ସିକାଗୋ ସିଡ଼ିରେ ସ୍ୱାମୀଜୀଙ୍କ ବାଣୀ : ସିକାଗୋ ସହରର ଯେଉଁ ସମ୍ମିଳନୀରେ ସ୍ୱାମୀ ବିବେକାନନ୍ଦ ଦେଇଥିଲେ ଜ୍ଞାନମୟ ଭାଷଣ , ସେଠାରେ ଆଜି ବି ଦେଖିବାକୁ ମିଳେ ସ୍ୱାମୀଜୀଙ୍କ ବାଣୀ ।
ନିଜ ଜ୍ଞାନମୟ ବିଚାର ପାଇଁ ଯୁଗ ଯୁଗ ପରିଚିତ ସ୍ୱାମୀ ବିବେକାନନ୍ଦଙ୍କ ବାଣୀ ସମସ୍ତଙ୍କୁ ପ୍ରଭାବିତ କରିଛି । ୧୧ ସେପ୍ଟେମ୍ବର ୧୮୯୩ ମସିହାରେ ସିକାଗୋ ସହରର ବିଶ୍ୱ ଧର୍ମ ସମ୍ମିଳନୀରେ ଭାଷଣ ଦେଇଥିଲେ । ଯାହା ପରଠାରୁ ବିଦେଶୀ ମଧ୍ୟ ଜାଣିଗଲେ ଯେ ବେଦାନ୍ତର ଗୁଢ ରହସ୍ୟକୁ ଭାରତ ଛଡ଼ା ଅନ୍ୟ କେଉଁ ଦେଶ ଜାଣିପାରିବନାହିଁ । ସମ୍ମିଳନୀରେ ସ୍ୱାମୀଜୀଙ୍କ ଚର୍ଚ୍ଚିତ ଭାଷଣ ସାରା ଭାରତ ପାଇଁ ସଦାସର୍ବଦା ଗର୍ବର ବିଷୟ ହୋଇରହିବ । ଯେତେବେଳେ ବି ସ୍ୱାମୀଜୀଙ୍କ ଚର୍ଚ୍ଚା ହୁଏ ତାଙ୍କର ଏହି ଐତିହାସିକ ଭାଷଣର ଚିନ୍ତନ ନିଶ୍ଚିତ କରାଯାଏ । ତେବେ ନିକଟରେ ଏକ ଫଟୋ ସୋସିଆଲ୍ ମିଡ଼ିଆରେ ଖୁବ୍ ଭାଇରାଲ୍ ହେଉଛି । ଫଟୋଟି ସିକାଗୋ ସହରର ବୋଲି ଜଣାପଡ଼ିଛି । ସେଠାରେ ଆଜି ବି ସ୍ୱାମୀ ବିବେକାନନ୍ଦଙ୍କ ସ୍ୱକଥିତ ଶବ୍ଦକୁ ଜୀବିତ ରଖାଯାଇଛି । ଯାହା ମାଧ୍ୟମରେ ଲୋକ ସ୍ୱାମୀଜୀଙ୍କ ସେତେବେଳର ଦୂରଦୃଷ୍ଟିକୁ ଏବେକା ସମୟରେ ମଧ୍ୟ ଅବଲୋକନ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
On 11th September 1893 #SwamiVivekanand gave famous speech at Chicago. You know how this place looks like now. These are stairs of Chicago Art Institute where Swamiji’s 473 words are still illuminating. Still registering relevancy.
Tribute on his death anniversary. pic.twitter.com/OOLJQ4wSrb
— Parveen Kaswan, IFS (@ParveenKaswan) July 4, 2020
ଆପଣଙ୍କୁ କହିରଖୁଛୁ କି ଏହି ଫଟୋ ଆଇଏଫଏସ୍ ଅଫିସର୍ ପରବୀନ୍ କାସୱାନ୍ ସେୟାର୍ କରିଛନ୍ତି । ପୋଷ୍ଟଟି ସେୟାର୍ କରି ସେ ଲେଖଛନ୍ତି , ସିକାଗୋ ସହରରେ ଚର୍ଚ୍ଚିତ ଭାଷଣ ଦେଇ ଭାରତକୁ ଗର୍ବାନ୍ୱିତ କରିଥିବା ସ୍ୱାମୀ ବିବେକାନନ୍ଦଙ୍କ ଭାଷଣକୁ ବର୍ତ୍ତମାନ ଲୋକଙ୍କ ପାଖରେ କିଭଳି ପହଁଚାଯାଉଛି ଦେଖନ୍ତୁ । ଏହା ସିକାଗୋ ଆର୍ଟ ଇନଷ୍ଟିଚ୍ୟୁଟର ସିଡ଼ି , ଯେଉଁଠି ସ୍ୱାମୀଜୀଙ୍କ ୪୭୩ ଟି ଶବ୍ଦକୁ ଲିଖିତ ଆକାରରେ ଉପସ୍ଥାପନ କରାଯାଇଛି । ଗତକାଲି ସ୍ୱାମୀ ବିବେକାନନ୍ଦଙ୍କ ପୂଣ୍ୟତିଥି ଥିଲା ଏବଂ ସ୍ୱାମୀଜୀଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ଆଇଏଫଏସ୍ ଅଫିସର୍ ଏହି ପୋଷ୍ଟଟିକୁ ସେୟାର୍ କରିଥିଲେ । ଫଟୋରେ ସ୍ୱାମୀଜୀଙ୍କ ଭାଷଣକୁ ସିଡ଼ିରେ ଲେଖାଯାଇଛି । ସ୍ୱାମୀଜୀଙ୍କ ଜ୍ଞାନର ବାଣୀ ସିଡିରେ ଚଢୁଥିବା ପଥିକର ପଥକୁ ସୁଗମ କରିବା ଆଶାରେ ଲେଖାଯାଇଛି । ତେବେ ଏହି ପୋଷ୍ଟ୍ ଉପରେ କିଛି ଲୋକ ନିଜର ମତାମତ ଦେଇ ବାଣୀକୁ କାନ୍ଥରେ ଲେଖାଯିବାର ଥିଲା ନା କି ସିଡ଼ିରେ ବୋଲି କହିଛନ୍ତି ।