ତେବେ ପଦରୁ ହଟାଇଥିଲ କାହିଁକି? ୫୦ ଦିନ ପରେ ମୁଖ୍ୟ ଚୟନକର୍ତ୍ତା ହେଲେ ଚେତନ ଶର୍ମା । ବିସିସିଆଇ ଉପରେ ପ୍ରତିକ୍ରିୟା ପ୍ରକାଶ କଲେ ଫ୍ୟାନ୍ସ ।
କନକ ବ୍ୟୁରୋ : ଭାରତୀୟ ଦଳ ଶନିବାର ଶ୍ରୀଲଙ୍କା ବିପକ୍ଷରେ ତୃତୀୟ ଟି-୨୦ ଖେଳିବା ପାଇଁ ପ୍ରସ୍ତୁତ ହେଉଥିଲା. ଏହାର କିଛି ସମୟ ପୂର୍ବରୁ ବିସିସିଆଇ ଗୋଟିଏ ବଡ ନିଷ୍ପତ୍ତି ନେଇଛନ୍ତି । ବୋର୍ଡ ଦ୍ୱାରା ନୂଆ ଚୟନକର୍ତ୍ତା କମିଟିର ଘୋଷଣା କରାଯାଇଛି । ଏଥିରେ ପୁଣି ଥରେ ଚେତନ ଶର୍ମାଙ୍କୁ ଦଳର ମୁଖ୍ୟ ଚୟନକର୍ତ୍ତା ଭାବେ ନିଯୁକ୍ତି ମିଳିଛି । ଟି-୨୦ ବିଶ୍ୱକପରେ ଦଳର ବିଫଳତା ପରେ ବିସିସିଆଇ କଡା ଆଭିମୁଖ୍ୟ ଗ୍ରହଣ କରି ଚେତନ ଶର୍ମାଙ୍କୁ ପଦରୁ ହଟାଇଦେଇଥିଲେ । ପୁଣି ଥରେ ତାଙ୍କୁ ଏହି ପଦ ଦିଆଯିବାକୁ ନେଇ ଫ୍ୟାନ୍ସମାନେ ନାରାଜ ଅଛନ୍ତି । ବିସିସିଆଇ ଉପରେ ସାମାଜିକ ଗଣମାଧ୍ୟମରେ ଜୋରଦାର ବର୍ଷୁଛନ୍ତି ଫ୍ୟାନ୍ସ ।
Kanak News is now on WhatsApp
Join and get latest news updates delivered to you via WhatsApp
Isn’t Chetan Sharma the guy who is 4’9” and on whose last ball of the match was a full toss and was thrown out of ground by Javed Miandad to win Asia Cup? https://t.co/4UCA1Qz52w
— Ra_Bies 2.0 (@Ra_Bies) January 7, 2023
Yaha country ne law change Kar diya aur hum
Cricket main chief selector change nahin Kar pa rahe 😉#ChetanSharma#IndianCricketTeam #IndiaCricket@BCCI #JaiIpl https://t.co/JsnLxldrDX pic.twitter.com/iutHTNFF7e— Vidit Chauhan #Sidheart (@vidit2022) January 7, 2023
NEWS 🚨- BCCI announces All-India Senior Men Selection Committee appointments.
Mr Chetan Sharma recommended for the role of Chairman of the senior men’s selection committee.
More details 👇👇https://t.co/K5EUPk454Y
— BCCI (@BCCI) January 7, 2023
୨୦୨୨ ଟି-୨୦ ବିଶ୍ୱକପ ସେମିଫାଇନାଲରେ ଇଂଲଣ୍ଡ ନିକଟରୁ ପରାସ୍ତ ହୋଇଥିଲା ଭାରତ । ଦଳର ପ୍ରଦର୍ଶନ ନେଇ ସେତେବେଳେ ପ୍ରଶ୍ନ ଉଠୁଥିଲା । ଏହାର କିଛି ଦିନ ମଧ୍ୟରେ ବିସିସିଆଇ ପଦକ୍ଷେପ ନେଇ ଚେତନ ଶର୍ମାଙ୍କ ନେତୃତ୍ୱଧିନ ଚୟନକର୍ତ୍ତା କମିଟିକୁ ଭଙ୍ଗ କରିଥିଲେ । ତେବେ ଏହାର କିଛି ସମୟ ପରେ ସେହି କମିଟି ହିଁ ଶ୍ରୀଲଙ୍କା ବିରୋଧରେ ଭାରତୀୟ ଦଳ ଚୟନ କରିଥିଲେ । ପୁଣି ଥରେ ଚେତନ ଶର୍ମାଙ୍କୁ ନୂଆ ମୁଖ୍ୟ ଚୟନକର୍ତ୍ତା ଭାବେ ନିଯୁକ୍ତି ମିଳିଛି । ସୋସିଆଲ ମିଡିଆରେ ବିସିସିଆଇ ବିରୋଧରେ ଜୋରଦାର ପ୍ରତିକ୍ରିୟା ପ୍ରକାଶ ପାଇଛି । ସେମାନେ ପ୍ରଶ୍ନ କରିଛନ୍ତି ଯଦି ପୁଣି ଚେତନ ଶର୍ମାଙ୍କୁ ଫେରାଇ ଆଣିବାର ଥିଲା ତେବେ ବିଶ୍ୱକପ ପରେ ତାଙ୍କୁ ବରଖାସ୍ତ କରାଯାଉଥିଲା କାହିଁକି । କିଛି ଜଣ ଏହା ମଧ୍ୟ କହିଛନ୍ତି ବିସିସିଆଇ ଦ୍ୱାରା ଏହା ସବୁଠାରୁ ଖରାପ ନିଷ୍ପତ୍ତି । ଆଉ କିଛି ଜଣ ତ କହିଛନ୍ତି ଦଳ ଆଉ ଗୋଟିଏ ବିଶ୍ୱକପ ହାରିବାକୁ ପ୍ରସ୍ତୁତ ହେଉଛି ।