୪୦ଫୁଟ୍ ଗଭୀର ବୋରୱେଲ ଭିତରକୁ ଖସି ପଡ଼ିଲା କୁନି ଶିଶୁ । ଉଦ୍ଧାର କାମରେ ଲାଗିଛନ୍ତି ଅଗ୍ନିଶମ ବାହିନୀ, ଏନଡିଆରଏଫ ଓ ଦିଲ୍ଲୀ ପୁଲିସ ।

କନକ ବ୍ୟୁରୋ: ପୁଣି ବୋରୱେଲରେ ଫସିଲା ଶିଶୁ । ଦିଲ୍ଲୀ କେଶବପୁର ମଣ୍ଡି ଅଞ୍ଚଳରେ ବଡ଼ ଅଘଟଣ । କେଶବପୁରରେ ଥିବା ଜଳ ବୋର୍ଡ ଭିତରେ ଥିବା ଏକ ବୋରୱେଲରେ ଖସିପଡ଼ିଛି ଶିଶୁ । ୪୦ ଫୁଟ ଗଭୀର ବୋରୱେଲରେ ଶିଶୁଟି ପଡ଼ିଯାଇଥିବା ଜଣାପଡ଼ିଛି । ଶିଶୁକୁ ଉଦ୍ଧାର କରିବା ପାଇଁ ଜୋରଦାର ଉଦ୍ୟମ ଆରମ୍ଭ ହୋଇଛି । ଘଟଣାସ୍ଥଳରେ ଦିଲ୍ଲୀ ଅଗ୍ନିଶମ ବାହିନୀ, ଏନ୍ଡିଆରଏଫ୍ ଓ ଦିଲ୍ଲୀ ପୋଲିସର ଟିମ୍ ପହଞ୍ଚିଛନ୍ତି ।

ଶିଶୁକୁ ଉଦ୍ଧାର କରିବା ପାଇଁ ସମାନ୍ତରାଳ ଭାବେ ଆଉ ଏକ ବୋରୱେଲ ଖୋଳାଯାଉଛି । ୪୦ ଫୁଟର ଗଭୀର ବୋରୱେଲ ହୋଇଥିବାରୁ ଉଦ୍ଧାର କରିବା କଷ୍ଟକର ହେଉଛି । ହେଲେ ଆଉ ଏକ ବୋରୱେଲ ଖୋଳିବା ପାଇଁ ଲମ୍ବା ସମୟ ଲାଗିପାରେ । ପ୍ରଥମେ ଯେଉଁ ବୋରୱେଲରେ ଶିଶୁଟି ପଡ଼ିଯାଇଛି, ତା ଭିତରକୁ ଦଉଡି ପକାଯାଇଥିଲା । ହେଲେ ଏହା ଦ୍ୱାରା ଉଦ୍ଧାର କରିବା ସଫଳ ହୋଇନଥିଲା । ଫଳରେ ଏନଡିଆରଏଫ୍ ଟିମ୍ ଆଉ ଏକ ବୋରୱେଲ ଖୋଳିବା କାମରେ ଲାଗିଛନ୍ତି ।