ଫୁଟୁଥିବା ଗରମ ପାଣିରେ ବସିଛି ଶିଶୁ । ଲୋକେ ଦେଖି ହେଲେ ଆଶ୍ଚର୍ଯ୍ୟ।

କନକ ବ୍ୟୁରୋ : ନିକଟରେ ଦିଲ୍ଲୀରେ ଜଣେ ଶିଶୁ ଫୁଟୁଥିବା ଗରମ ପାଣିରେ ବସିଥିବାର ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓ ସୋସିଆଲ ମିଡିଆରେ ପୋଷ୍ଟ ହେବା ପରେ ଏହାକୁ ନେଇ କିଛି ଲୋକ ଅସନ୍ତୋଷ ବ୍ୟକ୍ତ କରିଥିବା ବେଳେ କିଛି ଲୋକ ଏପରି ଦୃଶ୍ୟ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି। ତେବେ ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓରେ ଦେଖିବାକୁ ମିଳୁଛି, ତଳେ ନିଆଁ ଜଳୁଥିବା ବେଳେ ଉପରେ ଏକ କଢ଼େଇ ରଖାଯାଇଛି ଆଉ ସେଥିରେ ପାଣି ରଖା ଯାଇଛି। କଢ଼େଇରେ ଥିବା ପାଣି ବହୁତ ଜୋରରେ ଫୁଟୁଛି। ଏଭଳି ସ୍ଥିତିରେ ଶିଶୁ କାନ୍ଧରେ ଏକ କମଳା ରଙ୍ଗର କାମୁଛା ପକାଇଥିବା ବେଳେ ଫୁଟୁଥିବା ପାଣି ଭିତରେ ହାତ ଯୋଡ଼ି ବସିଛି। ଆଉ ଉକ୍ତ ଗରମ ପାଣିରେ କିଛି ଫୁଲ ପଡ଼ିଥିବା ବି ଦେଖିବାକୁ ମିଳୁଛି। ଏହି ଦୃଶ୍ୟ ଦେଖି ଘଟଣାସ୍ଥଳରେ ଉପସ୍ଥିତ ଥିବା ଲୋକେ ସ୍ତବ୍ଧ ହୋଇଯାଇଥିଲେ।