ଟିଟିଲାଗଡରେ ଚାଂଚଲ୍ୟ । ରେଳଲାଇନ କଡରୁ ମିଳିଲା ଶିଶୁର ମୃତଦେହ, ପୂଜା ସାମଗ୍ରୀ ଉଦ୍ଧାର, ବଳି ସନ୍ଦେହ
ଟିଟିଲାଗଡ ରେଳ ଷ୍ଟେସନରୁ ଅଳ୍ପ ଦୂରରେ ଅଭାବନୀୟ ଦୃଶ୍ୟ ସାମ୍ନାକୁ ଆସିଛି
କନକ ବ୍ୟୁରୋ : ଟିଟିଲାଗଡ ରେଳ ଷ୍ଟେସନରୁ ଅଳ୍ପ ଦୂରରେ ଅଭାବନୀୟ ଦୃଶ୍ୟ ସାମ୍ନାକୁ ଆସିଛି । ରେଳ ଲାଇନ କଡରୁ ଶିଶୁର ମୃତଦେହ ମିଳିଛି । ମୃତ ଦେହଟି ପ୍ରାୟ ଚାରି ପାଂଚ ଦିନ ତଳର ବୋଲି ଅନୁମାନ କରାଯାଉଛି । ତେବେ ଶିଶୁର ଶବ ଠାରୁ କିଛି ଦୂରରେ ପୂଜା ସାମଗ୍ରୀ ପଡିଥିବା ଦେଖିବାକୁ ମିଳିଛି । ଯାହାକୁ ନେଇ ସ୍ଥାନୀୟ ଲୋକେ ଭୟଭୀତ ଅଛନ୍ତି । ଏହା ଏକ ଶିଶୁ ବଳି ବୋଲି ଅନୁମାନ କରୁଛନ୍ତି ସ୍ଥାନୀୟ ଲୋକେ । ସୂଚନା ଅନୁସାରେ ସ୍ଥାନୀୟ ଲୋକେ ରେଳ ଲାଇନ ତଳେ ଏକ ପୋଲ ତଳେ ନବଜାତ ଶିଶୁଟିର ଶବ ଘୋଡାଯାଇଥିବା ଦେଖିବାକୁ ପାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେଠାରୁ କିଛି ଦୂରରେ ନଡିଆ, କଦଳୀ, ନୂଆ ଗାମୁଛା, ଦୀପ ସହ ଅନ୍ୟାନ ପୂଜା ସାମଗ୍ରୀ ଦେଖିବାକୁ ପାଇଥିଲେ । ତେବେ ଘଟଣା ପରେ ଘଟଣାସ୍ଥଳରେ ରେଳବାଇ ପୋଲିସ ପହଂଚି ମୃତଦେହ ଜବତ କରିବା ସହ ଘଟଣାର ଛାନଭିନ୍ କରୁଛି । ତେବେ ବର୍ତମାନ ପର୍ଯ୍ୟନ୍ତ ଏହି ଘଟଣାରେ କେଉଁମାନେ ସମ୍ପୃକ୍ତ ସେ ସମ୍ପର୍କରେ ସୂଚନା ମିଳିନାହିଁ ।