କାର ଭିତରେ ଶିଶୁ କନ୍ୟାକୁ ଛାଡି ବାପା ମାଆ ଗାଏବ । ଦେଢ ବର୍ଷର ଶିଶୁ କନ୍ୟାକୁ ଗାଡି କାଚ ଭାଙ୍ଗି କରାଗଲା ଉଦ୍ଧାର ।

1,849

କନକ ବ୍ୟୁରୋ : କୁହାଯାଏ ନିଜ ସନ୍ତାନକୁ ଜୀବନଠୁ ଅଧିକ ଭଲ ପାଇଥାନ୍ତି ବାପା ମା’ । ଓଳିଏ ଖାଇ ଓଳିଏ ଭୋକିଲା ରହିଲେ ମଧ୍ୟ ନିଜ ପିଲା ମୁହଁରେ ହସ ଫୁଟାଇଥାନ୍ତି । କିନ୍ତୁ ଢ଼େଙ୍କାନାଳରୁ ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଯାହା ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । କାର ଭିତରେ ଦେଢ଼ ବର୍ଷର ଶିଶୁ କନ୍ୟାକୁ ଛାଡି ଗାଏବ ହୋଇଗଲେ ବାପା-ମାଆ ।

କୁନି ଝିଅଟି ଅଣନିଶ୍ୱାସୀ ହୋଇ ଗାଡିର କାଚ ପିଟିବାରୁ ଲୋକମାନେ କାଚ ଭାଙ୍ଗି ପିଲାଟିକୁ ଉଦ୍ଧାର କରିଛନ୍ତି । ଝିଅଟିକୁ ଉଦ୍ଧାର ପରେ ଡାକ୍ତରଖାନାରେ ଚିକିତ୍ସା କରାଯାଇଛି । ଏବଂ ରାସ୍ତା ଉପରେ କଟକ ନମ୍ବର ଥିବା ମାରୁତି ସୁଜୁକି କାରଟି ରଖାଯାଇଛି । ଏପରି ବେପରୁଆ କାର୍ଯ୍ୟ ପାଇଁ ବାପାମାଆଙ୍କୁ ନିନ୍ଦା କରିଛନ୍ତି ଉଦ୍ଧାର କରିଥିବା ଲୋକେ । ତେବେ କିଛି ସମୟ ପରେ ପିଲାଟିର ବାପା ଫେରିଥିଲେ ମଧ୍ୟ ନିଜର ଚିକିତ୍ସା ପାଇଁ ଅଳ୍ପ ସମୟ ପାଇଁ ଯାଇଥିଲେ ବୋଲି କହିଛନ୍ତି । ପୂର୍ବରୁ ଦୀଘାରେ ମଧ୍ୟ ଏଭଳି ଏକ ଦୃଶ୍ୟ ଦେଖିବାକୁ ମିଳିଥିଲା ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.