ରମଣଙ୍କ ଜ୍ୱାଇଁ ବିରୋଧରେ ଠକେଇ ଅଭିଯୋଗ । ୫୦ କୋଟି ଟଙ୍କା ହେରଫେର କରିଥିବା ଅଭିଯୋଗରେ ପୁନୀତ ଗୁପ୍ତାଙ୍କ ନାଁରେ ମାମଲା ରୁଜୁ
କନକ ବ୍ୟୁରୋ: ଛତିଶଗଡର ପୂର୍ବତନ ମୁଖ୍ୟମନ୍ତ୍ରୀ ରମଣ ସିଂହଙ୍କ ଜ୍ୱାଇଁଙ୍କ ବିରୋଧରେ ୫୦ କୋଟି ଟଙ୍କାର ଅନିୟମିତତା କରିଥିବା ନେଇ ଅଭିଯୋଗ ଆସିଛି । ଗତକାଲି ତାଙ୍କ ବିରୋଧରେ ଏକ ମାମଲା ମଧ୍ୟ ଥାନାରେ ରୁଜୁ କରାଯାଇଛି । ପୁଲିସ ସୂଚନା ମୁତାବକ, ରମଣ ସିଂହଙ୍କ ଜ୍ୱାଇଁ ପୁନୀତ ଗୁପ୍ତାଙ୍କ ବିରୋଧରେ ୫୦ କୋଟି ଟଙ୍କାର କଥିତ ଆର୍ଥିକ ଅନିୟମିତତା କରିଥିବା ନେଇ ଅଭିଯୋଗ ରହିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ମାମଲାକୁ ନେଇ ରାୟପୁରର ଅତିରିକ୍ତି ପୁଲିସ୍ ଅଧିକ୍ଷକଙ୍କ କହିବା କଥା ହେଲା, ଗୁପ୍ତାଙ୍କ ବିରୋଧରେ ଉଭୟ ଠକେଇ ଏବଂ ଟଙ୍କା ହେରଫର ଭଳି ସଙ୍ଗିନ ଅଭିଯୋଗ ରହିଛି । ଡିକେଏସ ମେଡିକାଲର ଅଧିକ୍ଷକ କମଲ କିଶୋର ସହାରେଙ୍କ ଅଭିଯୋଗକୁ ଭିତ୍ତି କରି ମାମଲା ରୁଜୁ କରାଯାଇଛି । କମଲଙ୍କ ଅଭିଯୋଗ ଅନୁସାରେ, ଗୁପ୍ତା ନିଜର କାର୍ଯ୍ୟକାଳରେ ୫୦ କୋଟି ଟଙ୍କାର କଥିତ ଆର୍ଥିକ ଅନିୟମିତତା କରିଛନ୍ତି ।
ଏଠାରେ ଆମେ କହି ରଖୁଛୁ କି, ୨୦୧୭ରେ ଛତିଶଗଡର ପୂର୍ବତନ ମୁଖ୍ୟମନ୍ତ୍ରୀ ଅଜିତ ଯୋଗୀ ମଧ୍ୟ ରମଣ ସିଂହଙ୍କ ବିରୋଧରେ ହେଲିକପ୍ଟର ଘୋଟାଲାରେ ଯାଂଚ ପାଇଁ ଦାବି କରିସାରିଛନ୍ତି । ସେ କହିଥିଲେ କି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ତାଙ୍କ ବିରୋଧରେ ଯାଂଚ ପ୍ରକ୍ରିୟା ଆରମ୍ଭ କରିବା ଦରକାର । ଏପରିକି ଯୋଗୀ ପାନାମା ଦସ୍ତାବିଜ ମାମଲାରେ ବି କଥିତ ଭାବରେ ରମଣ ସିଂହଙ୍କ ପୁଅ ନେବାକୁ ବାରମ୍ବାର ଦାବି କରିଥିଲେ । ଯଦି ତଦନ୍ତ ନହୁଏ ତେବେ ସେ ଅନସନରେ ବସିବେ ବୋଲି ଚେତାବନୀ ମଧ୍ୟ ଦେଇଥିଲେ ।