କନକ ବ୍ୟୁରୋ : ଅଲିମ୍ପିକ୍ସରେ ଭାରତ ପାଇଁ ସ୍ୱର୍ଣ୍ଣ ପଦକ ଜିତିଥିବା ନୀରଜ ଚୋପ୍ରାଙ୍କୁ ବା କିଏ ନ ଜାଣିଛି । ଅଲିମ୍ପିକ୍ସରେ ଗୋଲ୍ଡ ମେଡାଲ ଜିତିବା ପରେ ନୀରଜ ରାତାରାତି ଭାରତର ସୁନା ପୁଅ ପାଲଟିଯାଇଥିଲେ । ନୀରଜଙ୍କ ପାଇଁ ଚାରିଆଡୁ ଶୁଭେଚ୍ଛାର ସୁଅ ଛୁଟିଥିଲା, ଉପହାରର ବର୍ଷା ହୋଇଥିଲା । ଯାହା ଏବେ ବି ଜାରି ରହିଛି । ପୂର୍ବ ଘୋଷଣା ଅନୁଯାୟୀ, ଏବେ ନୀରଜଙ୍କୁ ଏକ କୋଟି ଟଙ୍କା ଦେଇଛି ଧୋନୀଙ୍କ ଟିମ୍ । ଚଳିତ ଆଇପିଏଲରେ ଚାମ୍ପିୟନ ହୋଇଥିବା ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗସ ନୀରଜଙ୍କୁ କୋଟିଏ ଟଙ୍କା ଦେଇଛି । ଟ୍ୱିଟରରେ ନୀରଜଙ୍କ ସହ ଏକ ଫଟୋ ସେୟାର କରି ଏ ବାବଦରେ ସୂଚନା ଦେଇଛି ଚେନ୍ନାଇ ସୁପର କିଙ୍ଗସ । ପୂର୍ବରୁ ଟୋକିଓ ଅଲିମ୍ପିକ୍ସରେ ନୀରଜ ସ୍ୱର୍ଣ୍ଣ ପଦକ ଜିତିବା ପରେ ଏକ କୋଟି ଟଙ୍କା ଦେବାକୁ ଘୋଷଣା କରିଥିଲା ଚେନ୍ନାଇ ।
Kanak News is now on WhatsApp
Join and get latest news updates delivered to you via WhatsApp
କେବଳ ଏକ କୋଟି ଟଙ୍କା ଦେଇନାହିଁ ବରଂ ଏକ ସ୍ପେଶାଲ ଜର୍ସି ମଧ୍ୟ ନୀରଜ ଚୋପ୍ରାଙ୍କୁ ଦେଇଛି ଚେନ୍ନାଇ । ଯେଉଁ ଜର୍ସିରେ ୮୭୫୮ ପ୍ରିଣ୍ଟ ରହିଛି । ନୀରଜ ଚୋପ୍ରା ୮୭.୫୮ ମିଟର ଦୂର ପର୍ଯ୍ୟନ୍ତ ଜାଭେଲିନ ପକାଇ ସ୍ୱର୍ଣ୍ଣ ପଦକ ଜିତିଥିଲେ । ଯେଉଁଥିପାଇଁ ଏହି ନମ୍ବର ଥିବା ଏକ ଜର୍ସି ନୀରଜଙ୍କୁ ଦେଇଛି ଚେନ୍ନାଇ ।
The one with the Golden boy @Neeraj_chopra1 ! Super happy to hand our 💛 to the arms that made us proud!
Read : https://t.co/qiiw18aLH6#WhistlePodu #Yellove 🦁 pic.twitter.com/rMpHwWD2F7— Chennai Super Kings – Mask P😷du Whistle P🥳du! (@ChennaiIPL) October 31, 2021
ଚେନ୍ନାଇ ପକ୍ଷରୁ ନୀରଜଙ୍କୁ କୋଟିଏ ଟଙ୍କା ମିଳିଥିବା ବେଳେ ମହିନ୍ଦ୍ରା ଆଣ୍ଡ ମହିନ୍ଦ୍ରା କମ୍ପାନୀ ପକ୍ଷରୁ ଏକ ଏକ୍ସୟୁଭି ୭୦୦ ଗାଡି ଗିଫ୍ଟ ଦିଆଯାଇଛି । ଉପହାରରେ ଗାଡି ପାଇବା ପରେ ଏନେଇ ଟ୍ୱିଟ୍ କରି ଫଟୋ ସେୟାର କରିଛନ୍ତି ନୀରଜ । ଖୁବଶୀଘ୍ର ଏହାକୁ ଚଲାଇବି ବୋଲି କହିବା ସହ ସୁନ୍ଦର ଗାଡି ପାଇଁ ଆନନ୍ଦ ମହିନ୍ଦ୍ରାଙ୍କୁ ଧନ୍ୟବାଦ ଜଣାଇଛନ୍ତି ନୀରଜ । ୮୭୫୮ ସ୍ପେଶାଲ ନମ୍ବର ଥିବା ଏକ୍ସୟୁଭି ଗାଡି ନୀରଜଙ୍କୁ ଦିଆଯାଇଛି । ଏହି ସ୍ପେଶାଲ ନମ୍ବର ପଛରେ ନୀରଜଙ୍କ ଅଲିମ୍ପିକ୍ସ ସଫଳତା ଲୁଚି ରହିଛି । କାରଣ ୮୭.୫୮ ମିଟର ଦୂରତା ଯାଏଁ ଜାଭେଲିନ ପକାଇ ଅଲମ୍ପିକ୍ସରେ ସୁନା ପଦକ ହାତେଇଥିଲେ ନୀରଜ । କମ୍ପାନି ପକ୍ଷରୁ ନୀରଜଙ୍କୁ କଳାରଙ୍ଗର ଗାଡି ଦିଆଯାଇଥିବା ବେଳେ ସ୍ପେଶାଲ ପେଣ୍ଟିଂ ମଧ୍ୟ କରାଯାଇଛି । ନୀରଜ ଜାଭେଲିନ ଥ୍ରୋ କରୁଥିବାର ପେଣ୍ଟିଂକୁ ଏହି ଗାଡିରେ ସ୍ଥାନ ଦିଆଯାଇଛି । ନୀରଜଙ୍କ ଟ୍ୱିଟକୁ ରି ଟ୍ୱିଟ୍ କରିବା ସହ ଆନନ୍ଦ ମହିନ୍ଦ୍ରା କହିଛନ୍ତି, ପୂରା ଦେଶକୁ ତୁମେ ଗର୍ବିତ କରିଛି । ଆଶା କରୁଛୁ ଏହି ଏକ୍ସୟୁଭି ଗାଡି ଆମ ଚାମ୍ପିୟନ ଖେଳାଳୀଙ୍କ ରଥ ସାଜିବ ଓ ଗର୍ବିତ କରିବ ।
Thank you @anandmahindra ji for the new set of wheels with some very special customisation! I’m looking forward to taking the car out for a spin very soon. 🙂 pic.twitter.com/doNwgOPogp
— Neeraj Chopra (@Neeraj_chopra1) October 30, 2021
କେବଳ ନୀରଜ ନୁହଁନ୍ତି ବରଂ ଜାଭେଲିନ ଖେଳାଳୀ ସୁମିତ ଅନ୍ତିଲଙ୍କୁ ମଧ୍ୟ ଏକ୍ସୟୁଭି ଗାଡି ପ୍ରଦାନ କରିଛି ମହିନ୍ଦ୍ରା କମ୍ପାନି । ପାରା ଅଲିମ୍ପିକ୍ସରେ ସୁମିତ ଭାରତ ପାଇଁ ସ୍ୱର୍ଣ୍ଣ ପଦକ ଜିତିଥିଲେ । ଯାହାର ଫଟୋ ଟ୍ୱିଟରରେ ସେୟାର କରିଥିଲେ ସୁମିତ । ସେହିଭଳି ଚଳିତବର୍ଷ ଖେଳରତ୍ନ ପୁରସ୍କାର ପାଇଁ ନୀରଜଙ୍କ ସମେତ ୧୧ ଜଣ ଖେଳାଳୀଙ୍କ ନାଁ ସୁପାରିଶ କରାଯାଇଛି । ଯେଉଁଥିରେ ସୁମିତ ଅନ୍ତିଲଙ୍କ ନାଁ ମଧ୍ୟ ରହିଛି । ଯାହା ଉଭୟ ଖେଳାଳୀଙ୍କୁ ଡବଲ ଖୁସି ଆଣି ଦେଇଛି ।