କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାୟର ନୂଆ ଗାଇଡ ଲାଇନ । ୧୮ ବର୍ଷରୁ କମ୍ ବୟସ୍କଙ୍କୁ ଦିଆଯିବ ନାହିଁ ରେମଡେସିଭିର ଇଂଜେକ୍ସନ । ୫ ବର୍ଷରୁ କମ୍ ପିଲାଙ୍କୁ ମାସ୍କ ଲଗାଇବାକୁ ବାରଣ
କନକ ବ୍ୟୁରୋ : କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅଧିନରେ କାର୍ଯ୍ୟ କରୁଥିବା ଡିଜିଏଚଏସ କରୋନା ସଂକ୍ରମିତ ଚିକିତ୍ସା ଓ ସାବଧାନତାରେ ପିଲାଙ୍କ ପାଇଁ ଗାଇଡ ଲାଇନ ଜାରି କରିଛନ୍ତି । ଏହି ଗାଇଡ ଲାଇନରେ କରୋନା ସଂକ୍ରମଣରେ ଶିକାର ହୋଇଥିବା ୧୮ ବର୍ଷ ବୟସ ତଳକୁ ପିଲାମାନଙ୍କୁ ରେମଡେସିଭିର ଇଂଜେକ୍ସନ ଲଗାଇବାକୁ ବାରଣ କରାଯାଇଥିବା ବେଳେ ୫ ବର୍ଷ ବୟସ ତଳକୁ ପିଲାମାନଙ୍କୁ ମାସ୍କ ନ ପିନ୍ଧାଇବାକୁ ବାରଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
As per the Directorate General of Health Services (DGHS) guidelines, mask is not recommended for children of 5 years of age or below; children aged 6-11 years may wear a mask under supervision of parents and doctor. #COVID19
— ANI (@ANI) June 10, 2021
ଗାଇଡ ଲାଇନରେ କୁହାଯାଇଛି କି ୫ ବର୍ଷରୁ କମ୍ ବୟସ୍କ ପିଲାମାନଙ୍କ ପାଇଁ ମାସ୍କ ବ୍ୟବହାର କରିବାର ଆବଶ୍ୟକତା ନାହିଁ । ୬ ରୁ ୧୧ ବର୍ଷ ବୟସର ପିଲା ଅବିଭାବକ ମାନଙ୍କ ତତ୍ୱାବଧାନରେ ମାସ୍କ ପିନ୍ଧି ପାରିବେ । ୧୨ ବର୍ଷରୁ ଅଧିକ ବୟସ୍କ ପିଲା ବଡ ଲୋକମାନଙ୍କ ଭଳି ମାସ୍କ ବ୍ୟବହାର କରିପାରିବେ ।
ଏହାସହ ଛୋଟ ପିଲାମାନଙ୍କ କରୋନା ଚିକିତ୍ସା ବେଳେ ଷ୍ଟେରଏଡ ବା ଶକ୍ତି ବର୍ଦ୍ଧକ ଔଷଧ ବ୍ୟବହାର ନକରିବାକୁ ବିଭାଗ ପକ୍ଷରୁ କଟକଣା ଜାରି କରାଯାଇଛି । ଯଦି ପିଲାର ସ୍ଥିତି ଗୁରୁତର ରହିଛି ତେବେ ମେଡିକାଲରେ ଡାକ୍ତରଙ୍କ ପରାମର୍ଶରେ ଷ୍ଟେରଏଡ ବ୍ୟବହାର କରାଯାଇ ପାରିବ ।
As per the Directorate General of Health Services (DGHS) guidelines, mask is not recommended for children of 5 years of age or below; children aged 6-11 years may wear a mask under supervision of parents and doctor. #COVID19
— ANI (@ANI) June 10, 2021
ସ୍ୱାସ୍ଥ୍ୟ ବିଭାଗର ଗାଇଡ ଲାଇନ ମୁତାବକ ଛୋଟ ପିଲାଙ୍କର ଏଚଆରସିଟି ସ୍କାନ ଡାକ୍ତରଙ୍କ କହିବା ପରେ ଅତି ଆବଶ୍ୟକ ଥିଲେ କରନ୍ତୁ । ବାରମ୍ବାର ଏଚଆରସିଟି ଟେଷ୍ଟ କରିବା ରୋଗୀ ପାଇଁ ବିପଦ ହୋଇପାରେ ! ଲକ୍ଷଣହୀନ ଓ ମୃଦୁ ସଂକ୍ରମଣ ଥିବା ଲୋକଙ୍କ ଠାରେ ଏଚଆସିଟି ଟେଷ୍ଟ କରିବାକୁ ବାରଣ କରିଛି ବିଭାଗ । ଯଦି ଚିକିତ୍ସା ପରେ ରୋଗୀର ସ୍ଥିତି ବିଗୁଡିଛି ତେବେ ଏଚଆରସିଟି ଟେଷ୍ଟ କରିବାକୁ ପରାମର୍ଶ ଦେଇଛି ସ୍ୱାସ୍ଥ୍ୟ ବିଭାଗ