କନକ ବ୍ୟୁରୋ : ଖୁଡୀଙ୍କୁ ଚୁନା ଲଗାଇଥିବା ୪୨୦ ଝିଆରିକୁ ଗିରଫ କଲା ଛେଣ୍ଡିପଦା ପୁଲିସ । ବିଭିନ୍ନ ଉପାୟରେ ନିଜ ଖୁଡିଙ୍କୁ ଠାରୁ ଝିଆରି ଜଣକ ପାଖାପାଖି ୨୪ଲକ୍ଷ ଟଙ୍କା ଲୁଟି ନେଇଥିବା ଜଣାପଡିଛି । ୪୨୦ ଝିଆରି ନିବେଦିତା ପ୍ରଧାନଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି । ସୂଚନା ଅନୁସାରେ ଚାଙ୍ଗୁଡିଆ ଗାଁର ଲିଲି ସାହୁ, ସ୍ୱାମୀଙ୍କ ଦେହାନ୍ତ ପରେ ଝିଆରି ନିବେଦିତାକୁ ପାଖରେ ଆଣି ରଖିଥିଲେ । ଆଉ ସେହି ସମୟରେ ଖୁଡିଙ୍କ ମନରେ ବିଶ୍ୱାସ ଜନ୍ମାଇ ସୁନା ଗହଣା ଓ ଟଙ୍କା ଉଠାଇ ହଡପ କରିଥିଲା ଝିଆରି ।
Kanak News is now on WhatsApp
Join and get latest news updates delivered to you via WhatsApp
ପୁଲିସରେ ଅଭିଯୋଗ ପରେ ନିବେଦିତାଙ୍କ ପାଖରୁ ଚୋରି ସୁନା ଗହଣା ଉଦ୍ଧାର ପରେ ସନ୍ଦେହରେ ନିଜ ବ୍ୟାଙ୍କ ଆକାଉଂଟ ଯାଂଚ କରିଥିଲ ଲିଲି ସାହୁ । ପାସବୁକରୁ ୨୩ଲକ୍ଷ ୯୧ ହଜାର ଟଙ୍କା ନଥିବା ଜାଣି ଖୁଡୀ ନିବେଦିତାକୁ ପଚାରିବାରୁ ସେ ସତ ମାନିଯାଇ ଟଙ୍କା ଫେରାଇବ ବୋଲି ପ୍ରତିଶ୍ରୁତି ଦେଇଥିଲା । ହେଲେ ଘଟଣାର ୪ ବର୍ଷ ପରେ ବି ଟଙ୍କା ନଫେରାଇବାରୁ ଲିଲି ସାହୁ ଆଦାଲତଙ୍କ ଦ୍ୱାରସ୍ଥ ହୋଇଥିଲେ । କୋର୍ଟଙ୍କ ନିର୍ଦ୍ଦେଶ ପରେ ଛେଣ୍ଡିପଦା ପୁଲିସ ପୁରା ଘଟଣାର ତଦନ୍ତ କରି ନିବେଦିତା ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଛି ।