ବିନା ପୂଜକ ରେ ପୂଜା କରିବେ । ପୂଜକ ଭାଇନା ମିଳିବା ଓ ଦକ୍ଷିଣା ସମସ୍ୟା ପାଇଁ ସେମାନେ ନିଜେ ମନ୍ତ୍ରପାଠ କରିବାକୁ ଯୋଜନା କରିଛନ୍ତି। ତେଣୁ ପୂଜା ବିଧି ବହି କିଣିଛନ୍ତି। ନିଜେ ନିଜେ ମୂର୍ତ୍ତି ସମ୍ମୁଖରେ ବହିରୁ ମନ୍ତ୍ର ପଢ଼ି ସେମାନେ ଗଣେଶଙ୍କୁ ଆବାହନ କରିବେ ।
ଭୁବନେଶ୍ୱର ବିଜୁ ପଟ୍ଟନାୟକ ପାର୍କରେ ନିଆରା ଗଣେଷ ପୂଜା । ଗଛକୁ ଗଜାନନ ରୂପ ଦେଇଛନ୍ତି ବକୁଳ ପାଠାଗାରର ସଦସ୍ୟମାନେ । ପୂଜା ସମୟରେ କୌଣସି ଜିନିଷ ନଷ୍ଟ ନହେବ ସେଥିପ୍ରତି ବିଶେଷ ଗୁରୁତ୍ୱ ଦିଆଯାଇଛି । ଗଛକୁ ପୂଜା କରିବା ବେଳେ ଦୁଇଟି ବାର୍ତା ଦେଉଛନ୍ତି ବକୁଳ ପାଠାଗାର । ପ୍ରଥମତଃ କମ ଖର୍ଚ୍ଚରେ ଗଣେଷ ପୂଜା ଓ ପୂଜା ମାଧ୍ୟମରେ କିପରି ପରିବେଶ ସୁରକ୍ଷା କରାଯାଇ ପାରିବ ସେ ବାର୍ତା ଦିଆଯାଇଛି । କରୋନା ମହାମାରୀ ସହ ଲଢେଇ କରୁଛନ୍ତି ବିଘ୍ନବିନାଶକ । ମହାମାରୀ ଯୋଗୁଁ ଆଗଭଳି ଜାକଜମକରେ ପୂଜା ହେଉନାହିଁ । କିନ୍ତୁ ବିଭିନ୍ନ ସ୍ଥାନରେ ବିଭିନ୍ନ ରୂପରେ କଟକରେ ଗଣେଷ ପୂଜା ଚାଲିଛି ।