କନକ ବ୍ୟୁରୋ: ଛତିଶଗଡ ମୁଖ୍ୟମନ୍ତ୍ରୀଙ୍କ ଆଖିରେ ଲୁହ । ଦଳୀୟ ବୈଠକରେ କାନ୍ଦିଲେ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ । ଛତିଶଗଡ ପ୍ରଦେଶ କଂଗ୍ରେସ କମିଟି ବୈଠକ ଚାଲିଥିବା ବେଳେ ଏମିତି କିଛି ଦୃଶ୍ୟ ଦେଖିବାକୁ ମିଳିଥିଲା । ପ୍ରକୃତରେ ବର୍ତମାନ ଯାଏଁ ବାଘେଲ ଥିଲେ ଛତିଶଗଡ ପିସିସି ସଭାପତି । ପ୍ରଦେଶ କଂଗ୍ରେସ କମିଟିର ଦାୟିତ୍ୱ ତାଙ୍କ ହାତରେ ରହିଥିଲା । ହେଲେ ଏବେ ସେ ମୁଖ୍ୟମନ୍ତ୍ରୀ ହେବା ପରେ ପିସିସି ସଭାପତି ପଦଭାର ଅନ୍ୟ ଜଣକୁ ଦେବାକୁ ପଡିବ । ଏକାବେଳକେ ମୁଖ୍ୟମନ୍ତ୍ରୀ ଓ ପିସିସି ସଭାପତି ପଦ ତାଙ୍କ ପାଖରେ ରହିପାରିବ ନାହିଁ । ତେଣୁ କର୍ମୀଙ୍କ ପିସିସି ସଭାପତି ଭାବେ ବିଦାୟୀ ଭାଷଣ ଦେବା ବେଳେ ତାଙ୍କ ଆଖିରେ ଲୁହ ଆସିଯାଇଥିଲା ।
#WATCH Chhattisgarh Chief Minister Bhupesh Baghel who was also the Congress President of the party's state unit, tears up remembering the contribution of members, at an event passing the post to Mohan Markam in Raipur. (June 29) pic.twitter.com/O70Uuchu8P
— ANI (@ANI) June 29, 2019
ଶନିବାର ଛତିଶଗଡ ରାଜଧାନୀରେ ଆୟୋଜିତ ସଭାରେ ଜାତୀୟ କଂଗ୍ରେସ ନେତା ପିଏଲ୍ ପୁନିଆ, ନବନିଯୁକ୍ତ ସିପିସିସି ଅଧ୍ୟକ୍ଷ ମୋହନ ସରକାର ମଧ୍ୟ ଉପସ୍ଥିତ ଥିଲେ । ୨୦୧୩ରେ ଛତିଶଗଡରେ କଂଗ୍ରେସ ନିର୍ବାଚନ ହାରିବା ପରେ ରାହୁଲ ଗାନ୍ଧି , ବାଘେଲଙ୍କୁ ଦେଇଥିଲେ ଛତିଶଗଡ ପିସିସି ଦାୟିତ୍ୱ । ଏହା ମଧ୍ୟରେ ଛତିଶଗଡରେ କଂଗ୍ରେସ ବିଜେପିକୁ ହଟାଇ କ୍ଷମତାକୁ ଆସିଛି । ଏସବୁ ବାଘେଲଙ୍କ ନେତୃତ୍ୱରେ ହୋଇଥିଲା । ନିଜର ଦାୟିତ୍ୱ ହସ୍ତାନ୍ତର ବୈଠକରେ ବାଘେଲ ଦଳର ସଫଳତା ପାଇଁ କର୍ମୀଙ୍କୁ ଧନ୍ୟବାଦ ଦେଇଥିଲେ ।