କନକ ବ୍ୟୁରୋ: ବ୍ରାଜିଲରେ ଚିନ୍ତା ବଢାଉଛି ଶିଶୁ ମୃତ୍ୟୁ । ୪ ମାସରେ ଗଲାଣି ୫୭୦ ଜଣଙ୍କ ଜୀବନ । ତେବେ ଏହି ଶିଶୁ ମୃତ୍ୟୁ ପଛରେ ପ୍ରମୁଖ କାରଣ କୁପୋଷଣ ଓ ସୁନା ଖଣି ବୋଲି କୁହାଯାଉଛି । କାରଣ ବ୍ରାଜିଲରେ ଅନେକ ସୁନା ଖଣି ରହିଛି । ଯାହାର ଖନନ ପାଇଁ ପାରଦ ବା ମର୍କୁରୀର ବ୍ୟବହାର ହୋଇଥାଏ । ଏହି ବାୟୁରେ ମିଶି ବିଷାକ୍ତ ହେଉଛି । ଯାହା ଦ୍ୱାରା ପିଲାଙ୍କ ମୃତ୍ୟୁ ହେଉଥିବା ନେଇ କୁହାଯାଉଛି । ଭେନେଜୁଏଲା ସୀମାନ୍ତରେ ଥିବା ଦେଶର ବୃହତମ କ୍ଷେତ୍ର ୟାନୋମାମିରେ ସ୍ୱାସ୍ଥ୍ୟ ବିଭାଗ ପକ୍ଷରୁ ମେଡିକାଲ ଏମରଜେନ୍ସି ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିଶେଷଜ୍ଞଙ୍କ କହିବା ଅନୁସାରେ, ଖଣି ଖନନରେ ବ୍ୟବହାର ହେଉଥିବା ଏହି ପାରଦ ଯେତେବେଳେ ପେଟ ଭିତରକୁ ଯାଏ, ସେତେବେଳେ ପେଟରେ ସମସ୍ୟା ଦେଖା ଦେଇଥାଏ । କିଛି ଶିଶୁଙ୍କ କ୍ଷେତ୍ରରେ ପାଚନ ତନ୍ତ୍ର ସମ୍ପୂର୍ଣ୍ଣ ଖରାପ ହୋଇଯାଇଥାଏ । ଏହାଦ୍ୱାରା ପକ୍ଷାଘାତ ଓ କିଡନୀ ଫେଲ୍ ହେବାର ମଧ୍ୟ ଆଶଙ୍କା ଦେଖାଦେଇଥାଏ । ଏହାଦ୍ୱାରା ମସ୍ତିଷ୍କ ଉପରେ ପ୍ରଭାବ ପକାଇବା ସହ ସ୍ମରଣ ଶକ୍ତି ମଧ୍ୟ ହ୍ରାସ ପାଇଥାଏ । ଠିକ୍ ସମୟରେ ଚିକିତ୍ସା କରାନଗଲେ, ଏହାର ମୃତ୍ୟୁର କାରଣ ହୋଇପାରେ ବୋଲି ବିଶେଷଜ୍ଞ କହିଛନ୍ତି ।