ଅଧିଷ୍ଠାତ୍ରୀ ଦେବୀ ମାଆ ମାଣିକେଶ୍ୱରୀଙ୍କ ଛତରଯାତ୍ରା : ଜେନା ଖାଲରୁ ପୀଠକୁ ଫେରୁଛି ମାଆଙ୍କ ଛତର
କନକ ବ୍ୟୁରୋ : କଳାହାଣ୍ଡି ଜିଲ୍ଲାର ଅଧିଷ୍ଠାତ୍ରୀ ଦେବୀ ମା’ ମାଣିକେଶ୍ୱରୀଙ୍କ ଆଜି ଛତର ଯାତ୍ରା । ଏଥିପାଇଁ ଚଳଚଞ୍ଚଳ ହୋଇ ଉଠିଛି ଭବାନୀପାଟଣା ସହର । ପାରମ୍ପରିକ ବାଦ୍ୟ ଓ ନୃତ୍ୟର ତାଳେ ତାଳେ ହଜାର ହଜାର ଶ୍ରଦ୍ଧାଳୁ ମାଆଙ୍କ ଛତରକୁ ଜେନା ଖାଲରୁ ପୀଠକୁ ପାଛୋଟି ଆଣୁଛନ୍ତି । ପ୍ରଶାସନର ବାରଣ ସତ୍ୱେ ହଜାର ହଜାର ସଂଖ୍ୟାରେ ବଳି ପକାଉଛନ୍ତି ମାନସିକଧାରୀ ।
Kanak News is now on WhatsApp
Join and get latest news updates delivered to you via WhatsApp
ମା’ ମାଣିକେଶ୍ୱରୀଙ୍କ ଛତର ଦର୍ଶନ କରିବା ସହ ଆଶୀର୍ବାଦ ନେବାକୁ ଜିଲ୍ଲା ତଥା ଜିଲ୍ଲା ବାହାରରୁ ହଜାର ହଜାର ଭକ୍ତଙ୍କ ସମାଗମ ହୋଇଛି । ଭକ୍ତଙ୍କ ଭିଡକୁ ଆଖିରେ ରଖି ପୋଲିସ ପ୍ରଶାସନ ପକ୍ଷରୁ କଡା ସୁର କ୍ଷାର ବନ୍ଦୋବସ୍ତ କରାଯାଇଛି । ଗତକାଲି ବିଳମ୍ବିତ ରାତିରେ ମାଣିକେଶ୍ୱରୀ ମନ୍ଦିରରେ ପୋଢ ବଳି ଦେବା ପରେ ମାଙ୍କ ଛତରକୁ ଗୋପନରେ ଜେନା ଖାଲକୁ ନିଆଯାଇଥିଲା । ସେଠାରେ ଆଜି ଭୋରର ଗୁପ୍ତ ପୁଜା ଓ ବଳି ଦେବା ପରେ ବାଜାଗାଜା ସହ ମା’ ଭକ୍ତଙ୍କୁ ଦର୍ଶନ ଦେବାକୁ ବାହାରିଛନ୍ତି ।
ଛତର ଆଗରେ କଳାହାଣ୍ଡିର ପାରମ୍ପରିକ ବାଦ୍ୟ ଘୁମୁରା, ମାଦଳି ସହ ବହୁ ସାଂସ୍କୃତିକ ଦଳଙ୍କ ନୃତ୍ୟଗୀତରେ ମୁଖରିତ ହେଉଛି ସମଗ୍ର ଅଞ୍ଚଳ । ଭକ୍ତଙ୍କ ପ୍ରବଳ ଭିଡକୁ ଆଖିରେ ସୁରକ୍ଷା ଦାୟିତ୍ୱରେ ୧୦ ପ୍ଲାଟୁନ ପୋଲିସ ଫୋର୍ସ ଓ ୧୦୦ରୁ ଅଧିକ ବରିଷ୍ଠ ପୋଲିସ ଅଧିକାରୀ ନିୟୋଜିତ ହୋଇଛନ୍ତି ।